牛屋餐廳

营业中

休息中

有時食lunch會經過呢間牛屋都覺得個門面睇落好懷舊，🐨對呢啲懷舊復古嘅餐廳特別感興趣，一於嚟試吓佢😏招牌法式焗田螺 $68一共有6粒田螺，薯蓉份量都多，質感幾滑身，唔會好油膩，淡淡嘅牛油味，田螺就幾容易咀嚼，咁嘅價錢，可以一試🤓招牌威靈頓牛柳 $238呢個價錢食到呢個質素嘅威靈頓牛扒都真係無投訴，性價比極高，威靈頓牛柳手工繁複，用嚟做招牌嘅餐廳都唔係好多間，而呢度嘅威靈頓牛柳好食過出面好多酒店，酥皮味道正常，都幾鬆脆，切嘅時候同牛柳都無乜點分離，都真係做得相當出色，牛柳叫咗五成熟，切開見到嘅顏色係粉嫩嘅，肉質都算嫩滑，嚟得呢度一定要試😝香煎比目魚扒配原隻大蝦 $198比目魚扒份量夠晒大，煎到好香脆，魚肉食落微甜，原隻大蝦開邊，肉質紮實彈牙，蝦味超濃郁，呢個價錢都真係大份夾抵食🤪酥皮湯 +$18喺呢啲懷舊扒房食扒，酥皮湯真係Must㗎，味道正常發揮，主打食一個情懷🫶🏻估唔到一間咁懷舊嘅餐廳，係由一班後生仔去用心打理經營，性價比又高，食物質素相當唔錯，小店係好值得大家去支持嘅👍🏻

正如禁題所講，夏天不能去的扒房係因為當日我哋坐嘅位置係樓梯底亦係廚房出菜位置，一坐底無幾耐，完全感受唔到冷氣，Order時問店員可唔可以開大少少冷氣，但原來因舖頭太舊關係冷氣已經開到最大，依到俾一個建議係即使冷氣開曬/舖頭太舊，都可以添置風扇令到室內空氣流通一點。不過最唔開心既係，埋單走人嘅時侯發覺舖頭門口對出既位置係有冷氣風的，而店員知我哋坐嘅位置較熱都無主動提出調過去，不過依間係一間平價扒房，所以我唔可以要求店員有體貼嘅水準。講返食物先，當日叫左兩個餐：威靈頓牛柳、黑椒牛仔骨（西冷同肉眼都賣曬）餐湯+$18 有得轉酥皮 幾不錯餐包牛油太少太少了，有去過應該明我所指嘅太少係點，少到我以為未搽佢俾漏左牛油我......睇網上食評大家都講二百幾蚊可以食到威靈頓牛柳性價比高，但我只可以講依個係一個酥皮加牛柳並唔係傳統工序好多既威靈頓牛柳，但酥皮係好味的。而負評俾薯條係因為 完 全 唔 熱，可以講係開店炸起無保溫無翻炸，非常失望！黑椒牛仔骨就味道可以，係舊底扒房可以搵到既黑椒汁味。

🕖時段-星期一中午1點左右到堂食可即時入座 餐廳入面都多人 得2張吉枱 另外有兩三個嗌緊外賣_▫️酥皮湯 +$18為了滿足飲酥皮湯而來🥰而家好似唔係好多地方有... 酥皮好似新鮮焗咁 仲脆! 個湯上個時熱辣辣 羅宋湯好濃味 忌廉湯個流質感偏稀 _▫️紐西蘭肉眼(8oz) $98配薯菜 係鹽味粗薯 唔洗點茄汁/黑椒汁已好好味😎肉眼要左5成熟 預左少少overcook 無乜血水 切開中開紅紅地 唔韌👍🏻肉質頗嫩多汁 good! _▫️燒烤汁豬扒 $53好 大 份 ！幾十蚊既飯有兩大塊豬扒+好多薯條😦淨左少少食唔哂🥲個燒烤汁幾濃味 甜甜地 豬扒淋左好多汁 清淡人士可自己刮走部分😂😂 豬扒厚薄適中 肉唔會乾 CP值極高🤩_呢個價錢有餐湯+餐包+扒 免加一💰仲要幾好食😋抵呀！難怪咁多職人來食lunch/買外賣👍🏻_🍽環境懷舊港式扒房 大約有10枱左右 侍應好快手但唔會催人走 高效率得來又唔會感到壓力

🥢招牌英國威靈頓牛柳 $218 (+$18轉酥皮忌廉湯)🆗威靈頓牛柳作為英國名菜比人嘅印象一直都係手工繁複、價值不菲但牛屋$218就可以試到👅不過份量就偏細，亦都唔好期望嚿牛係Aberdeen Angus，或者中間包咗Parma Ham同野菌😂牛屋嘅威靈頓牛柳夾咗火腿同鵝肝醬酥皮味道正常酥脆入面嚿牛柳都做到5成熟肉質唔錯不過牛味就唔算好出酥皮同牛柳有少少分離，一切開就散左所以食嘅時候都要自己叉返埋啲酥皮同舊牛一齊食🤪想平平哋試下入門級嘅可以黎支持下🥳想食再好啲可以試埋另一間黃店Bistro Bon🙌🏻-牛柳跟餐就包咗紅/白湯+$18就可以加埋酥皮👍🏻👍🏻同威靈頓牛柳塊酥皮一樣，都係食落好酥脆好香牛油味個湯本身就無乜surprise啦🤪-🥢芝士焗什菌 $58🆖不過呢個焗什菌就有啲強差人意😂表面睇落層芝士都幾靚但食落發現啲菇焗到出哂水，成碟嘢水流流咁😨同埋啲菇唔係磨菇/大啡菇個類而係秀珍菇同金菇撈咗啲白汁咁🤨我自己就覺得唔係幾好食-🌟評價 𝗥𝗮𝘁𝗶𝗻𝗴𝘀🌟食物 𝗙𝗼𝗼𝗱 6/10環境 𝗘𝗻𝘃𝗶𝗿𝗼𝗻𝗺𝗲𝗻𝘁 6/10服務 𝗦𝗲𝗿𝘃𝗶𝗰𝗲 6/10性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 7/

小妹比較鐘意飲酥皮湯，都唔多地方有而且仲要係黃店，當然要去試下！因為唔食得牛，我點左洋蔥豬扒，而男朋友就點左西冷～我就要酥皮羅宋湯，男朋友就要普通羅宋湯～外邊好多酥皮湯都係配白湯，而我係紅湯派，我問靚女職員，佢話紅白都可以，所以可以配紅湯非常之合我心意！！！好快就上湯上餐包～酥皮有少少少少燶，但唔大影響～兩層既厚厚酥皮，浸落好香濃既羅宋湯食，好好味有一個餐包燶到嚇親我，不過唔影響，燶味未到好勁，中間依然香軟仲已夾好牛油係入面。湯都未飲完，扒就上菜喇！見到塊豬扒好大塊，仲要係兩塊。未食就知道係食唔晒豬扒既肉唔錯，係邊位肥膏多左少少，比我切走晒！洋蔥汁就正正常常既味道～最後真係食晒d菜同塊扒就食唔落意粉～至於男朋友點既牛扒我無影，掛住食！佢話我塊扒好食過佢塊西冷～最後飲埋杯飲品就滿足晒！絕對係抵食抵食抵食！！！而且店員都好靚女，又好有禮貌！！抵食又好味既良心店，絕對要支持！！！

原來係佐頓有兩間同名似樣既鋸扒餐廳，兩間個menu比較會見到一間會專食扒，另外一間就雜錦咩都有啲咁樣當然今日講呢間就係前者。我都係見到有個幾吸引就俾佢引左入去—威靈頓牛柳。呢款食物我其實聽聞左好多次係地獄廚神既拿手菜，不過要係香港食到除左有錢仲要有時間心思去卜位...... 我呢啲窮西唯有食住次一等先，上網睇過整威靈頓牛柳都係好複雜，所以佢嘅價值係包左用料、技術同心機。呢一件野就值二百幾蚊如果我加埋個酥皮湯就加多$24 ，由於我係第一次食同埋個酥皮湯亦都幾好飲所以我會俾佢好高分。同埋睇到佢餐牌其實其他扒餐性價比高平均$150就有交易，所以有興趣鋸扒不妨一試。

聽講呢間牛房餐廳嘅酥皮湯非常出名，所以筆者今日特登黎到佐敦一嚐佢嘅晚餐究竟如何。呢度嘅晚餐推介每日都唔同，而筆者去嘅嗰日係prmote緊牛仔骨，所以筆者就叫左佢牛仔骨嘅menu，然後餐湯揀左忌廉湯加酥皮。先講一講呢度嘅酥皮湯，酥皮焗得非常酥脆，上湯嘅時候侍應仲叫筆者一定一定要小心唔好掂到個碗邊，因為佢嘅酥皮湯係即叫即整， 留意翻一般就咁叫餐湯係唔會有酥皮，但係筆者強烈建議大家一定會要加錢加埋酥皮。酥皮可以食得出有一股牛油味，就咁唔沾湯食嘅感覺有d似牛角酥，而當沾左湯之後，酥皮吸收晒d汁，入口非常順綿，無論係乾食定濕食都非常好食。另外，餐湯仲有跟埋餐包，餐包都有焗翻一次，所以都非常之鬆軟，而邊係有小小脆，而最好嘅地方係佢係幫你搽左牛油先去焗翻熱，所以牛油嘅香氣係非常濃郁。至於主菜嘅牛仔骨，雖然無酥皮湯咁驚艷，但係絕對唔差。2條牛仔骨份量唔少，而且肉質嫩，容易切開，咀嚼嘅時候一d都唔覺得難咬碎。加上佢嘅火候控制得岩岩好，牛仔骨嘅表面煎得微脆，但係d肉汁都仲係非常之飽滿，唔會出現越食越口感嘅情況出現，可能呢個就係佢唔似平時餐廳會俾埋鐵板嘅原因。而黑椒汁略為太鹹，而且黑椒味唔算太重，適合唔食得