餃子冰室

营业中

休息中

假日中午一點落船好彩直入，接住都有好多人排隊🤓環境比較細小侷促，雖然每檯都有幾把電風扇仔，但都食到流曬汗😮‍💨餃子創意加分，但再入長洲既話想食其他嘢▪️ 6隻餃子 - 黑白土匪餃（6.5/10）+ 酸辣湯（6.5/10）💲59 + 6呢款只限半煎炸，本身見黑白仲以為松露，原來係面頭灑上唔少兩色芝麻粒🤣個皮入口唔係預期中既香脆，而係偏厚同埋韌身🤨本身有諗過係咪自己影耐左，但係有朋友話之前去過上檯即食都已經係咁😳以雞肉做餡幾特別，好重孜然味，完全係譚仔土匪雞翼既感覺🤪但個餡有啲削，亦會鹹左少少🫣▪️ 6隻餃子 - 鹹蛋黃黃金餃（7/10）+ 黑醬油雞飯（7/10）+ 酸辣湯（6.5/10）💲69 + 6面頭有好多流沙鹹蛋黃醬同埋粒，兩樣兼備頗為濃味，豬肉餡較有肉汁，不過整體油膩感都高🤫本身對個飯無咩期望，連相都無影到😅醬油係底要記得撈下先，雞件都嫩滑同入味，又幾大碗啱曬男士😛不鏽鋼碗保溫功能唔錯，酸辣湯熱辣辣，可惜比較稀淡🤔🔎 整體評分（6.5/10）

幾年無入黎長洲就梗係要試吓啲新美食啦😆當中又點少得餃子冰室🥟一直bookmark咗好耐😇當日天陰陰🥹，而且我哋成差唔多三點先去到，所以避晒所有人龍，唔使排隊可以直入😆🥟黑白土匪餃(配酸辣湯) $65第一次見土匪味既餃子😍一上枱已經好重孜然粉味😋餃子係半煎炸既，望落已經feel到脆卜卜😇餃子入面係孜然味既雞肉餡，個感覺真係有啲似食緊土匪雞翼咁，好得意🤣套餐配咗一杯四季春，清清地咁襯托個濃味嘅餃子幾解膩☺️🥤腐竹蛋花薏米沙冰($37)同樣地用沙冰嘅形式還原左港式嘅傳統糖水腐竹蛋薏米😆冇咗腐竹一塊塊嘅口感，取而代之嘅係成座山咁高綿綿嘅沙冰🍧最近熱熱地嘅天氣飲就最啱啦！仲有! 沙冰面仲有啲薏米，豐富左成杯嘢嘅口感🤣如果多啲薏米撈埋係沙冰入面就更好啦😍

清吓啲大假，就同老婆入嚟長洲宅渡假一下，點解揀長洲，因為都十幾年無入過嚟，睇吓變化有幾多，所以，專登請日假，星期五入，星期六走，諗住無咁多人，無咁擠逼。因為得兩公婆，都喺輕鬆自在遊，亦專登逛到2:00pm先食晏。「餃子冰室」一早就定好嚟試，一來睇見啲食評覺得頗有特色，二來餃子喺老婆喜愛嘅食物，而佢更喺長洲嘅人氣店。 鋪面就擺晒啲餐牌、食物相出嚟，既吸引啲遊人，亦讓等位嘅客人可以諗吓食乜，不過，今日喺閒日，又過咗飯市高峰時間，喺無人排隊，裡面仲有好多空位添。 裡面地方唔大，我哋被安排坐晌近門口嘅二人單向卡位，可謂自成一角。無行到入去，但目測估計都喺十多個位左右。環境比較昏暗，牆身貼滿好多食物相、餐牌……等等，而我哋個位，枱上擺咗個餃子模型同懷舊電話，後生一輩大多數都未見過，仲有自家製辣油同酸醋。既然喺以餃子為主打，菜式就以餃子搭配其他食物成為各款套餐，如酸辣湯、黑醬油雞飯、糖醋骨飯，而餃子更有成11款之多，標明全手工製、無添加，不過，未必有齊晒，睇睇門口個餃子剩餘數量牌就知邊一款仲有貨。 由於唔算多客，就算即叫即做，啲食物都算快嚟齊晒。我哋叫咗兩個餐，老婆鍾意食餃子，就點咗10隻餃子套餐

今次我地搭高速船黎到長洲已經1點lu, 我地冇去食海鮮, 直接行去餃子冰室食Lunch盡管已經多左人去外遊, 但星期六既長洲都係人山人海。直衝去餃子冰室既決定係明智既決定, 我地好彩唔駛等位。餃子冰室位置好易搵, 裝潢幾靚嫁, 行懷舊路線。我地兩個人點左12隻餃子+2碗飯，1碗酸辣湯+2杯熱飲跟餐熱飲： 四季春茶（冇加大）冇錢加大都已經好大杯, 滋味甘醇, 最岩就係配煎餃。酸辣湯酸辣湯都幾足料，但我就覺得唔夠辣啦！糖醋排骨飯比較惹味，實質都冇骨既，飯都有口感。黑醬油雞飯好醬油，少左d甜味。家鄉肉餅餃(煎)煎餃比較快上到檯，外脆內軟，重keep到肉汁係裹面。獨創南乳豆卜餃(蒸)味道獨特，加左佢既辣油一齊食，比煎更有肉汁下。總結：是次體驗唔錯，店員服務好好，好細心，好主動拎櫈俾你放袋。裝潢別有一番風味，但餐廳真係唔大，想打卡就有難道啦！如果唔想等位就記得早d黎，唔好等到晏就，我試過再經過餃子冰室果時，見佢好多款都話售罄嫁！

12:30「餃子冰室」開門；做到第一批客人🥇。果然名不虛傳，餃子多汁，味道特別；。🥟『南乳豆卜餃/ 8隻（蒸）•酸辣湯』$62友人話係「南乳蒸排骨配豆卜底」嘅味道；每籠4隻，一人一籠，share好方便；比較唔太欣賞嘅係「酸辣湯」，唔夠酸唔夠辣⋯⋯🥟『鹹蛋黃黃金餃/ 6隻』$42十分邪惡之選，炸肉餃，上面仲淋鹹蛋黃醬，好夾；share啱啱好，一人3隻⋯⋯🐥『麻油白雲雞中翼/3隻』$25⋯⋯有家的味道🎋🥕『竹蔗茅根甘筍沙冰』$33🥚🧊『腐竹蛋花洋薏米沙冰』$33⋯⋯沙冰都好出色，腐竹比較濃同綿， 竹蔗茅根比較清新。📍餃子冰室 (長洲)長洲大新海傍路86號地下。好味指數：🌕🌕🌕🌕🌕回味指數：🌕🌕🌕🌕🌕🤪已經推薦屋企人去食🥰。【小編的話】➡️位置唔多，大概14-16個位左右；2人枱比較方便；唔係人多gathering嘅地方➡️食完後都有路過，人龍係跟船期，如果佢係你嘅「必食list」，你應該一落船就去食；咁上一船嘅人應該差唔多食完，唔使等太耐➡️每張枱邊會有一個小風扇，作用唔大，但好細心

終於黎試左長洲既呢間餃子冰室，呢間餃子店主打特色口味既餃子，我地平日下午大概3點半到都要等位，等左大概半個鐘，位置就唔算多，得6張枱左右，所以會係長洲stay一晚既建議直接買外賣翻房食，佢地上菜都算速度好快。整體而言，我覺得入到黎長洲，呢間餃子冰室係必試既，如果多幾個朋友一齊黎，可以試多啲佢不同款式既餃子，佢啲特色餃子係特別之餘，你食落都唔會覺得奇怪，而且係好食！不過，一開始等位嗰陣見到明明有一枱客已經食完好耐，但佢地仲坐係到禁電話，差唔多超過15分鐘，個人覺得尤其呢啲出名小店，自己食完就儘快讓個位比下一個客人會好啲，不過呢啲又無規定既，所以建議大家買外賣都係唔錯既選擇。

餃子冰室 上次就去咗長洲角酪/陳通記...，而呢次我諗都冇諗過會去餃子店，有圖應該都留番去食糯米糍/紅豆餅啦，但我又諗都冇諗過會咁好食嘅。 餃子冰室創辦人係長洲原居民，起初店舖只得佢哋兩個包辦廚師/侍應，只能提供三款餃子，但佢哋都堅持每日轉吓款式，默默研究更多搞鬼嘅饀料。其中創作「南乳豆卜餃」呢個靈感係黎至於阿媽平日嘅家常便飯。 店舖位於唔喺海傍嘅新海傍路，招牌顯得非常隱蔽，如果冇埋個招牌乍看更似一間路邊民居村屋。店內就行復古風，破舊嘅枱櫈，冇遮冇掩嘅燈泡，疊滿黑白淡奶嘅counter等，都呈現著70s嘅冰室作風。 食物選擇以佢咁細間舖黎講都整到好多野，但佢叫「冰室」。當日就有十款餃子，有D就要額外加錢。套餐選擇包含4-10隻餃/飯/酸辣湯或是日飲品。想細食或當係個正餐都得，但注意每位低消費係$35。 4隻餃子+酸辣湯$45 (黑白土匪餃+$5) 價錢黎講就算一般啦，但佢嘅份量真係唔講得笑。望落唔似係煎餃，更似炸餃，但好少見到餃子嘅饀料係咁肥大嘅。 餃子皮煎/炸得均勻，雖然話係偏厚嘅，但每面都酥脆誘人。一咬開香脆嘅外皮，裏面係好澎湃嘅肉汁，好似小籠包咁，真心估佢唔到。 網上有見過係土

平時食開餃子嘅大家，係咪已經食厭咗冬菇雞肉、韭菜豬肉餃呢啲大路嘅款式？今次介紹呢間餃子專門店，主打特色餃子，好似將大家平時食開嘅土匪雞翼加落餃子入邊。店主係土生土長嘅長洲人，雖然冇餐飲經驗，但發覺長洲冇專賣餃子嘅舖頭就開咗。一開始為咗研究新口味，每日朝早八點就開始備料，忙到夜晚11點先完，每款餃子都係自家研製同不斷試出黎，直到而家店舖提供10款餃子，比較有香港特色平時食唔到嘅好似家鄉肉餅餃、南乳豆卜餃、鹹蛋黃黃金餃等。餐廳以傳統冰室作為設計藍本，加上舊式地磚同埋有香港特色嘅掛畫同標語牌，令到鋪頭充滿懷舊氣氛。不過環境唔算寬敞，人多時會坐得比較迫。-1️⃣ 酸辣湯 跟餐 4隻餃子+ 酸辣湯💰41（👅: 7/10）兩個人食就咁叫兩個六隻餃子唔夠飽，所以就叫咗呢個餐，有四隻餃子架一酸辣湯。酸辣湯唔算辣，辣味會比酸味重，飲落比較普通，我覺得酸味同辣味唔夠重，但呢個份量加餃子會食到飽，天氣熱嘅時候食會出汗。嘢飲叫咗四季春茶，飲有淡淡的茶味，加上天氣幾熱，飲落好冰涼。-2️⃣ 鹹蛋黃黃金餃 💰38（👅: 8.5/10）特別餃子得煎餃無蒸餃，實際係半煎炸既餃。餃子食落好脆口，尤其係餃子邊煎到好香脆。咬落會

臨近聖誕想出走但又邊到都唔去得於是決定入長洲度下假今日凍到得十度左右仲要大風都爆決定食左啲熱野暖下個人先🤣openrice search 過見呢到有土匪雞肉餃咁得意於是試下🤣門店不是很大間 座位不算很多當日full house 好彩有位🤣叫左兩個set 餐 包括（1) 6隻餃連酸辣湯 及 (2) 8餃連糖醋骨飯飲品是兩杯四季春茶😛先講酸辣湯， 非常之足料，酸辣恰宜暖身一流🤤🤤蒸蔥爆牛角餃：皮薄餡靚，多湯汁，蔥牛都超香😍啱晒我呢啲食熱氣野會口乾唔舒服既人🤤主角土匪黑白雞肉餃：滿滿的孜然粉 賣相又黃金超靚打卡唔錯🤣 好味道😝糖醋骨白飯：甜甜地非常開胃👍總結是，非常推薦大家一試😍

而家放假無得去旅行，唯有坐船去離島，感受下不一樣既香港生活。距離上一次黎長洲已經係一年半既事，期間亦有新既特色餐廳崛起，今次呢間係其中一間新店，中意食餃子既我，又豈會錯過!!?我地到達餐廳既時候剛好12點，成為當日第一枱客人，但只係半個鐘，餐廳已經滿座，人氣相當高企!!由於已經食左正餐，加上又有下間餐廳要試，所以四個人只係點左三個全日餐，剛好$123，符合到每位最低消費。餐茶 – 四季春茶茶味偏淡，無任何苦澀味，亦唔覺有解膩功效。黑白土匪雞肉餃6隻 $41友人中意食土匪雞翼，當然要試下呢款餃子夠唔夠土匪啦!! 熱辣辣上枱，一陣陣孜然粉味撲鼻，餃子煎炸到三面金黃，相當誘人!!齋望個樣以為佢外皮係硬脆型，但原來只係小小焦脆，入口唔會有”卡嗦”聲，卻好有焦香味；肉餡算多，而且好多汁!! 我咬第一啖果陣仲噴左d汁去朋友度添由於雞肉本身味淡，所以其味道既來源係來自表面上既孜然粉同芝麻，個人覺得加上辣醬更好味。鹹蛋黃黃金餃6隻 $41黃金乜乜乜一直都係人氣之選，何謂百吃不厭。呢款餃子煎炸到三面金黃外，仲掛上滿滿既鹹蛋黃，再用上金色碟裝盤，真係金碧輝煌，非常耀眼!!咬落去會先試到蛋黃香，之後豬肉香會

餃子冰室係由兩位90後土生土長既長洲人開店既🤣呢間小店既特色係除左有平時出面食到既餡料外，仲有啲比較特別既餡料，例如家鄉肉餅、咖哩薯仔、南乳豆卜等😊-🎈原隻鮮蝦菠菜餃(4隻)+酸辣湯 $40我平時鐘意食湯餃或蒸餃多過煎餃既～因為覺得前者係最保留到佢既原汁原味😌餃子食落去真係皮薄饀靚，而且鮮蝦大大粒咁😋重點係完全鎖住哂啲汁係入面，完全係會令人想一食再食😳而酸辣湯有點兒偏辣～不過酸酸辣辣咁好過癮😂個人覺得幾好，但男朋友仔就話一般咁🙈-🔸餃子冰室📍長洲大新海傍路86號地下