九份•十分 (T Town ) (已結業)

疫症當前，要是生死之交及性價比高餐廳才會外出吃飯，我同BB去左食九份十份，好正宗的台式食物，我地兩個因為好耐冇出街食野，今次真係都叫左好蛋野食，叫左醉小三（醉鴨舌、醉雞、醉豬手）因為3樣野都想食，所以叫醉小三就岩哂，份量剛剛不會太多，兩個人食就可以食多幾樣野😍，再叫左台灣鹽酥雞，新鮮熱辣好台式口味，主食我地叫左紅燒牛肉麵同埋綜合滷味肉燥飯，牛肉麵真係好正，牛肉有咬口但都係好入味，仲要有3大條牛肉，份量好多，另外肉燥飯份量仲多，我地真係食唔哂，我下次一定只叫一個主食，太多了，我地仲另外叫左兩杯綜合水果茶，水果好新鮮，好好飲🥰

T-town 呢間九份•十分都開左好耐，味道是很好的，很少有失準，我最愛就是吃他們的台灣鹽酥雞($48)!作為前菜，份量也不少。鹽酥雞炸得香脆，外層炸粉適量，熱辣辣，好惹味!呢度有個好好的地方，就係會俾6支調味粉，任君選擇，我就最愛梅子味，味道酸酸甜甜，是初戀的味道!醉小三($88) 醉小三話明係三，就有三種用酒醃成的肉類，分別係醉鴨舌、醉雞同埋醉豬手。呢碟係冷盤，感覺浸左好耐花雕酒，表皮已浸到透明，好入味，而且非常開胃，男友超愛吃呢!紅燒牛肉麵($65)濃郁的湯底，配上半肥瘦的牛腱，牛肉軟稔入味，麵條彈牙，也是不錯的選擇。綜合滷味肉燥飯($62)呢碟飯非常大碟，份量非常多，齊集台灣必食的滷味，包括豬耳、豬舌、嘴邊肉、雞胗、豆干，仲有兩隻雞翼，加埋伴飯的肉燥，成碟飯肉慾滿滿，好飽肚呀! 飲品:紅心皇后($52)士多啤梨味沙冰，沙冰綿滑非常，係類似雪葩的質感，應是用新鮮士多啤梨打造而成，味道鮮甜不假，相當推薦!綜合水果茶($52)水果茶份量多，伴隨兩個杯子上菜，杯內有一顆已結冰的檸檬冰粒，在完成融化後，檸檬用來中和水果茶喝到底時甜膩的味道，相當花心思。水果茶味道不錯，甜度控制得剛剛好，茶

今晚再同男朋友撐枱腳，想食台式野，所以去左呢間餐廳。閒日夜晚唔算太full，可能因為我地好早食飯啦！menu既選擇都幾多，有飯，麵，小食同埋甜品，價錢個range都幾闊，主食由50幾60蚊起跳。平平地既話可以食，想食豪啲又可以揀多啲唔同既小食。但係最吸引我既係飲品！好多唔同花款，而且造型又靚！！！先講主食，我地叫左紅燒牛肉麵同綜合滷味肉燥飯。湯頭香濃，帶少少辣味，飲落口唔會嗆喉。麵條口感都唔錯，不過我比較鐘意闊麵。牛肉大大舊，但完全一啲都唔鞋口，筋位亦煮得剛好，唔會林到爛哂咁，又唔會好似橡筋咁，大好評！！！香港地食個晚飯閒閒地都60幾蚊，呢到58蚊咁既質素，難得！肉燥略咸，不過岩送飯～滷味勁多～～～有鴨舌，豬大腸，小腸，雞翼，雞腎同埋豆腐，當中我最推薦鴨舌同埋小腸！！入味又好食！咁多料個飯先62蚊，其實好抵。跟住到小食，我地叫左鹽酥雞同埋醉小三。店員拎左好多種味粉比我地配鹽酥雞，d雞肉唔會厚粉，而且仲好滑，炸得剛剛好～雖然好多種味粉，但係我始終覺得原味同鹽酥雞最夾。跟住醉小三係包括有醉鴨舌，豬手同埋雞。呢set雖然稍貴，都要88蚊，不過佢品質好好。雞肉亦係好滑，豬手爽口，鴨舌又好食。不

九份十分係天水圍最有台灣地道風味嘅餐廳之一，裝潢古色古香，但係又播住一首又一首潮流歌曲，難怪繁忙時段場面非常熱鬧。今日同家人黎食晚餐，首點紅燒牛肉麵($65)，湯底濃郁，我地揀咗幼麵，軟硬適中，主角牛肉厚切，炆得軟熟入味，啖啖肉味，口感一流，唔少人都推薦。綜合滷味肉燥飯($62)，一上菜真係嚇親我地，因為真係好大碟。綜合滷味有豬大腸、腎、鴨舌、雞翼、豆腐，惹味得黎又唔咸。肉燥飯更係難得嘅好味，撈埋酸菜味道升級。醉小三($88)，分別係醉鴨舌、醉雞、醉豬手，透出陣陣酒香味，唔會太濃，特別中意豬手，用酒浸過後變得彈滑，啖啖都好似食緊骨膠原咁。依度嘅飲品都非常多元化，有台式奶茶、沙冰、梳打、其他特式飲品，我地點咗海綿寶寶同埋黑武士之劍。海綿寶寶($52)係鮮芒果沙冰，沙冰再有少少雪糕嘅質感，芒果味重，仲有芒果肉，清新涼快。黑武士之劍($38)係比利時朱古力配3.6牛奶冰棒，將熱牛奶倒入牛奶冰棒杯，就可以製作一杯溫暖嘅朱古力牛奶，味道香甜~~~

依間食台灣菜嘅餐廳好味到令我再黎食多次。今次都有叫到醉小三($148)，酒香濃烈。最中意佢嘅鴨舌，愈嚼愈惹味。鮑魚一樣都係咁飽滿爽口。而醉蝦非常鮮美，仲好貼心咁剝走咗蝦頭。古早醉鴿($88)，燒乳鴿就食得多，所以好好奇醉鴿會係咩味道。估唔到有食到乳鴿肉嘅鮮甜，仲帶有淡淡酒香味，而且骨肉比例均等，如果有啤酒就一流~鹽酥雞扒麵(62)，雞扒金黃色，香脆嫩滑。麵可以揀粗或幼，清湯上，一啲都唔油膩。老媽煎餃子($36/5隻)，皮身煎得非常之脆，而入面嘅菜肉熱騰騰，食得出係即叫即煎！叫咗2杯飲品。紅心皇后($58)即係草莓沙冰，非常非常非常大杯，沙冰堆滿到過杯頂，賣相唔錯，酸酸甜甜好開胃。紫薯珍珠($28)，難得見到紫薯味緊係要試番杯，中意佢紫薯味唔重，唔會太膩，而且珍珠好煙韌。最後仲有甜品白玉珍珠雙色冰淇淋鬆餅($58)，俾佢嘅賣相吸引住，窩夫非常鬆脆，雪糕係雲呢拿同香芋，周邊都配有草莓、奇異果、珍珠同埋丸子，雖然cream有啲多，但係味道唔重。

成日都覺得天水圍係美食沙漠，今次仲唔俾我搵到間正野我又行完山啦，行到邊食到邊，同朋友上openrice 搵下有咩好食，即刻俾呢間九份。十分吸引住甘我又真係幾鍾意食台灣菜，特別係台灣小食。好好彩，唔使等位就可以入座啦，餐廳環境好有台灣味道，牆上有煤炭火車掛飾，去過九份十分都知那火車最有特式，地方闊落，坐得舒服☺️店員個個都有笑容，係香港真係好小有。真係好吸睛，那甜品同飲品樣樣都想試啊。快快叫左主菜先啦，再食埋個甜品🍮魚丸貢丸湯，這都算係台灣最普遍的食物，簡單又地道，貢丸好食大大件鹽酥雞，雞肉嫩滑多汁炸到外脆內軟，最貼心係有6款味粉俾你自己調味，總有一款岩你心水。我真係好貪心😂每隻粉都試曬，紫菜味好正，梅子味都好野味。老媽煎餃子🥟皮夠薄，沾醋汁好食皮蛋豆腐，上面鋪了肉鬆，豆腐切到好薄，師傅刀工好勁淋上特式醬油，好夾，清爽又好味。醉小三上菜啦，好期待，滿足曬想試多樣的我用上高價的食材，鴨舌，鮑魚，鮮蝦，酒浸鴨舌好入味，飽魚一口一隻，冰凍大蝦🍤爽口新鮮，酒香四溢，食落又不太過，值得一試👍阿春麵線，食左先記得影相🤦🏻‍♀️即係大腸麵線，湯底夠濃，不過不失。已經好飽了，但是還是叫了份甜品，滿足口慾。香

難得今日唔洗飲茶，決定同媽媽食台灣野，提早慶祝一下母親節。店內環境好懷舊又溫馨，有種去左台北小店嘅感覺，店員好熱情。牆上有幅大油畫，係台灣九份十分火車站嘅景黎，去過嘅人一睇就會認得出。餐廳嘅櫈係好似以前返學嘅學生櫈咁，好特別！打開餐牌，真係花多眼亂，好多台灣特色食物，樣樣都好想叫！最後揀左以下幾樣：阿春麵線台灣有阿宗麵線，呢度嘅麵線都做得唔錯，唔會太杰，濃稠適中，麵線夠幼細，再加埋台灣烏醋，好好味！同喺台灣食嘅味差不多！醉小三三樣野分別係鴨舌，鮑魚同蝦，每款都有雲耳喺底。個人覺得鴨舌最好食，可以吸到好多汁，酒味較得啱啱好，妹下妹下好快就食哂。而鮑魚好迷你，同酒味都夾，細細粒仲好過大隻嗰啲。蝦好大隻，凍食更顯爽脆新鮮！古早醉鴿Menu見到已經覺得好吸引，醉雞聽得多，醉鴿第一次試。隻乳鴿夠入味，好香酒味，而且心口部分竟然唔鞋，好難得，成隻啲肉都好嫩！忍唔住食左先影。綜合鹵味肉燥飯兩個人唔食飯唔安樂，呢度嘅鹵味比起醉系列更好味，其中雞翼最出色，鹵得好入味，送飯一流！而鴨腎都好正，唔脆，林林地仲好食。仲有鹵蛋，鹵鴨舌等等，伴碟嘅酸菜亦好快被媽媽食哂。至於個肉燥飯都好多汁，正。鮮柑桔檸檬個柑桔檸

一入到餐廳設計已經引人入勝，時尚的格調加強了食物的吸引程度，燈光的裝飾更加為食物增添神秘感！至於食物方面，我們點了:1. 忌廉芝士磨菇雞翼2. 魚丸貢丸湯3. 醉小三4.蒜香茄子肉燥飯5.香蕉芝麻雪糕鬆餅6.麻辣滷味大腸7.醣心蛋8.擔仔麵全部水準都幾高！特別推介忌廉芝士磨菇雞翼，它是無骨頭並包住濃濃的芝士和磨菇，而香蕉芝麻雪糕鬆餅分量十足。今次光顧後吃得飽飽的！值得一試！在這個天水圍純住宅區裡，難得一見有水準的餐廳出現，最重要是款式亦有不少選擇。餐廳環境來說，非常寬敞，整潔程度中上，服務態度非常好！