醬缸韓國料理 (已搬遷) 新店位置

呢間韓國餐廳之前經常大排長龍，要早一個月先book到，不過隨著韓國餐廳愈來愈多，人潮都開始減退，趁冇咁多人一於再黎食小編最愛--醬油蟹早一星期就book定位同訂埋個醬油蟹🦀一坐低就先上3碟前菜，呢到既泡菜幾岩胃口，惹味得黎又唔會太辣我仲encore多左一份每份蟹都有2隻，一人一隻🦀蟹肉肉質好飽滿，將蟹肉擠出來放入嘴裏，黏稠柔軟既蟹肉係口中溶化，濃厚鮮甜既蟹味同恰到好處的醬油在口中持久迴繞隨每份蟹都會有一碗紫菜飯，蟹肉同醬汁拌飯係一流仲有好多蟹膏柔軟既蟹肉同甘香既蟹膏真係好惹味小編覺得將蟹蓋既肉同蟹膏整出，再拌入紫菜飯，加埋醬汁一齊食就好好味食完未夠喉就叫左個炒粉絲粉絲炒得好彈牙，入邊仲有好多料--菜, 牛肉, 紅蘿蔔等，炒得好入味，小編覺得再加入泡菜一齊食更惹味不過略嫌菜會多過粉絲，而且菜切得太大舊餐牌👇🏻👇🏻總括黎講：醬油蟹真係好好味，每一啖都好滿足不過其他菜式就一般般🍳🍴味道: 8/10👩👨服務: 7/10🏠💺環境: 7/10💰💸抵食: 7.5/10總消費: $450 (2人)

喺網上睇話要book位，點知8點去到得兩枱客，行到入去見到3個waitress企喺後面傾計，望到我地都冇反應，好啦，見到我地想坐reserve左嘅位先主動行過來serve我地。仲有，我地見上左隻醬油蟹之後等左半個鐘都未上其他菜就提佢地可能落漏單，check左一陣之後冇人我地交代過/叫我地等多一陣，唯有呆呆地等多10分鐘，點知佢上錯菜，再等多5分鐘先有得食。由醬油蟹到下一個餸，足足等左45分鐘，仲要係難食醬油蟹 ($348/2隻)   **唯一可以放得入口嘅食物**蟹大小偏細，冇腥味，有橙色蟹膏，肉鮮甜而不會過咸，但可能第一次食醬油蟹，期望太高，食落有少少失望。炒大片五花肉 （$148）首先，我以為五花肉係會帶少少肥肉果種，點知佢地用普通豬肉代替，仲要一絲肥肉都冇嘅乾肉，本身上菜時見到碟肉已經有啲懷疑，不個見個waitress好似唔識聽廣東話就廢事問。另外，成碟所謂五花肉+芽菜都偏甜，除左甜味，都係甜味：）泥鰍湯 （$78）呢個係我飲過最難飲嘅湯，一入口我飲唔到魚味，只有好重胡椒味，胡椒味重到喉嚨好唔舒服...我叫左胡椒湯咩  (黑人問號？)仲有，唔知點解個湯口感好粗糙，好似有好多沙咁.

情人節女朋友一早講好想吃醬油蟹，於是早一星期已經book好位，員工雖然講唔正廣東話，有少少韓音，但都非常有禮同耐心聽我講野同介紹我食醬油蟹，幫我留定一份，十分窩心當日一去到，門口仲有好多人等位，員工會比預先book好既人入去食先，坐低就立即上個醬油蟹，每份都跟個紫菜飯，個蟹正到同韓國食既冇分別，個醬汁好味到癲，可能係全香港最好食既醬油蟹，價錢二百幾蚊，足2個人食，合理。另外，仲叫左個海鮮豆腐湯，勁辣一定要叫飲品。整體來說，會再來吃，適合叫多d朋友一齊來分享好味既蟹。

朋友去完韓國好掛住醬油蟹味道 一搵就搵到呢間舖頭！ 見到部分人都book左位預留埋蟹同蝦 我地都預訂埋 避免無得食🤫book左星期四730 門口已經有好多人walkin/reserved 但係我地未齊人 就要等到齊人先入得😭 職員會confirm你預約左既食物同份量 入到去已經815左右 地方淺窄 人手不足 所以可能職員忙到無時間理你太肚餓同掛住食醬油蟹關係 有部分既食物無影到相5個人嗌左以下既野 一千六蚊左右 飽到上心口🤭😂預訂左關係 一坐底放好左小菜之後主角醬油蟹已經上菜！ $348/2隻 （配紫菜飯）勁多勁多勁多蟹膏！ 急不及待一人拎住一隻食！ 一啲都唔腥！ 蟹鉗既位置 本身已經開左少少 食得好方便！醬油蝦（配紫菜飯）$258蝦身已經無左蝦殼同切開左 方便食！ 兩個朋友都嘗左蝦頭 話一啲都唔腥！ 係香港食生蝦仲要唔腥已經好幸運！不過我覺得有少少過咸 蓋過左海鮮味道蒸排骨（配白飯） $158除左醬油蟹蝦 呢個我覺得係必需要嗌！ 排骨勁入味勁淋！ 仲有白蘿蔔同紅蘿蔔都入晒味！ 韓式豬手 $248不太建議點豬手 雖然大大份 但因為太乾太凍 唔係特別好食同有味道水冷面 $98不過不失 份

朋友介紹我去食，真係冇介紹錯👍醬油蟹一定必點🤤鮮甜冇腥味醬油不太鹹，重點係好多蟹膏，送飯一流，好好味😋另外叫左海鮮芝士炒年糕也有驚喜，好多芝士😍年糕好有口感五會好腍。

哩間餐廳一直放左係我個list到好耐，一直都好想試，今次終於試到啦。我之前去韓國旅行都只係食過一次醬油蟹，但已經印象深刻，即管就睇下哩間點啦。🤤🤤🤤溫馨提示：哩間只有一至四先有得book位，食蟹都要book位個時講定聲👍🏻環境黎講，哩到就唔算好大間架，唔會預坐到好耐，我今次星期一晚7點半食，都差唔多坐滿哂呀！😛一坐低無耐就即刻食個前菜先，我覺得泡菜好岩我口味，唔算太辣。之後醬油蟹就上左黎啦，佢仲跟埋個紫菜飯一齊上，一份有兩隻蟹，仲要幾大隻，食落都多膏，同埋好鮮甜，拎佢啲汁同埋蟹膏撈飯食簡直不得了。見到有咁多野食，我地兩個女仔都唔敢叫咁多，只係叫左個我最鐘意食嘅炒年糕，一黎到個樣好似好吸引好入味咁，但一食就出事啦，係超級辣😱😱，格離枱好似都叫左一個韓式年糕炒拉麵，都係食左兩淡就無食啦，因為實在係太辣......其實佢料都好多架，而且所有材料都好入味，年糕都好有咬口，唯有怪我地唔食得辣啦，可能鐘意食辣嘅人會覺得可以，不過我下次黎應該唔會叫😂😂😂Overall都算可以，但我地叫得唔多野食，未係好知其他野食係點樣，下次會再試下其他唔辣嘅野食😂😂😂

終於揀左呢間人地話專門食醬油蟹既店泥試下，我提早幾日book左3位留兩隻蟹。當日改4位，早左到要企系門口等到夠鐘先入得。一坐低就有幾款前菜同埋茶上，有泡菜，薯仔絲同海帶絲比你開開胃之後好快就上醬油蟹一隻要三百幾但都幾大隻啖啖肉仲有配紫菜白飯，我地預左4個人每人半隻，因為想試埋其他野。如果飯可以refill就更好，撈完蟹蓋已經無飯撈嚕同埋佢有即棄手套提供，不過要問先比。我地仲點左個部隊鍋，海鮮湯。因為太肚餓忘記拍照海鮮湯有配白飯，但味道一般仲要偏咸⋯而部隊鍋都系水準一般，個人認為五夠酸。食緊既過程中有位疑似有潔癖既員工，見到我五小心滴左一滴汁系紙巾盒側邊，即刻9秒9黑面拎走紙巾盒抺完仲要勁大力擺系隔離台可見果位員工嫌棄我既程度有幾甘深系得佢一個甘，其他員工態度都幾好。後來我地加左石鍋海鮮拌飯，好夠熱！但系太多芽菜太少飯，自己另外加啲辣醬同埋泡菜先有味整體泥講，唯一吸引到我會再泥食既只有醬油蟹，其他野食都一般般。連埋飲品埋單八百幾。

響香港要食醬油蟹梗係要嚟醬缸啦！但成日都Bk 唔到位，walkin又未必一定食到蟹。。。今次終於bk到喇，當然留埋一份蟹啦！雖然三號風球，無損食蟹雅興，同朋友坐低極速㨂完喇嘢食落單！雖然鋪頭細細，坐得唔係太舒，但勝在味道搭夠，醬油蟹果然名不虛傳，我相信我好快又會搵腳去食喇？

想食醬油蟹好耐，聽朋友講呢一間嘅醬油蟹好食，所以去食一次睇下佢龍定係鳳👿我同男朋友兩個去，叫左一份醬油蟹（配埋紫菜飯）、一份海鮮煎餅，岩岩好飽度😋😋😋個蟹一份有兩隻，醬油好香唔算太咸，岩岩好😘😘每份蟹跟一碗紫菜飯，再有小小配菜咁，再加埋個蟹膏一齊食，真係不能以筆墨所形容😭😭😭😭😭😭好好味呀真係！真係齒頰留香～～唔是說笑！唔食走寶～個餅即叫即煎，一拎上枱熱辣辣🤤煎得好香口～出色！講多無謂，行動最實際，你地快啲去試下啦！冇收廣告費嫁😂😂😂

此間食醬油蟹非常之出名，所以一諗到要食醬油蟹就必要黎呢間，預早已訂枱訂蟹蝦，早了半小時到，知道我地已訂枱雖然人未齊，都俾我地入坐醬油蟹鮮甜，不過個人覺得醬油蝦仲好味，夠彈牙，配料全部都好食，辣椒見雖大，不過唔辣，配埋麻油紫菜飯，真係絕配另外一讚係燉牛骨真係好食到停唔到口，牛骨全部肉離骨，入味，又夠稔，雖叫了辣的，不過個人都覺得係唔辣，豬手個人覺得此終都係泰式的好食不過店長好好人，幫忙加添生菜俾我地包，所以都值得一讚，另外米酒價錢相比真係貴了好幾倍，真係唔值用餐個半小時，因為出面有人等位，雖然我們未食完都要我們結賬走人

幾隻為食豬又gathering，今次又韓國風有隻為食豬之前食過極力推薦這間醬油蟹之前已經book左枱，所以可以直接入去唔洗等位✌一行五人點左4隻蟹，一碟醬油蝦，豆腐湯，韓式豬手，芝士年糕肋骨，海鮮煎餅，同石鍋飯※誠意超級推薦 - 醬油蟹會配個麻油飲，隻隻蟹都有好多糕，伴上麻油飯食超正，蟹肉的質感似帶子刺身，而且唔會太咸麻油飯超香麻油味，食麻油飯都食飽※醬油蝦都有配麻油飯，肉質都彈牙，上菜時他們可以幫你剪開一粒粒，但你食左隻蟹再食蝦，會覺得蝦麻麻地※豆腐湯有點超辣，有少量海鮮同一些茹茹，味道尚可以※芝士年糕肋骨，芝士超多，肋骨好淋同超入味，重有紅蘿白同白蘿白都超入味※海鮮煎餅，煎到條邊脆卜卜※豬手，份量好多，應該有一隻豬手，但味道普普通通，有d似"魯"水豬手食時要配上青瓜，紅蘿白，蒜頭等，其中有個汁有d虾皮但超咸重有佢地泡菜雖然係可以任食(有茹，土豆c，泡菜)當你食完叫佢地fill時候，他們好似唔太願意比你

幫襯左幾次，幾次都要 walk-in，打電話想訂檯就永無人接聽，真係激到火都黎呀 ﹗係都要迫食客黎罰企出汗，依家我又罰企中喇！已經係門口熱住坐左一小時！訂唔到位之餘，朋友仔又因屋企事再次遲到，等到頭頂出煙，差點鬧大交 ﹗九點幾喇，終於都入坐了 ﹗啖氣唯有吞左去 ﹗韓式前菜 4 小碟，泡菜保持高質，清涼微辣又帶酸，夾雜著甜美餘韻，開胃又醒神。鮮冬菇滑嘟嘟沉實的味道，不過不失。白菜仔爽爽的又濕濕的，質地有點粗糙，不過味道還不錯。土豆絲原味薯香，粉粉的美味可口。韓國米酒，平時食烤肉我大多飲真露燒酒，但今晚不想太快醉，淺嚐酸酸甜甜的米酒已很滿足了。醬油蟹，城中首選醬缸，暫時都無人能及，最衰係舖位太細、檯細椅細、迫迫夾夾，坐得非常唔舒服囉。超高質爆膏醬油蟹那裡可尋？唯獨這裡呢 ﹗大量甘甜蟹膏混埋海鮮醬油，其鮮味非凡突出，撈上熱騰騰散發著濃厚飯香既飯粒，味道融和，無語輪比，美味極致，無可拒抗，實在太美味。黏黏滑滑的蟹肉跟蟹膏融合，再牢牢包著白飯跳入口中打滾，好食到閉眼讚嘆啊 ﹗醬油虎蝦，一試難忘，能夠跟醬油蟹比一日之長短，可能實力比醬油蟹更深厚添。蝦肉新鮮度已蓋過所有，質地超彈超爽、勁彈勁黏，越食

打左幾日電話始終都無人接聽，唯有直接 walk-in 啦 ﹗兩位美女居然比我還早到，已經留位了，仲溝掂左韓國老闆留左幾雙醬油蟹添，原本要預訂架。韓式 4 小碟，蒜蓉菠菜清甜爽口又多汁，微蒜微咸好味道。泡菜微辣帶甜，酸味較為突出，爽脆多水，淨食味濃稍濃，配白飯或配烤肉生菜包一定超好味 ﹗真係少見，居然係鮮冬菇，食其原味都不錯，滑滑彈彈的。土豆絲？同樣少見，薯味濃，半粉半爽都幾好味。醬油虎蝦，侍應姐姐真識做，先原隻出場讓我們過過目、拍拍照，之後先再剝殼及前段呢。好大隻呀 ﹗放上檯已傳來一陣強烈的鮮醬油香，好想食呀 ﹗跟醬油蟹同樣邪惡，一隻可以送成碗白飯呀，好食過泰式生蝦百倍，配埋生蒜片、青辣椒，正到震！蝦肉勁新鮮，爽爽彈彈滑滑黏黏，鮮味霸道，撈上白飯撈油實在太美味，再啜埋蝦膏真係快活過神仙 ﹗醬油蟹，毒癮一樣，再戰醬油蟹 ﹗人生中第三次食，一個月裡面食足三次，三次都唔同地方，醬缸第三戰場開動！萬眾期待既醬油蟹出場，等到頸都長，夠晒大隻喎。每家醬油蟹都各具特色，但最香、最好味、最大隻、料最多、最爆膏既只有這裡。混入蒜頭、洋蔥、青尖椒、紅尖椒、等等，味道特別多樣化又生息不少，不再單調乏味 ﹗兇

話說朋友生日，佢好想食呢間的醬油蟹，所以我親自去到鋪頭直接訂枱（因為長期電話打吾通），終於食到期待已久的醬油蟹，不過吾知係咪未到季節，所以吾算大隻，而且d蟹肉比較削，不過醬油蟹的汁撈飯一流👍🏼👍🏼👍🏼另外再叫左芝士年糕炒排骨，出奇地好食！排骨好入味，而且好稔身，吾會un, 好味過醬油蟹！真心！我係會因為呢個炒排骨而再黎食多次！好正👍🏼👍🏼👍🏼

一年前已經想黎試，但一直都無法實現終於好友提出，即刻二話不說，親身去訂醬油蟹店員話，星期五六日唔提供訂枱服務，所以我六點就去到以為可以入去坐住等，點知店員話要等齊人先入得終於6點半入坐店員先送上四款前菜：泡菜、香菇、小白菜、薯仔泡菜有D辣，香菇最好食(原來前菜可以Refill，我地Refill左兩次)，小白菜唔錯，薯仔硬左D之後，店員送上醬油蟹可能我期望太多啦，見其他人話好好食，但我食落去就覺得味道偏淡唔夠入味生蟹肉似生蝦，不過D蟹膏幾好食醬油蟹送上紫菜飯，食到底先知原來個飯好油，成個飯底都係油….芝士海鮮年糕我絶定係一個芝士控，無芝不歡一送上枱，見到厚厚的一層芝士，心花怒放XD個汁好好味，甜甜到，微微的辣，朋友一致好評泡菜餅我之前都食過唔少間泡菜餅，但第一次食到有翠肉瓜，店家係新鮮整出黎，好脆口值得一提，店員好好服務，會主動問我地要唔要剪段醬油蟹的青椒