妹記大排檔

营业中

休息中

收工黎到旺角，係時候祭下五臟廟，諗緊食乜之祭，朋友就話：「不如試下妹記大排檔？」我心諗，下，三十幾度去食大排檔？，但我又唔好意思掃佢興，唯有硬住頭皮話，「好啊，你想食就一齊去啦！」我地行到登打士街附近，再開google map，先塭到呢棟隱藏係漆黑之中既食肆，似係新裝修，lift lobby都光猛既，搭lift上到2樓，就係「妹記大排檔」。聽到「大排檔」， 以為係傳統嗰啲坐接櫈，大熱天時都冇冷氣嘅大排檔，好彩實情唔係咁，呢度等位都有櫈坐啊！我地walkin，等左大概半個鐘就有位。叫左金沙鮮魷 $78色澤好靚，散出陣陣咸蛋香味，咸蛋黃都好成功咁痴住d鮮魷，唔會一夾起就甩皮甩骨。魷魚都大大塊既，夠爽口。沙嗲粉絲蝦煲 $78熱辣辣成煲上，份量大到一定夠2個人飽，細食既有機會食唔哂，但我地就當然食得哂啦！沙嗲味夠香，食落濃郁，條條粉絲都索哂d沙嗲味，芽菜完美融入左d粉絲，每一啖，都食緊幾樣野，蝦既份量都多，蝦肉爽甜，唔會梅。

這一夜老婆帶了女兒離家出走（其實係和朋友食飯），丢低老公一個人……雖然不是天寒地凍，但下著毛毛細雨，感覺有點淒涼。雖然只得一個人食晚飯，但也要食好啲。在旺角逛著逛著又去到女人街，雖然清楚知道街道兩旁都是各式各樣的食肆，但偏偏又被行車道兩邊的排檔完全遮擋，根本不清楚有什麼選擇。結果，須要從女人街中段有餐廳的路段開始，沿著行人路 走一轉，再去對面行人路走一轉回頭路，看清楚所有餐廳才作出決定。最後，選定了這一棟模仿東京新宿區的綜合式食肆大廈。其實，近年香港也越來越多這類型全幢都是食肆的大廈，每層樓面面積並不太大，剛好適合一些中小型餐廳。但這些大廈大部分都位於中環、尖沙咀及銅鑼灣，如果不是這晚在女人街走一趟，真的不相信原來旺角也有這類型的大廈。由於旺角女人街這一段路多年來皆沒有新工程，估計這幢食廈也是翻新工程，地下電梯大堂很細小，只在三台電梯門的對面牆上安裝了各層食肆的招牌燈箱。電梯轎廂內的控制屏上，按鈕兩傍貼上了餐廳名字，方便客人。揀了【妹記大排檔】，即是以前尖沙咀金巴利街街市政大廈熟食中心的那一間，幾年前已搬遷至附近一個商場，旺角區這間是分店。裝修非常簡樸，很有市政大廈熟食中心的風味。當然