悅

营业中

休息中

同老人家去食飯，佢鍾意食中餐 ，揀嚟揀去揀咗呢一間悦。上過openrice見過啲菜色都唔差，就去嘗試下。 估唔到喜出望外，材料平凡，但係煮法做法都幾特別 。 煮法同用料同其他地方食嘅有好唔同 ，老公最愛個 脆皮蔥油雞，個女就最鍾意金沙鴨紅， 我就最鍾意金梅陳醋咕嚕肉 ，老人家鍾意濃湯浸千絲日本大根， 各有各喜好，個砂鍋生拆蟹粉炒飯好香，但係冇乜蟹味。 總括嚟講啲嘢食都好好味 。睇得出佢好用心機煮。 但係晚市好多點心冇得提供，下次會再搵機會去試下

時代廣場的中菜廳，裝潢典雅寬躺，主打潮式點心小菜，點心賣相精緻有心思。海中龍皇伴金魚餃 ($108)高貴的擺碟，金魚餃做得好精緻栩栩如生，下面湯汁好清好濃海鮮味，唔錯但略貴。推薦金沙鴨紅($138)好似脆炸豆腐但換上鴨紅，外脆內軟係好食既。胡椒濃湯小籠包 ($68)第一次見，小籠包做得唔錯皮薄但唔易穿，咬開爆湯汁，個湯其實冇胡椒味，但個豬肉餡就超重胡椒，一齊食就真係好似食緊胡椒肉湯咁。芙蓉帶子芋盒 ($68)外層勁鬆脆，裡面薄薄一層的芋泥包著鮮帶子，係升級版的芋角。豉油皇香煎日本淮山 ($118) 未試過香煎淮山，又幾好食喎，煎至金黃食落有啲似薯餅的感覺，略嫌味道偏淡，豉油皇可以再重手少少。其他點心小食類不過不失，沒有什麼驚喜。脆皮乳鴿 ($88) 亦令人失望，皮唔夠脆。潮式滷水鵝肝份量幾多，厚切入口溶化，但滷水味不強所以沒想像中咁好味，反而喜歡旁邊的酸薑伴碟解膩唔錯。係得呢個地點都預咗價錢會偏貴，已經去到酒店級價錢但食物又冇預期中咁好，性價比唔高，個人會寧願差唔多價錢去酒店中菜廳食。

飲食業在疫情肆虐下人手不足，這個月依然營業者少，時代廣場的「悅」走中高檔路線，室內間隔寬敞，客人能夠保持安全距離用膳，也許就是尚存之因。現正推出下午茶時段及外賣全日八折優惠。我認為享用點心，還是即場熱騰騰地吃方理想，於是坐言起行，在 OpenRice 網上訂座更可賺 Asiamiles，何樂不為！三點前到達大門無人招待，我們是明白道理之人，無所謂，自己行入去，其實全程只有三個員工在忙，尚算能勉強應付，服務態度友善，沒有挑剔的地方。海中龍皇伴金魚餃 $108當年在怡東軒初遇金魚餃，維肖維妙的造型令我一見鍾情，重現眼前，緬懷過去。兩只金魚餃配合海鮮湯內的菜苗、蟹肉、杞子及食用花，腦海突然浮現出一幅古代油畫，可能近日煲古裝劇太多，別富詩情畫意。非常新鮮脆嫩的蝦，薄薄的皮，配合醇美的湯頭，沒有令我失望，依然非常喜歡。招牌蝦餃皇 $78其實金魚餃即是穿了華服的蝦餃，再吃招牌蝦餃皇，同樣出色，相比之下實力派更優勝。金沙鴨紅 $138眾所周知，金沙是鹹蛋黃，包著鴨血炸香，入口外酥脆內嫩如水，入口即化，欣賞創意，值得一試！豉油王香煎日本淮山 $118招牌菜式，看賣相已見心機廚藝。全靠功力把本來味道一般

蕃薯Uncle睇到報紙介紹時代廣場新開咗間功夫粵菜館「悅」，報導登出嘅相片實在好吸引，XO仔就襯喺商場買完聖誕禮物後儲夠五張餐飲現金券，即相約為食小組一齊去試。高級中菜廳環境優雅，裝潢簡潔，用餐大堂排出三行二至四人散枱，滿座都唔覺太嘈，証明厚厚嘅地毯有吸音之效。細問下，得知店內設有幾間闊落舒適嘅私人廂房，均可容納十二人，最低消費額為$6,500/間，將兩間打通要$13,000，打通三間就優惠啲$18,000，聽落都好合理。長輩們最欣賞就係個日式豪華洗手間，男有男讚、女有女讚，不過啲咁個人嘅野都係留返俾讀者們自己去評價啦。飲品牌共有兩頁。由於當日收咗工已先赴歡樂約會，晚飯就決定繼續飲三得利頂級黑啤（$68/380ml）。三十二頁附有彩圖嘅厚本餐牌可於餐店官方網頁下載：http://design.lubuds.com/MENUS/LCW9554%20YUE%20ALC.pdf首兩頁為推介菜式。接著四頁為午市點心。其餘十三頁則為全天供應嘅散點項目。頁尾列出除咗加一之外，其他收費包括茗茶$20/位、前菜$20/碟、白飯$20/碗、淨鮑汁$98（依個小肥都係第一次見，唔知係一碗定一碟呢？）、切餅