老馮茶居 (荃灣千色匯II)

依日去咗荃灣千色匯，行完係商場地舖 "老馮茶居" 歎番一盅兩件先 ~ 茶居店內以懷舊風格設計，枱櫈、碗筷、裝飾及食品都好特色，完全感受到老香港情懷，別有一番風味！老馮鮮蝦餃      $36蝦餃皮薄，唔會又濕又淋，餡料方面好多蝦肉，而且好大隻，仲好新鮮，爽口彈牙，連埋啲鮮筍 一齊食，口感豐富。XO醬蘿蔔糕       $30蘿蔔糕炸完非常香脆，形狀長長方方，外脆內軟，入面有臘味等食材，本身已經好夠味，連埋XO醬更加惹味。古法牛肉球        $26覺得牛肉球係精選之作，呢度用新鮮牛肉製，味道特別鮮嫩、香滑，味道特出之餘，十分美味。豉汁蒸鳳爪       $26鳳爪都幾大隻，醃得夠入味，外皮軟淋香口，而且較易咬開，水準同一般酒樓分別都幾大。豉汁蒸排骨       $26排骨嘅肉同脂肪分佈好均勻，口感軟身但有少少咬口，肉質鮮嫩，蒸製時間掌控得啱啱好，面層鋪滿蒜蓉，食起嚟更滋味。香滑牛肉腸        $26腸粉皮薄好滑，內裡餡料豐滿，口感好軟，牛肉非常新鮮，加埋豉油，更帶出牛肉腸嘅美味，很好吃。金牌炸芋角       $18炸芋角入口鬆化，炸得香脆，芋泥質地軟綿綿，入面餡料滿滿且熱辣

由元朗開到去荃灣嘅「老馮」，店內裝潢以舊香港茶樓做主題，無論茶具枱凳周圍佈置都好似時光倒流60年😆見隔離左右食客都影呀影相機食先，可想而知呢度嘅環境同食物幾咁啱打卡😁人山人海，有啲料到😆同朋友兩個人總共嗌咗五個點心加一盅蒸飯，份量足，食到捧住個肚走😂💫老馮金沙米皇腸腸粉入面包住炸米網蝦春卷，蝦肉彈牙，口感層次豐富💫老馮鮮蝦餃略嫌個皮厚咗啲同稍韌，不過一夾無分體，蝦肉都鮮甜💫鳳爪排骨飯比預期中大盅！排骨好多，仲要肉多過骨，抵食，CP值高！💫咖喱蒸魷魚魷魚咬落柔韌，索晒啲港式咖喱汁超惹味💫金牌炸芋角作為芋頭控嘅我對呢件蜂巢芋角非常滿意👍🏻蜂巢色澤金黃，入口即化，芋蓉軟滑💫古法千層糕香港越嚟越少地方可以食到千層糕喇⋯ 口感鬆軟，糕餡滿口咸蛋黃嘅甘香，大推～

呢晚驚覺自己都有幾個月冇去過茶樓，突然好掛住茶樓啲點心，但係夜晚茶樓又唔會有點心食，就搵咗呢間點心店，解一解思點心之苦😂咖喱蒸魷魚幾鍾意佢嘅蒸魷魚醬汁唔會好多，每件大大件🦑 魷魚爽口，咖喱味道帶點辛辣，非常惹味。四寶滑雞扎呢一個滑雞扎用一層腐皮包裹住，入面有滑雞件、冬菇、魚肚同埋豬肚，真係夠晒懷舊😍古法千層糕呢個真係要趁熱食，千層糕非常軟熟，總共有五層😗 因為有椰絲，咬落口千層層次同埋口感豐富。老馮流沙芋泥包紫色嘅外皮好特別，搣開呢個熱辣辣嘅包，入面嘅芋泥餡料真係一湧而出🔥 呢個流沙芋泥餡料唔會太甜，鍾意食流沙包嘅朋友可以試吓。老馮滑蝦腸腸粉好滑，入面包裹住三隻大蝦，蝦仁爽口彈牙，簡單加少少豉油，已經非常美味🦐金牌炸芋角呢一個芋角都係好懷舊嘅點心，除咗似鳥巢嘅外層之外，中間有一層軟綿綿嘅芋泥，在入面就有啲肉碎🐷鮮蝦腐皮卷一份有三件，外層嘅炸腐皮好正，入面都有好多蝦仁，配少少喼汁，真係絕配😆呢度嘅點心都幾真材實料，特別係蝦腸同腐皮卷，啲蝦餡真係放得好滿🍤 餐廳嘅懷舊裝修可以俾大家懷緬一下。

係千色匯地下 唔係好大6點半之後就要等位😵‍💫款式唔算好多 傳統嘅都有齊哂茶芥每位$6 唔使加一👍🏼叫左9樣點心 排名不分先後😂蜆介鯪魚球 (28)有5粒 配埋個蜆介汁本身都好夠味 幾香口 正常發揮XO醬蘿蔔糕 ($28)好惹味！不過偏咸 好想送飯😂金牌炸芋角 ($18)個芋頭冇咩味 不過炸得幾香脆但味道真係唔驚艷 可以唔試老馮金沙米皇腸 ($36)6大件炸兩 入面包住好大舊蝦超豐富口感 的確幾好食😋老馮流心芋泥包 ($20)流心就冇啦😂 不過芋泥味幾出 幾甜整體當甜品係幾好食👍🏼金牌叉燒包 ($18)普通叉燒包 完🤣鵪鶉蛋燒賣皇 ($30)唔記得影相🫣 上面有粒鵪鶉蛋燒賣都有幾隻蝦 正常 唔錯😌鳳爪排骨飯 ($36)都唔記得影相🫣 得一件鳳爪排骨偏肥 飯唔係特別香都係可以唔使特別嗌整體價錢唔係特別平 中等耐冇飲茶都可以試吓 好在唔使加一😎

今天早上跟母親前往鑽石山掃墓，之後乘車前往荃灣眾安街(千色店)落車，步行數分鐘便到達這餐館用膳。我們先到櫃位取票等位，一共等待了三十五分鐘才可以入到餐館，這段時間我和母親取了點菜單先選擇了菜色，因為用餐時間只有一小時，入座時就可以很快就可以落單點菜，一碟古法千層糕，一籠鵪鶉蛋燒賣皇，一籠古法牛肉球，一碟沙嗲金錢肚，一碟牌炸芋角，一碟XO醬蘿白糕。古法千層糕係己經好少中式酒樓出現的點心，放入口中，感覺回味無窮，一層白色椰汁，一層黃色鹹蛋黃，如果想回味童年食過的點心，一定要點選。鵪鶉蛋燒賣皇係香港另一個集體回憶的點心，差不多絶跡的點心，以前在公公婆婆年代入去酒樓必叫的點心，一種心機點心。古法牛肉球，食落去有牛肉味和口感，加入少許喼汁，己經非常足夠。沙嗲金錢肚，煮得好入味，好淋和爽口，感覺非常滿足。炸芋角，表面炸成卜卜脆外層而蜜蜂窩形狀，餡內充滿芋蓉和豬肉碎餡料，最重要仲係熱，新鮮烹調，即叫即做。XO醬蘿白糕，蘿白糕表面煎得香口和香脆，內裏很有蘿白味，再加上XO醬，十分野味，而且每一件切成一小口，一啖一件。此外，環境設計得好懷舊風，價錢又合理抵食，職員對每一枱客人都好好服務。味道   🧡🧡🧡

曾經去過大埔店，見市區都有分店當然要再去幫襯下，下午二點等候人龍依然長長，用餐時間限時一小時，真的要密密口先食得切。 蟹籽燒賣皇 $28 咖哩蒸魷魚 $28魷魚一啲都唔韌，咖哩汁味道濃郁，仲有豆卜吸盡精華。 正宗潮州粉果 $20 金牌炸芋角 $18一碟兩件，外皮酥脆包住滿滿芋蓉。鮮蝦腐皮卷 $26腐皮炸到脆卜卜唔會韌，內有蝦膠同蝦肉，但食完有少許油膩感。 古法千層糕 $26新鮮蒸出很鬆軟，蒸糕與蛋黃餡料一層層分間著，濃郁蛋黃味。 薑汁桂圓紅棗糕 $20薑味濃，很Q彈，個人覺得不算太甜，趁熱辣辣上枱時食用最佳。整體食物質素不錯，可惜炎炎夏日要露天等位較辛苦，為食好西真的要付出一下。

之前去元朗總店已經想幫襯，但大排長龍。今日經過荃灣分店有位，一於支持吓。第一輪先叫5款蟹子燒賣皇（$28），大粒，豬肉蝦肉都好彈牙，好味道。另外辣油都唔錯。金牌炸芋角（$18），外層鬆脆，裡面芋蓉有肉碎，味道很好。雖然係熱的，但食得出係炸完一段時間，因為有回油嘅味道，可惜（唔係即炸，因為落單後唔使一分鐘就上枱）。如果係即炸，一定好味好多。老馮流沙芋泥包（$20），熱辣辣（小心辣咀），流沙芋泥超香濃，甜味適中，好味道。古法千層糕（$26），鬆軟，中間有蛋黃、奶皇、椰絲，味道可以。八珍糯米雞（$28），大隻，餡料有雞翼、臘腸、蛋黃、肉碎，糯米唔會濕淋淋，味道可以。食完再加單叫多4款鮮蝦腐皮卷（$26），外層腐皮堅食到腐皮味，內裡蝦膠蝦肉彈牙，但又係可惜比較油。蔥花蝦米腸（$20），滑，勁多蔥，蝦米亦不少，好味道。豉汁蒸鳳爪（$23），味道正常，另外有2舊索哂豉汁味嘅麵筋。正宗潮州粉果（$20），味道可以，但餡料得沙葛、花生、肉碎，可惜韭菜較少同無咗蝦米，係差咗丁丁。PS：$5@茶錢，免加一。