西香記 (已結業)

開咗學之後平日少咗機會出去食好西🥲難得今日可以喺香港大學附近搵食因為本身自己好鍾意食啲煙煙韌韌嘅麵，同埋一直都好想是biang biang麵咁啱搵到西環呢度有間食西安菜嘅，雖然OpenRice評語不至於好高，但係試吓啦▶️ 西紅杮雞蛋Biang biang麵 ($48)西紅柿即係蕃茄🍅所以呢個就係蕃茄炒蛋配biang biang麵嚟到個面真係闊到嚇親😂第一次見咁闊嘅麵，係刀削麵嘅×3除咗濶之外仲算厚身，都幾似啲厚嘅餃子皮口感上就非常煙韌有嚼口🫶🏻完全係我想要嘅麵質一碗入邊可能有六大條biang biang麵，食落非常有質感，所以都幾飽肚😋蕃茄炒蛋就似住家餸嗰隻，炒蛋幾香而唔乾爭爭🥚應該用咗一隻雞蛋？如果多啲啲會好味啲🍅蕃茄已經煮到好淋好爛，「皮肉」分離，食落甜甜地一啲都唔酸，加上用真新鮮蕃茄整，所以唔會好鹹，但絕對夠濃味另外仲有少量雲耳嘅至於個湯，其實都唔知當唔當佢係湯🙈因為佢係超級杰身嘅，似極濃蕃茄味嘅芡汁，咁樣就可以黏住啲麵入口🤤成碗麵好好食！▶️ 金牌肉夾饃 ($28)佢嘅招牌菜式，亦係平日比較少搵到嘅小食兩塊白吉餅夾住一大堆豬肉，非常厚身白吉餅好食，咬落偏煙靭👍🏻都係麵包嘅一款，但

去西環探朋友，見天都黑順便食埋飯先走。唔想又食連鎖店，朋友介紹左間特色小店。店面唔係好大，不過因為已經夜所以無咩人，店舖以自助形式，點完埋位坐等叫number。套餐有不同配搭，特色係肉夾饃當然要一試！我叫左孜然牛肉夾饃，朋友就點左金牌夾饃，孜然牛肉幾野味，如果可以熱返少少同埋碎返少少應該會加返10分，夾饃亦凍到有d硬，整體其實味道係唔錯的；我都偷食左朋友既肉夾饃，叫左金牌黎講就有d失望了，豬肉又係太大舊，味道比較普通，我以為會有特別醬汁可惜無我地都後悔叫左一樣既涼皮，無得試下其他好唔好食，不過涼皮的確好食，非常彈牙，青瓜同雞都切成幼絲，增加左口感，辣油唔止得個辣字，味道很好，本來以為唔夠飽，原來成個餐加埋汽水真係岩岩好，如果下次有機會，要再黎西環搵下特別小店試下😜

離家不算太遠的石塘咀有間小店，西香記賣陝西菜，我很好奇是甚麼，就打算去試。原來有肉夾饃吃啊~小店真的好小，座位不多，主要做外賣為主。來吃的佔九成講國語，應該是在這裡找到家鄉菜的感覺吧。這是外賣餐單，好像比堂食會貴一點點。只有兩頁，選擇不算多。我和媽來就打算豪吃！即一次過吃完每一類的其中一款~不過由於兩人都想吃肉夾饃就一人一個。包的部分厚實，媽吃的金牌，餡料味道微鹹，材料是已調味的豬肉末，肉質軟。我吃的是辣的孜然牛肉，還有煮得軟軟的洋蔥，青椒等配料，味道非常濃厚又多汁，有不同口感。小菜類因口水雞已賣完，就選香辣醬牛肉，應該是牛片來的呢。麵就選了油撥扯麵，我倆都是第一次吃感覺特別。這是沒有湯的，有辣椒油在底部，就像乾撈麵的樣子。麵條非常粗，帶來煙靭的口感，好有咬口。配料有香辣牛肉，薯仔粒，麵筋粒和其他蔬菜，很豐富呢。涼皮類選了麻醬麵皮，原來不是水晶粉皮，我倆一直都誤解是透明的那種。它的質感有點像扯麵，不過更滑更軟。配上青瓜絲感覺清爽。店家還附上兩包醬汁，見鄰枱食客全倒進去，我又照辦煮碗，味道多了酸味和辣味更具層次。豆漿不是很甜的那種，比較清新，我們都喜歡。這樣就把每一項的其中一款試完了~

又係西環街坊出動嘅時候喇，今個星期日同媽媽去咗西環呢一間西香記，打算試一試佢嘅肉夾饃！因為本身我同媽媽都唔係太食辣野，所以我哋都考慮左好耐究竟去唔去好。我哋黎到嘅時候望望餐廳外邊嘅餐牌，原來佢哋即使係食陝西菜，佢哋都有唔辣嘅食物供應呢～咁我地就入去了決定~~ 一入到餐廳侍應就帶咗一張外賣紙俾我哋，佢地食物的選擇其實不多，主要有手工麵，肉夾饃涼皮同埋小食供應。我哋嚟到嘅時候係下午茶時間，所以人唔算太多，我同媽媽叫咗一碗牛肉麵(唔辣嘅)，金牌肉夾饃一份以及涼拌青瓜過咗大概10分鐘成份套餐就已經上場，先講講牛肉麵，佢嘅湯底好香好清唔係好大味精味，麵質好幼身食落覺得好煙韌，而且牛肉亦都好稔身但美中不足嘅係佢嘅份量好似比較少，如果係一個大男生嘅話可能就唔夠飽啦！至於金牌肉夾饃，肉嘅份量幾多，但個夾饃就比較有啲硬身，可能係因為我影相認得太耐吧hahah!涼拌青瓜有一點點嘅辣油但係在今日突然轉冷既天氣就更令人開胃!! 總括而言以佢嘅食物有水準~ 但份量來講唔算大份，但如果係以下午茶計，女生們份量就會剛剛好，大食嘅男士要注意喇～

今日下午我們又喺西環山道做完嘢之後覺得有啲肚餓，所以去咗附近睇吓有咩好食，行到去見到有間叫「西香記」嘅覺得個名都幾特別，同埋有牛肉麵食，所以我們就入咗去食下午茶！我們叫咗個骨湯牛肉麵同金牌肉夾饃套餐：金牌肉夾饃配秘製麻醬麵皮！骨湯牛肉麵嘅麵好幼身，質感都幾煙煙韌韌，牛肉嘅肉質好鬆軟，肉味都幾香濃，而且份量都幾多，湯底嘅味道就比較清淡！金牌肉夾饃嘅餡料都幾豐富，但賣相就唔係好吸引，因感覺好似好凌亂咁，而味道就都幾惹味，夾饃餅皮比較乾身，唔算好軟熟！秘製麻醬麵皮嘅麵皮比較諗身，唔算好煙韌彈牙，而麻醬嘅味道都幾濃郁！

今日放假，同男朋友去港島西一日遊。因為瞓晏咗，所以第一站就去食Lunch先。諗起上次喺廣州食過一個好好味嘅肉夾饃，但返香港之後都遇唔到，既然今日見到西香記有肉夾饃食，當然去試下啦。今日叫咗依啲:👇(1)金牌肉夾饃(2)孜然牛肉肉夾饃(3)金牌麵皮(4)純手工油撥扯麵(5)口水雞(6)豆漿(1)金牌肉夾饃($20)初見到時，以為會好乾，但一咬落去，啲肉汁咇哂出嚟，整到我好狼狽，好彩餐廳有紙巾提供，可以即刻抹乾淨。依個比較啱我口味。(2)孜然牛肉肉夾饃($26)同上面嘅一樣咁多汁，孜然味好香濃，比較適合鍾意食濃味嘅人，所以男朋友話好喜歡。(3)金牌麵皮($24)依個係凍食嘅，要讚嘅係佢唔會幫你落定辣油同醋，你可以按自己嘅口味而加落去。因為本身麵皮係無乜味，所以我覺得ok，男朋友就覺得好寡。(4)純手工油撥扯麵($58)記得有一次喺深圳食過類似嘅麵，一碗麵只有一條好粗嘅麵，如果要分少少俾人食要自己夾斷或咬斷，今次再次食到真係好開心。依個麵係要趁熱撈咗先食，配料都幾多，而且啲醬汁好濃好夠味，總之就好滿意。(5)口水雞($18)起哂骨，唔洗食得好麻煩，幾好，不過好似切得薄咗少少咁，而且唔太夠入味

平時有空就會去石塘咀自修室溫習溫到肚子餓了就會到附近看看有什麼吃就來了這間西香記吃吃中式食物這裡有點像快餐店一樣，點了食物等一下號碼再去拿我就點了以下的食物，因為溫習用了很多能量~哈哈這個是金牌肉夾饃($20)整個都熱辣辣的皮不會很厚，也有一點脆脆的，質地沒有麵包的鬆化，口感也算是不錯而豬肉也十分入味，不過略為鹹了一點炸醬麵($58)這個炸醬麵真的很特別，麵是很粗很厚，口感新奇，麵也是略為硬身的，很有咬口不過因為麵是粗而且厚，所以有點難以把所有配料都混在一起吃炸醬就比較鹹的，而且帶有一點辣，"重口味"一點哈哈，不過我也接受得到~可看見配料份量都很多，吃完麵也有剩的!而麵就像只有一條般吃不停~還有豆漿是值得推薦的~這裡的豆漿不會有"揸"甜度也適中，豆味也很重，是不錯的選擇而且吃了"重口味"的東西，豆漿真的是最佳選擇

晚頭同同學落街食飯，search到竟然附近有一間陝西菜就決定黎試下入到去發現原黎係好似快餐模式咁點菜，要去櫃檯叫同拎野食，真係覺得幾新鮮！好少地方菜會用咁嘅形式落單雖然嘅係我地8點幾到，但好多野都已經賣晒，個人覺得比較可惜希望可以晏少少都keep住供應到所有野食啦～事不宜遲，食野先！第一時間當然要試下金牌肉夾饃！金牌不愧為金牌，咬第一啖已經好滿足出面嘅饃好實淨但絕對唔係硬，比較乾身，表面會微微脆啲，應該有稍微再烤左下有少少甜味，幾似硬身版嘅饅頭～配埋豬肉絲完全係一流！因為豬肉絲超級juicy，豬味好濃，又一啲都唔韌出黎效果就係豬肉肉汁會滲入饃度，咸咸地嘅肉加甜嘅面包，一絕！20蚊真係好抵！之後就到炸醬面～呢碗面份量超足，每條面都又大又厚，口感係比較實麵條本身其實都冇咩味，但同幾咸嘅炸醬撈均之後就完美啦！炸醬保證足料，啖啖都係肉個人其實好鍾意紅蘿蔔絲同青瓜絲，特吃紅蘿蔔絲係乾嘅而水份少意味住口感脆同甜味集中，真係幾特別最後就到香辣海帶絲同酸梅湯香辣海帶絲個人覺得ok，不過不失，酸辣平衝都唔錯酸梅湯就的確一飲就飲得出係自家煲甜味比較淡，再帶有梅啲微酸，口味幾清新！個人幾推介！整餐質素唔錯，