鳳城1954 (MegaBox)

营业中

休息中

鳳城1954(Megabox)之前已經來過幾次，覺得食物質素非常高，所以今日同屋企人再來光顧。環境不錯，枱同枱之間唔會太迫，四個人或以下坐窗邊卡位，望下風景更好。金皮炸子雞每次必食，十級推介，好味到震！雞皮炸得香脆，肉質鮮嫩，一d都唔乾，重食到雞油同肉汁，個個爭住食。1954蝦多士蝦膠彈牙，多士鬆脆，不過油多左少少。金磚豆腐真正做到外脆內軟，外皮香脆，豆腐滑，加埋調味粉，令人想一食再食。金光炸粉果原來配湯食，都幾特別，外皮脆，咬落去粉果煙韌，饀就略淡。福建炒飯蛋炒飯底香，d飯粒粒分明，用料豐富，汁多，味道一流。

鳳城酒家 一個老字號竟然係Mega Box 走年輕路線究竟岩唔岩我地呢班年輕人食呢🤤？成班人叫左唔同嘅小菜黎食第一樣當然係最出名嘅鳳城水餃 ($36)皮薄餡靚 一人一碗是常識吧🤪之後再來一碟1954蝦多士 ($15/1件)原隻蝦連多士被炸得脆卜卜 味道香口👍🏻然後當然必食金皮炸子雞 ($128/半隻)雞肉嫩滑有雞味 唔使其他調味亦鹹香惹味😆至於脆皮咕嚕肉 ($118) 都有別於平時係用豬頸肉黎做架 食落酸酸甜甜啖啖肉最後叫返個甜品西米焗布甸 ($36)有芋蓉係裡面 回憶嘅味道🥰_________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

鳳城酒家始創於1954年，至2002年由兩位主廚及新光酒樓集團，於上環開設「鳳城（上環）酒家」及多間分店；而九龍灣新店則主打年輕人市場，除傳統菜外更加入了不少新款菜式，以祈吸納年青一群。帶點懷舊的裝修，簡潔雅緻；置放多張四人雅座，最合小家庭或三五好友享用。人多一點或喜更多私人空間的，店內三間VIP 房便適合不過了。櫃檯上的「鳥籠」是用作盛載下午茶點之用。除了一些新款食品外，當然還保留了傳統招牌菜，一家大細也能得到滿足。秋冬天；湯水必不能少，這兩款滋潤的燉湯是當日的心水之選。紫砂茶壺燉白肺湯($58)～呈奶白色的湯味鮮帶微甜、白肺腍滑，以紫砂壺盛之，既保暖亦添風雅。椰子燉雞湯($58)～同樣是甜潤型，雞香配椰香是另一不敗的組合；一啖到胃，滋養窩心。1954蝦多士($15/件)～鳳城名物，必點項目。爽彈的蝦肉夾鬆脆多士，如我這般喜吃原味的大可直接入口，喜歡味道濃郁點的也可蘸點沙律醬伴之。滑嘟嘟炒奶($88)～大良炒鮮奶的年輕版，傳統的多以水牛乳製作，但在港要找隻牛也不容易，更何談水牛！大廚巧妙的以蛋白來彌補差距，既有滑白的顏色，入口依然保持細嫩，清爽不油膩，再綴以少許炸欖仁，更添香口。

最近得知鳳城酒家飲食集團開左一間新派順德菜酒家，除左一罐既傳統順德菜之外，仲加入左年輕元素，推出一系列可愛點心，企圖吸引更多年輕人，作為其中之一既我都佢既點心吸引左😆😆佢令我改變左對酒家既傳統看法，於是今日約埋一班朋友黎呢度聚聚，一嚐呢間比我滿滿新鮮感既新派順德酒家😁 菜單上既菜式選擇十分多，除左一般既順德菜，仲有好多特色點心同甜品，令我選擇困難症又發作，每款都好想試，既然我地禁多人食，就梗係盡情嗌啦！😚 呢個骨真係好出色，外脆內軟，肥瘦均勻，咬落去肉汁豐滿，而且好彈牙👍🏻肉既比例都好多，唔會食少少就得返條骨🙂味道偏甜，唔鐘意甜既唔建議嗌，不過整體味道十分好🤤一般坊間嘅多士都偏硬，要用力咬，或放置太耐變得唔脆口，但呢度既多士則非常鬆脆易咬👍🏻👍🏻，蝦肉大大舊，而且好彈牙，兩者配合一齊食真係好好味！😋個人本身唔係太食得辣，呢個對我黎講有小小辣。一般嘅水煮牛肉都偏油膩，但係呢個唔會👍🏻安格斯牛既軟熟度控制得恰到好處，上枱時半生熟，入口好軟稔又夠嫩滑，食落唔會太重脂肪或者韌，好味👍🏻自己係出面飲過好多嘅椰子燉雞湯，不過大多數椰子味都好薄弱，但個人比較着重椰子嘅香味😕好驚喜既係，呢

「食在順德 廚出鳳城」鳳城酒家是傳統的順德菜名牌，早在我細個的時候屋企人便很喜歡幫襯北角鳳城酒家。但由於長輩已過身，現在都好少一家十幾人去食廣東菜飲茶。適逢今晚喺九龍灣開完會，見過有朋友喺鳳城打卡，所以上去食啲懷舊菜。原來呢間唔係鳳城酒家，而係一個全新嘅年輕品牌。 依然保留著一些懷舊菜，但整個環境卻很新潮。老老實實，有好有唔好，因為其實我諗起鳳城，就係諗起懷舊菜。我去鳳城，就係為咗食懷舊菜。話雖如此， 今晚我哋點嘅菜都盡量叫咗啲傳統嘅鳳城名菜。 其中最出名嘅炸子雞， 喺呢間舖頭原來叫做金皮炸子雞。很簡單的一隻炸雞，卻很有風味。豐富的肉汁，香脆的外皮。 傳統的味道，新潮的擺設。 其他唔講，淨係隻雞，我畀滿分。