渝酸辣粉

营业中

休息中

平時好少寫食評，但今次真係忍唔住要出手讚下渝酸辣粉，希望多啲人支持佢。經過呢間野好幾年，今日都係第一次食，叫左碗肥腸粉紅湯，老闆好好禮貌，成間舖既人都好親切。紅薯粉略嫌硬，可能平時自己食開淋既，下次可以叫淋啲。叫左正常辣，個湯有啲後勁，麻辣之外有胡椒味，個人幾中意。另外加左個鍾水餃，見到好多人推介，真係好好味，個汁甜甜辣辣，好開胃，味道好難忘，唔係一味得個辣字，食完仲回味緊！一個人食左一碗粉再加五隻鍾水餃都食得哂。另外值得一提既係小店非常貼心，會主動加茶，見我用左張紙巾會補一張紙巾比我，見我差唔多食完會比牙簽，好貼心，上下員工都好親切，冇一般飲食業晦晦氣氣既態度。

今晚的晚餐有幸得到一美女朋友的介紹，來到這家店一試。我們來到時七點也未到，但幸好有一檯二人的位置，所以不用等位。今次受邀是因為小弟都想試吃點辣的東西，但我單聽店名，以為是食米線類別的店，但原來是有不少小菜類選擇。我們今次點了口水雞：不錯，選了較肥和厚皮的雞，係不錯的菜色。凉拌青瓜：好味，因為雪得夠凍夠入味，青瓜較爽脆，在炎夏食真的幾好。鍾水餃：雖皮較厚身，但餡肉汁較多，熱食不錯，愛好水餃的可一試，但美中不足是份量較少（一份只有五隻）擔擔麵：上菜時，店員會提醒要襯熱拌勻，佢不是充滿花生芝麻醬的那種，反而感覺較清新，雖已點中辣，但因另一麵食更好味，這是大路的選擇燃燒麵：值得推介，好辣的人必試，她買相跟擔擔麵差不多，但多點辣醬，拌勻後食下去，不是立刻有辣味，但之後有麻的感覺，幾過癮甜品：冰粉和麻麻地奶凍，兩個都好，冰粉似大菜糕，但更彈牙和清淡，但食完真的有凉快的感覺；而奶凍係得意之作，少少甜的奶凍，入口後會有少少麻的感覺，但又順口滑溜，幾得意。總結：都算正宗，但多了點味精和遷就少少港人口味，如再辣點更好，甜品和麵食值得一讚。

察實本人已經係第二次食「渝酸辣粉」，係冇訂位之下情況下，約咗2個朋友仔於晚上6:30直接係餐廳等位，大概等了３至５分鐘左右好快地安排位我哋入座。當晚我哋叫咗２碗好細碗「四川担担麵」、「素菜拚盤」、「熗炒雜菜」、「鍾水餃」、「半隻口水鷄」、同埋３碗甜品「桂花冰粉」。首先講下碟「半隻口水鷄」先，如果自問好食得辣同麻辣的，可以不妨一試，不過咁食之前最好叫定杯凍嘢飲，因為會越食越麻，麻到得來又越食越鹹，，又越食越痺，好鬼過引。而且Ｄ鷄唔係太入味，好似Ｄ汁淋上Ｄ鷄面咁，因為之前食過不是這樣，係會入味好多。至於「四川担担麵」，我哋叫咗１碗係少辣而另１碗中辣，我只係試咗少辣個１碗，味道都不錯，不過份量少咗Ｄ，話晒１碗成＄４４蚊，希望下次再食份量多番Ｄ。其餘３樣式「」、「熗炒雜菜」、「鍾水餃」都沒有什麼特別，「鍾水餃」好似出面食個Ｄ紅油炒手，不是太辣，不過Ｄ水餃皮厚咗Ｄ同埋比較硬身，希望能夠注意一下。不過全晚最好食竟然係個甜品「桂花冰粉」。有好香桂花味，又不是好甜，可以推介下！今晚埋單＄４６０，不算太貴，話晒係銅鑼灣。