Four O Five Coffee & Eatery

营业中

休息中

今日同幾個朋友放工去搵好野食發現到里間觀塘隱蔽西餐廳餐牌上既食物好吸引我地一行三人叫左一個意粉、一個燴飯、兩個小食同兩個甜品🍮真係超滿足今次叫既食物都值得推介 全部都值得再次encore! 大家即刻睇下以下既美食相😚😚包大家睇完都即刻bookmark定下次去食😍

位於觀塘工廈既隱藏高質西餐廳，我同朋友一齊嚟慶生，試左好多款嘢食，質素都非常唔錯，個人認為CP值非常高✨其中最深刻一定係超大份既吉士焦糖梳乎厘🤤🤤🤤❣️15%黑松露帶子蘑菇燴飯一上臺已經聞到好香黑松露味，燴飯米粒軟硬度適中。香煎帶子鮮甜軟嫩，熟度啱啱好。❣️西班牙海鮮燴飯（二人份）唔好睇佢望落細細碟，其實份量驚人，2-3人share都冇問題👍佢係risotto，唔係乾身薄脆嗰種海鮮飯，醬汁好濃郁，係非常鮮甜既海鮮味，啖啖都食到蟹肉蜆肉，面頭仲有大蝦同帶子等等，非常足料。❣️吉士焦糖梳乎厘班戟梳乎厘好大份，係CP值超高！軟綿綿入口即化，食落真係好幸福🥹面頭有薄薄一層焦糖，令班戟既口感豐富左唔少。吉士醬甜度啱啱好，梳乎厘蛋味又好香，食落輕盈，忍唔住一啖接一啖！❣️雜莓沙冰令人驚喜既沙冰，雜莓味唔會好假，沙冰飲落好香奶味，酸酸甜甜好好飲！❣️15%白松露薯條白松露醬中規中矩，薯條炸得乾身唔油。❣️岩鹽燒牛舌芯好少食到薄切同時好軟嫩既牛舌芯，用岩鹽簡單調味已經好足夠。有樣嘢要留意返，餐廳雖然可以幫手雪蛋糕，但唔會上碟，而係會連紙盒成個上，唔會收切餅費。不過要自己拆紙盒有啲搞笑😂

同朋友間中都會去觀塘搵食，因為之前喺成業工業大廈學陶瓷，原來呢到仲有好多嘢食，其中一間就係Four O Five! 見到其他人都有介紹過呢到嘅梳乎厘班㦸，所以就嚟試一試佢🤩 不過結果就有少少失望🥹 但係主食就相對出色啲✨～•🥢 蒜香忌廉蟹肉意粉 $118呢到嘅意粉份量都係偏大份，而且意粉軟硬適中～蒜香味幾濃，仲落咗啲蒜片碎伴碟🤣 但啲蒜片碎嘅辛辣味都幾出🫢 意粉入面有海量嘅蟹肉，足夠每啖意粉都可以食到蟹肉🤤 雖然呢個係忌廉意粉，但佢無落好多忌廉汁，煮得比較乾身，所以都唔會好膩～ •🥢 15%黑松露特濃蘑菇忌廉湯 $58黑松露同埋蘑菇湯都係我同朋友幾鍾意嘅嘢，所以一見到就叫咗一碗嚟試吓🤤 呢個蘑菇湯真係非常之濃郁，仲有好多蘑菇粒粒，而黑松露味就主要係上菜前加嘅松露醬+松露油，雖然睇落好少，但撈勻咗都好夠香🤤 $58睇落少少貴，不過碗湯又係好大碗，可以同朋友share!•🥢 炸魚薯條配他他醬 $78炸魚有3嚿細細哋嘅，係比較似英式嗰種，炸漿非常薄脆，然後入面嘅魚柳好厚身，「一梳梳」咁，食落啖啖肉好滿足！😍 而個薯條都幾出色，新鮮炸起好夠脆又熱焫焫，雖然佢配咗他他醬同埋茄汁，但係啲薯條已經落

昨晚同朋友去食晚市，大概7點45分左右去到，未計預約嘅booking，都有幾多人walk-in排 😮好彩我地等咗20分鐘左右就有位入座 😀🍝 蒜香蟹肉意粉蟹肉俾好多勁足料！😍 蒜香仲帶點點香辣！😀 意粉掛汁同炒得夠乾身，食哂成碟又唔會覺得漏 😋🍔 迷你手工牛肉漢堡配薯條🍟要讚嘅係佢嘅薯條😋 唔係齋炸就算，仲落咗似係燒烤味嘅調味粉，好香 🤤 薯條偏粗身，唔係脆果種，但因為調咗味，令人食唔停口 😍至於迷你漢堡包都做得不錯，漢堡都好juicy，用咗蛋黃沙律醬，個人覺得轉其他醬料會好d，因為沙律醬太漏，亦蓋過咗新鮮漢堡扒嘅肉味，即例如轉燒烤醬可能夾d 😄🥞 特濃吉士焦糖梳乎厘班戟 👑(製作需時大概20分鐘)嚟到呢度唔試下梳乎厘邊得架 🤩梳乎厘煎得好肥厚又大大件，一碟2大件，2件疊埋... 目測有成5吋高！🤤送到嚟檯果陣，梳乎厘震騰騰又暖笠笠，蛋味好香！真係想跳過食主菜，即刻食咗佢先 😂梳乎厘比想像中就厚實咗dd，但空氣感都有嘅，質感鬆軟 😙吉士食落又唔覺話好甜或漏，仲配埋少許nuts同爆谷，增添口感層次，好正！😍 2個人share一碟剛剛好啊 😋🥧 檸檬撻檸檬吉士造得滑溜，好香又清新 🍋餅底夠

最近發現觀塘一間新開餐廳，裝修環境好靚，走北歐舒服路線🦌，而且座位寬闊唔逼，Soft Opening試業期間仲有全日全單9折，預計一月正式開業，響Apm行左陣就帶埋酒粒B過嚟食嘢坐坐。餐廳位於成業街，成業工業大廈門口行入去，穿過大堂信箱位置就見到，就在地下個層，唔使上樓，地點有些隱世，但係唔難搵。入到去見到北歐風裝修，大大排米白色梳化🛋️，加上好多聖誕🎄⭐️佈置，真係心心眼😍，超級有氣氛。餐廳用QR code落單，非常方便，今次叫咗一個小食🍟、一個主食🍛、兩個甜品🥞和兩杯飲品🍹，價錢仲要唔貴。👶🏻比返個資訊俾幼兒家長，餐廳有提供BB High Chair，所以帶埋小朋友過嘆杯咖啡、食甜品都好適合。炸魚薯條配塔塔汁 ($58)$58食到炸魚薯條🍟，其實都幾抵食，而且份量都多有三嚿魚🐟，粉漿夠薄，雖然唔算好脆，但係食落去魚肉好嫩滑，加埋薯條好味。明太子大蝦🦐燴飯 ($128)好推介的燴飯，佢個明太子汁好好味，夠晒Creamy，裏面仲有食到三文魚子口感卜卜脆，幾隻大蝦🍤都好彈牙，意大利飯唔硬，呢個燴飯有水準、超好味😋！⭐️👸🏻👩🏻女士養顏必點 #獨家首創紅棗燕窩疏乎厘班戟 🥞$158（製作需時，請