長阪燒

营业中

休息中

在旺角都可以吃到六道菜的御膳，最後還有甜品。價錢也不貴，CP值頗高。長阪燒是一間有爐端燒的居酒屋，裝潢很有日式風格。除了有看到師傅的吧枱，也有私隱度高的卡座，用餐環境滿舒服。午市推薦來吃非常豐富的旬彩會席御膳和海鮮丼都同樣吸引。旬彩會席御膳 (HKD 198) 首先送來前菜、小食和特選刺身三點。有滑嫩的海膽豆腐和用麵豉醃得很入味的漬物。刺身很厚身，特別是帆立貝入口鮮嫩彈牙。吞拿魚、赤蝦配上三文魚籽都很新鮮。三貫壽司盛合 有一個是迷你魚生飯，魚生是一片片的也很厚身。建議先吃吞拿魚海苔包，不然紫菜會腍掉喔。是不乏魚香的吞拿魚，比起吞拿魚蓉更有口感。另外肥美的拖羅魚油香滿滿。精選爐端燒三品 & 雜錦天婦羅 之前就提到這間是有爐端燒的居酒屋，御膳剛好有三款可以吃吃看。包括了秋葵、雞心和雞軟骨。每串都燒得剛好，可見師傅的功夫絕對有水準。天婦羅就有蝦、南瓜和日本青椒，炸粉不會太厚，吃落不會很油膩。還有一碗 壽喜燒滑蛋牛肉丼。使用了肥瘦適中的牛肉，口感細緻。配上甜甜的壽喜燒醬汁和滑蛋吃落更香。最後甜品會是一粒雪米糍，是哈密瓜口味。長阪燒三重丼 (HKD 128) 配了麵豉湯和沙律。三個丼飯看起來很迷

今日晏就黎到旺角，食依間高質靚裝日本菜😋 餐廳裝修充滿日本風情，內部以大量和式飾品和畫作作點綴，設有私隱度十足嘅卡位座和直面開放式廚房嘅吧枱座，各有特色👍 點了午市推薦嘅旬彩會席御膳套餐❤️ 內容包括前菜小食、特選刺身三点、三貫壽司盛合、精選爐端燒三品、雜錦天婦羅同埋麵食一客，超級豐富👍 刺身有大大粒帆立貝、肥美爽滑嘅牡丹蝦同埋厚肉鮮嫩嘅拖羅❤️ 擺盤幾靚😘 全部刺身都好新鮮，食落嫩口又充滿海鮮味，好正👍 壽司三貫包括拖羅手卷、三文魚壽司同埋雜錦刺身迷你丼❤️ 最喜歡拖羅手卷😍 紫菜包飯上佈滿海量嘅拖羅，每一啖都充滿魚油嘅甘香🤤 爐端燒分別有雞軟骨、雞肝同埋秋葵✅ 雞軟骨勁惹味😋 烤得外層勁焦香，內裡爽脆有嚼感，真係令人食唔停口😘 天婦羅有經典嘅天婦羅大蝦、蕃薯同埋小青椒🥴 大蝦超級大隻（仲長過🐧🤣 ) 食落外層酥脆，內裡爽滑鮮甜，整得好好食😆 麵食有兩款可以㨂，叉燒湯烏冬或者壽喜燒滑蛋牛肉丼😋 🐧 㨂咗最愛嘅壽喜燒丼🫶 牛肉既帶有壽喜燒嘅甘甜，又沾滿滑嫩香口嘅蛋漿，食落軟嫩又多汁，非常可口🤭 送飯一流🤤

估唔到旺角都有間咁高質嘅日式串燒！經朋友介紹，今次試咗喺朗豪坊附近嘅長阪燒。佢位置都幾方便，地鐵站出口行幾分鐘就到。上到鋪面，即刻冇晒旺角嗰種人多嘅吵鬧，相當清靜優雅，有種西餐咁嘅感覺，但又不失日式嘅氛圍。雖然主打串燒，但係佢都有好多款唔同嘅日本料理，其中我最鍾意嘅就係佢嘅拖羅海鮮豪華太卷。滿滿嘅海膽同埋三文魚子，配埋拖羅，真係每一啖都係享受！之後我哋再嗌咗個雜錦天婦羅拼盤，熱辣辣，即叫即炸，非常之好食。而且有蝦，秋葵，南瓜，番薯同埋冬菇，任君選擇！之後就係主菜串燒。個擺盤真係值得一讚，非常有心機。個人覺得最好食嘅係五花腩同明太子醬翠玉瓜。五花腩加埋香辣嘅調味粉真係超級惹味，而辛香嘅明太子加埋清爽嘅翠玉瓜，亦都係絕配。之後食完覺得唔夠過癮，再嗌多幾串香辣牛肉。牛肉食落仲有牛味，而且口感係燒完之後都仲keep到有彈性，值得一讚。最後埋尾壓軸嘅係燒蠔！成隻蠔都係熱辣辣，隻蠔殼差啲攞唔住咁熱，配埋香蒜同埋蔥，真心回味無窮！總括而言，俾起一般嘅日式串燒店，呢度可以話係食材高質，餐廳舒服又有氣氛，我非常推薦比想過二人世界嘅情侶或者特別日子慶祝嘅時候食

今日黎到朗豪坊行街，晚餐唔知食咩好，就跟google map黎到呢間餐廳。見到呢個招牌轉入去搭lift就得，好貼心~~一入去見到好高級、好有日本feel嘅裝修，成個環境好舒服，廚房又係open kitchen，透明度好高，好乾淨。份menu設計得好靚好清晰，款款菜式都好有特色😋我地叫左松葉蟹膏多士、雜錦天婦羅、雲丹拖羅蓉山盛、拖羅根沙律，仲揀左雞肉大蔥、雞腸、雞皮、雞首肉、黑豚、豚肉秋葵、青椒仔，7條串燒。松葉蟹膏多士 ($128)，賣相好靚，好多膏，有6舊烤多士，絕對夠搽。蟹膏好有鮮味，唔係死咸；多士仲有少少牛油味，配蟹膏真係好正，係第一次食到好特別、回味無窮嘅味道！雲丹拖羅蓉山盛 ($188)，海膽好多、三文魚子滿瀉晒出黎，視覺效果爆棚。拖羅蓉都好新鮮，入口即溶，海膽肥美一d都唔苦，好好食！雜錦天婦羅 ($128)，炸粉好薄，蕃薯、南瓜、青椒、菇都炸得好好，炸蝦好大隻，啖啖肉拖羅根沙律($78)，是日special，好fresh，好少見到魚肉沙律，d魚肉燒到好好食。大家可以叫黎試吓7枝串燒 ($200)，雞首肉、豚肉都好好食，冇雪藏味，肉味鮮美，啖啖肉；雞腸、雞皮亦好特別，口感爽脆

昨日同事帶我去了這間上樓爐端燒居酒屋，電梯一開門的確有驚喜。門口擺放了很多🇯🇵日本酒做裝飾，滿滿日本風情，十分吸引，入到去日味十足，格局亦十分高級。因為我們沒有預先book位，所以安排坐吧枱，前面放滿了爐端燒用嘅材料，魚、蔬菜等等目不暇給。兩個人試咗幾道菜各有特色。宮崎楚蟹肉水菜沙律 新鮮沙律菜加上幾粒超甜蕃茄，其實主角是上面的蟹肉，平日喜歡吃沙律的我，超級鍾意，因為味道清新之餘，亦都有蟹肉鮮味，沙律本身有少少調味，但蟹肉鮮味非常突出。👍🏻 松葉蟹膏多士上枱嗰下已經覺得好吸引，試埋啲蟹膏絕對係停唔到口，連我朋友唔喜歡吃蟹膏也吃了兩件搽滿蟹膏的多士，這道菜絕對冇揀錯。👍🏻燒烤系列雞胸軟骨～好味但係唔夠喉雞肉大葱串～香口肉質唔錯雞首肉～最初還以為是雞頭肉😅，食落肉質其實只係比較嫩的雞肉雜錦天婦羅婦：性價比之選，有三隻大蝦、冬菇、茄子和南瓜等等，都算好抵食。特上精選壽司盛合賣相超靚，當在細看每一件好新鮮，造型好賞心悅目，當中有海膽拖羅蓉最中餅，非常漂亮，最為吸引，海膽、吞拿魚蓉和三文魚籽，放在一個花型的最中餅內，非常精緻。另外還有肥美拖羅、赤身、油甘魚、北海道鮮帶子、海老、蛋和多兩款時令魚，

好久冇去吃日料，今日經過旺角缽蘭街長板燒，就去大吃一頓。長板燒環境係我最鐘意嘅一面，清淨，優美！可以好放鬆心情。食材又新鮮，精緻！好有層次感。江戶前玉子燒，口感比較特別，似小蛋糕，綿密又鬆軟。雜錦天婦羅：炸粉唔會厚，也不會油膩，炸蝦好彈牙。都不錯。壽司有火炙平目魚背，三文魚腩壽司，赤蝦壽司。壽司嘅米飯用了赤醋，粒粒分明！赤蝦鮮甜，點上豉油介辣，正。串燒有牛舌，牛胸腹，免治雞肉棒。厚切牛舌，牛味重，口感不錯。燒海鮮嗌左燒元貝和特大虎蝦。虎蝦好大隻，蝦味濃郁，蝦頭部位還有好多蝦膏！正。大大粒元貝配上燒汁，好爽口。不知不覺都嗌左不少嘢，食得都好飽。