Bilibala Yakitori Bar

营业中

休息中

其實週末想好好同三五知己眾會的確好難搵地方，不過係銅鑼灣呢頭就有好介紹。地方唔算偏，位置唔算隱蔽，不過環境夠靜，清幽。 F1 出口，步行十分鐘左右，轉入一條直路後兩邊既街都有幾間食店。其中一間就係 Bilibala。車水馬龍的街道，黑黑既天空下，Bilibala既字形燈特別光。店舖唔係好大，附近靜靜地咁，好岩兩三個人聚聚，坐底傾返三個鐘頭計都唔成問題。門口用左深色，有點兒工業風既design，入面既燈昏昏黃黃，帶點誘惑的曖昧。相對好多BAR，呢度都算相當精緻優雅骨子。只可惜椅子既靠背位有點兒唔舒服，不過好彩坐落夠軟。連門口出面既風扇都用左啞黑色。有情調。入去隨便坐底。開放既卡位，可以望到對面街。逆著光，也許可以旁若無人地談個情…店員都好熱情。坐底就即刻上野。先黎既係三個唔同顏色唔同味道既汁。中間果款梅子特別正。開胃頭盤係黑松露冷日本番茄同芥末魚旦。魚旦好有魚味，個人比較喜歡唔點芥末。日本講究既細緻，呢塊魚旦完全咁表達左出黎。食完之後我胃都全開啦，立馬點杯酒，咩酒唔係重點。重點係酒粒冰！係一粒波黎，好特別，鬼鬼地咁，令成杯酒格調提升。佢地既酒酒味都濃，叫左杯青檸味既，檸味好淡，酒味好重。

今晚約埋兩個朋友收工係銅鑼灣飲野吹水，揀左呢間酒吧。地方其實唔算好大，稍暗既燈光加埋bar枱，拿拿淋叫杯酒先。Drink list 日本酒果度有一杯柚子酒就叫左嚟試下。見到就杯既時候已經覺得好特別，因為酒杯好似不倒翁咁，微微傾斜，但又無倒瀉。我腦海中立即閃出"永不倒的傾斜"。當時TBB有套劇叫"鬼同你OT"，陳豪就係係度研究永不倒的傾斜，再加埋胡定欣同田蕊妮三人搞笑既演出，果時真係晚晚追。講番呢杯柚子酒，貫徹"永不倒的傾斜"，因為酒味唔重，就算多飲幾杯都唔會醉倒。雖然酒味唔重，但柚子味夠突出，我諗應該會幾得女士歡心。飲得咁上下，係時候叫下佐酒小食。生磨芥末青瓜漬冷盤青瓜經常食，但今次呢個好有驚喜。未食已經聞到好香既芥末味，但望落去只會見到似醬油既顏色。食既時候青瓜爽口，而且夠入味。味道唔算好辣，又唔會話攻鼻，但就好開胃。雞泡魚干一向都係我鐘意既佐酒小食，少許硬身既雞泡魚干沾上沙律醬，夠晒惹味。白飯魚乾平時都係一條條咁食，今次條條既白飯魚乾變成一大塊，其香脆程度直迫薯片，有煥然一新既感覺。黑松露冷日本蕃茄看似普通既蕃茄原來頂部有黑松露。味道清淡既蕃茄，同味道強烈既黑松露形成強烈既對比，有

有天, 朋友八點多先才收工,就決定到他公司附近銅鑼灣區Bilibala Yakitori Bar飲野食日式串燒.一於食滋味串燒,一面Bilibala暢談一番.裝潢設計以具酒吧風格為主,有藝術畫掛在牆,有點歐美風情.因燈光暗黃及伴熱鬧音樂,充滿輕鬆.＊　＊　＊　＊首先點了有酒精cocktail飲品Absolute Wipeout 帶少酸重甜味道,內有莓及菠蘿味,又帶點椰子味,酒味不重,飲後非常醒開胃.＊　＊　＊　＊雞泡魚干雞泡魚干好咬口好味,似魷魚絲般口感,簡直是佐酒小食最佳拍檔.＊　＊　＊　＊免治雞肉棒免治雞肉棒非常有口感, 因內有雞肉及雞軟骨,蘸點蛋汁來吃,加倍滑溜可口.＊　＊　＊　＊燒北海道帶子大大粒啖啖肉帶子,多汁肉厚,口感軟滑鮮甜, 好好味呢!＊　＊　＊　＊燒白鱔燒得不會乾巴巴,燒得好有魚香味, 魚肉好滑,燒得原汁原味.＊　＊　＊　＊燒黑豚腩外層燒得香脆無比,口感細膩,豬肉味濃郁肉汁,帶油脂,肉質脆軟. ＊　＊　＊　＊燒牛舌燒厚身牛舌具咬口感煙韌彈牙,好惹味.＊　＊　＊　＊雞翼雞翼外皮脆香,雞肉入口鮮嫩,完全沒有雪味.＊　＊　＊　＊燒芝士年糕年糕經烤熱後口感煙韌,一口咬開流出軟

放假去了祟光百貨、時代廣場逛街掃貨，隨後去了禮頓道附近行下，順便找東西食，友人們話去串燒，那是個好建議，之後跟了友人去了Bilibala Yakitori Bar，平時我都好少去酒吧食野，所以都交俾她們發板了那個雞泡魚干有一些沙律醬，把雞泡魚干味道甜甜地，有咬口又煙韌，真是好好食!友人點了幫我點了一份北海道帶子，帶子好大大粒，燒都好香，咬落嫩口又有鮮味。其實我都晤知什麼是金目鯛，友人介紹是魚，燒至金黃至焦，魚肉上面有青蔥作下裝飾，肉質細膩柔嫩，好鮮甜!多春魚有卜卜脆的魚春，好脆又香口食燒蔬菜會較健康些，有銀杏、冬菇、日本小蕃薯、日本青椒仔、雞脾菇、日本小蕃薯，日本小蕃薯的體積細細粒又軟糯，好香甜!雞脾菇大大件的菇都好爽又鮮甜，日本青椒仔沒有一點辣!今晚謝謝友人帶我來食串燒，環境都幾好，飲杯野食下串燒都晤錯的地方

女孩子見面總是傾不停，為免餸菜放涼，轉去食串燒是不錯的選擇﹗ Bilibala 有吧枱、高枱及四方桌坐，旁邊放下窗子的一邊，好有酒吧街頭，悠閒的感覺。先來芥末魚旦, 簡單的在日式魚旦上抹點芥末，魚旦口感彈牙實在，是等候串燒時不錯的小食。溫泉蛋沙律，清清胡麻醬，加點漿漿的蛋液，食材新鮮，甜甜酸酸的好開胃。雞泡魚干，肉質軟腍，有點豬肉乾口感，味道咸香，我喜歡這種多於乾硬的那款。黑松露冷日本蕃茄，碟邊配點黑醋汁，蕃茄其實吸不到其他味道，其本身的鮮甜味，令人想一塊塊不停的吃。免治雞肉棒，外出的雞肉棒沾上蛋液時，味道沒有兩樣，但這個沾上後，卻把味道帶到更高層次，奇妙，若加入雞軟骨更增口感會更完美。鹽燒鱔，肉質實淨中帶點嫩滑，食材新鮮，用少許鹽味已帶出鮮味。廣島蠔，這蠔種本身重蠔味，邊位有點乾，但一口放下時，蠔身都有滑嫩濕潤感，整體味道都不錯。黑豚肉，脂肪與肉的比例，不會有肥膩感，像半肥瘦的，入口軟腍，有點檸檬汁味。西京銀雪腩，外邊有層甜甜的像蜜糖的醬汁，魚肉嫩嫩的，永遠是燒物必點的。煙肉露筍卷，露筍清爽翠綠，更吸收了點煙肉的咸味與油分，兩者好夾。舞茸菇，保持著柔嫩爽脆，菇味依然。日本青椒仔，原本