Mata Japanese Cuisine

营业中

休息中

通常在京川滬菜式出現的嫩雞煨麵，未知日式的又是怎樣的呢？午餐的嫩雞煨麵套餐，除了煨麵之外，有一小碟枝豆、漬蘿蔔、以及一小塊曲奇餅。嫩雞煨麵乍看就是一碗慣常見到的一樣，正正常常的。然而一呷雞湯，就發覺雞味甚淡，不夠鮮甜，調味亦不足。雖然有不少雞絲和切碎的菜，惟幫助不了多少。拉麵算是不錯，順滑有嚼勁。反為小點枝豆因為有山椒的香氣，較為突出。小人追加了兩隻雞皮餃子略為一試。這道邪惡小食超級窄小，食味是有雞皮脂香的，可惜肉餡較實，欠缺肉汁，兼且同樣是調味不足的。僅僅過得去。

長沙灣廣場3樓，新開了一整層的美食地帶，外表看似高級food court，卻埋藏了不少武林高手，今日特別試咗呢間商場內的居酒屋。裝修簡單，氣氛恬靜，座位寬敞。先來一客鱈魚片，加上沙律汁，不錯的惹味 前菜。接着雞皮餃子，熱辣辣又唔熱氣唔油膩，與平時的日式餃子不同，別樹一格。之後來了 一件椒鹽鮑魚，清新鮑魚，加上椒鹽及蒜片，意想不到嘅入味。最後更點了肥美牛舌，配上一盒飯，大滿足，牛舌好林好厚，加上特別醬汁，超好味！不得不提，佢哋特別調製各款顏色的cocktail , 先試咗店員極力推介的Wasabi Cocktail，估你唔到嘅好味，之後再點咗個cocktail 咖啡Cocktail, 再點咗鎮店之寶嘅花生酥，作為飯後甜點，感覺一流！如果唔係酒量錢，應該會再試多一款Cocktail。特別一提，主廚之前跟日本師傅學藝，又到大酒店及日本深造，所以食物質素有保證。以這個價錢，吃到如此高質的居酒屋，極力推介！

我之前完全無去過長沙灣廣場，今日我因Mata Japanese Cuisine而踏入長沙灣廣場。餐廳室內面積比較细，不過亦有其他座位係走廊，我地坐係吧枱位置，Bartender不斷同客人傾計，氣氛非常好👍🏻餐牌係手寫，字體幾靚🤣- 雞皮餃子外皮金黃酥脆，入面餡料豐富多汁，更難得係外型同餃子好似樣👍🏻- 紫菜味炸魚翅今日貢獻左人生第二個既第一次😝，就係食炸魚翅，外脆內軟，有少少煙韌口感，佐酒一流。- 炒芽菜芽菜炒得好乾身爽口，唔會出好多水。- 關東煮牛肋條關東煮湯底清澈鮮甜，入面材料有主角牛肋條、蒟蒻、麻糬豆皮包、魚餅同蘿蔔。蘿蔔鮮甜無渣而且索滿湯汁，牛肋條肉質軟稔，食完非常暖胃🥰- 花生酥我未食過咁鬆化既花生酥，入口即化，中間有一粒原粒花生。因為老闆以前賣花生酥，開實店賣花生酥要拎食牌，所以決定以居酒屋形式經營。餐廳既日式cocktail非常有驚喜，Aoi酒底係vodka，入口會飲到青蘋果既香甜，然後慢慢滲透wasabi既辣味，而且感覺越嚟越強烈，特別之餘又好飲😋試完Aoi返唔到轉頭，我地即刻叫左另一款日式gin-based既cocktail－Aiiro，味道有少少似檸檬茶，花香味幾突