手拉麵小廚

营业中

休息中

同事經社交平台介紹呢間食小籠包出名兼且佢當日要到附近買嘢所以同佢唻食由地鐵站出發行去都幾遠𠺢但為左搵嘢食無辦法啦😉果然無令我哋失望尤其小籠包真係好好味呀😋😋😋😋😋😋😋😋Send啲相比我老公睇佢話下次一定要帶佢唻食因為呢啲都係佢至❤️🤣😂🤣😂

以前成日同屋企人食京川菜、小籠包，今日❤️心血來潮❤️就同朋友黎左新蒲崗的手拉麵小廚，office 放飯時間，我地等左大約5-10分鐘就可以入座。食京川滬菜又點小得經典 - 雞絲粉皮 呢，初初以為冷盤小食細細碟，點知同一個主食份量無分別😋，真係一個人食嘅話都夠飽。豬頸肉担坦湯拉麵 - 估唔到豬頸肉份量都唔少，都有大約10-12塊，每口都啖啖肉，而且佢燒得幾香，湯底味道不錯，不過略不夠濃郁，但整體水平不俗。最後當然唔少得 招牌小籠包 啦！呢度嘅小籠包一啲都唔少，係大籠包唷🤣，而且入面已經唔係肉汁，份量多到係湯汁😋，肉汁依然鮮甜經典，不過可能係大籠包，皮則略較厚。

-{新蒲崗上海菜🍜}朋友推薦嚟呢度食上海菜 主打手工拉麵😙🤤小籠包🤤 ($45)爆多餡😋又有免治豬肉 同好多湯汁 係會辣口嗰種🤩皮唔算好薄但餡料真係好多😚大大粒係平時嘅1.5倍☺️👖褲評: 8.5/10🤤豬扒擔擔麵🤤 ($60)豬扒炸到個皮好脆 仲食到啲肉汁🤓另外個擔擔面都好重花生味😛個麵好爽彈🥰成個麵都好出色🤩👖褲評: 8.5/10🤤雞絲粉皮🤤 ($50)粉皮份量都幾多 都係撈麻醬咁！唔會差得去邊～👖褲評: 7.8/10🤤羊肉湯拉麵🤤 ($60)羊肉有些少羶味 羊嘅份量又多！啲湯好出羊肉香仲要唔太膩 啲菜吸晒啲湯汁好入味😋麵都係差唔多🍜👖褲評: 8/10🤤豆沙鍋餅🤤 ($45)新鮮啱啱煎起😙好多豆沙餡又唔會太油🥰👖褲評: 7.8/10整體所有嘢食都好食😭有好多料 仲見到師傅手拉拉麵😌可以再黎幫襯🥳性價比: 9/10服務: 8.6/10環境: 7/10🚩 手拉麵小廚 🚩地址: 新蒲崗衍慶街48號衍慶大廈地下 #fuudjai #fuudjai新蒲崗 #fuudjai中菜

一講起小籠包不得不提及呢間小店舖仔細細但出品十分出色特別係一企喺門口就會見到師傅係咁做麵條同包小籠包功架十足，果然係高水準之作 必試產品當然係小籠包皮薄得黎唔會一夾就穿肉湯汁豐富仲好鮮甜肉同皮比例好平衡，大大隻食落去好滿足 就係咁樣同個朋友黎食一籠都覺得唔係好夠喉所以就叫多一籠咁先可以大滿足因為平時我自己一個食一籠架嘛 期間仲要左蔥爆羊肉呢個好有驚喜因為個汁好鬼惹味羊肉又要炒到好乾身真係唔會俾個汁搶晒仲完全點綴到個羊肉超級 幫襯左5-6年一直都係咁優秀製作小籠包係嗰種一段時間冇食就會掛住要特登去食嘅滋味誠意推介

🇭🇰手拉麵小廚·呢個我第二次食啦 佢係超級老師傅feel 而且嘢食唔錯😌😌·招牌小籠包$48 l 豬扒擔擔湯拉麵$58 l 雞絲粉皮$48佢個小籠包真係超大粒 入面超多湯 而且唔會話好膩 之後佢個皮薄得黎唔會好易爛 正😍😍佢個豬扒擔擔麵都好出色 個豬扒調味同肉質都好好 之後個湯底超濃郁 不過佢個麵就偏糊 可惜😢😢最後佢個雞絲粉皮都唔錯既 個粉皮好煙韌😎··📍新蒲崗衍慶街48號衍慶大廈地下

突然想食小籠包，又唔想幫襯大品牌例如翡翠或鼎泰豐，結果找到新蒲崗一家小店，仲可以泊車喺門口。主角小籠包，一籠五隻，size 都唔算小，幾大隻，皮薄多汁，但唔易穿，包工不錯。點了兩個小食，一個是雞絲粉皮，另一個是皮蛋豆腐。兩個味道不錯，比得上大名氣的餐館。還有點了酸辣湯雲吞，雲吞皮有點厚，酸辣湯亦太咸，可以不試。反而，羊肉湯拉麵令人意想不到的好吃。羊肉的羶不太濃烈，湯亦很有羊肉味，跟在國內北方食店的水準一樣。最後想提，意料之外是豆漿竟然是外購的一支裝。

我個人超級鐘意食小籠包。但一直都搵唔到令我覺得想一試再試既小籠包。知道小籠包係呢間食肆嘅招牌，特地過嚟一試。一籠5隻，同出面的小籠包有以下嘅分別：1）形狀係闊而扁身2）頂上有個窿，方便比客人吸入小籠包裡面嘅湯汁3）小籠包嘅湯汁係超多4）小籠包皮薄，但唔易爛，餡份量適中整體來講，小籠包係超級好味！係我食過最好味的小籠包！係會令我想再返黎食既食物！另外，叫左雞絲粉皮，味道正常。但以呢個份量，同埋雞絲比例極少，定價偏貴。

呢間小店由中學年代幫襯到宜家，每次經過新蒲崗都會嚟食晚餐，適逢朋友話想食小籠包，就帶佢嚟試下啦！店內座位唔多，等左5分鐘就有位。呢個係每次都必點嘅招牌小籠包，一籠有五隻，即叫即蒸，上到枱仲出煙架！每隻都肉汁十足鮮嫩，肉餡鬆軟，讚👍🏻雞絲粉皮嚟講就中規中矩，醬汁嘅麻醬味偏重，而且雞絲嘅量略嫌有啲少🍜最後到重頭戲羊肉搶湯拉麵，羊肉脂肪比例唔多，所以唔會好膻，瘦肉絲帶筋，略有咬口。至於佢個湯底味鮮而不膩，平時唔飲麵湯既我都忍唔住飲咗幾啖😋👍手打拉麵粗幼不一兼彈牙，配上津白絲食落口感豐富👍🔅小知識分享：羊肉入面既左旋肉鹼(L-Carnitine）有助身體燃燒脂肪，適量食用會越食越fit嫁！總結：佢既招牌小籠包似上海小店既味道，夠晒正宗。至於手拉麵都值得一試，論上海菜佢係［價廉物美］既💯

星期日特登同朋友去新蒲崗食美食，見openrice多人話呢間好食就去試下。舖頭雖細細間，但晏就時間都好多人食，好彩唔洗要排隊等。坐低就即刻叫左小籠包、雞絲粉皮同雲吞。雞絲粉皮⭐️⭐️⭐️⭐️上枱睇落就已經流晒口水🤤，鐘意佢好多汁亦重花生醫味，比出面食既甜多小小。雖然都好食，但如果要比較，我認為上海姥姥既味道好食d招牌小籠包⭐️⭐️⭐️我本身系最期待個小籠包的！點知期望越大失望越大🙁 佢唯一既優點真係好多湯汁，但整體餡的味道較淡，而且佢層外皮唔滑仲有小小怪味。我出面飲茶食開個間的小籠包仲好味個佢😭😭8隻菜肉雲吞⭐️⭐️⭐️⭐️食呢碗雲吞有家的味道，皮薄餡足，味道唔錯

被我的朋友稱為全香港最好吃的拉麵，我終於來試吃了！我大約1210到，也許還早吧，所以我們無需排隊就可以入座了！他們提供好多選擇，真的好難選。可是我來之前已經選定要吃什麼了，所以很快就可以點餐。雞絲粉皮— 份量不算多，可是很足夠！粉皮沾著淡淡的芝麻醬,再搭著爽口的青瓜絲和雞絲，很好吃，並不會膩。花雕醉雞—份量還蠻大的，花雕酒很香，醉雞很嫩。我想我應該醉了！豬扒擔擔湯拉麵—還蠻特別的擔擔湯頭！有花生的香味，微微的麻辣，湯頭並不會很濃郁。豬扒蠻多的，拉麵真的很好吃，很彈牙！羊肉搶湯拉麵—竟然沒有羊羶味！湯頭清甜，有大量蔬菜和羊肉片！招牌小籠包—我想說他們家的小籠包稱得上香港數一數二！皮薄餡多，湯頭鮮甜，可惜沒附上薑絲，只有醋供應。我好期待下一次再光臨的時候！

新蒲崗一向有好多隱世美食，住喺呢頭或者喺度返工嘅人都知！今日又去到一間隱世小店食上海菜！。雖然近排夜晚市道麻麻，但係喺呢間小店外面都要等位先可以入去食。雞絲粉皮 ($42)材料份量十足，味道不過不失，略嫌醬汁唔夠多，食落有啲乾身。餛飩湯拉麵 ($45)雲吞大大粒，夠曬料，又多粒，皮同餡嘅比例好好！ 麵質爽滑彈牙， 配埋粒粒大餛飩，令人食過返尋味！小籠包 (5隻) ($44)小籠包賣相吸引，件件大大粒，入面好多汁，咬落去大家真係要小心🤣 不過肉質比較鬆散，皮都比較厚，不過喺香港食到呢個質素嘅小籠包都唔錯！

耐咗一排無食就突然好想去食呢間鋪唔算大間揀錯放工時間食既話 要排好耐隊唔係講笑我揀時間去唔洗排仲要有卡位坐添第一時間坐低唔洗諗叫個雞絲粉皮同出面唔同係佢啲醬汁我覺得撈埋食好香涼拌易入口同埋好開胃雖然有少少貴之後再整個小籠包都係其中一道吸引勁多人去既原因因為佢真係又大又多汁我會先食上面個頂再倒啲醋再一啖啪落口完美爆發係口入面（小心熱品質保證 所以價錢我覺得合理最後叫得做手拉麵梗係要食手拉麵面口感小硬身係我自己比較鍾意呢啲睇大家個人口味雞扒好大份做到基本外脆內軟要求其實佢唔差 只係小籠包同粉皮我太鍾意所以無點覺得佢特別好食但係佢個湯其實好好味大家不妨下次食面先因為我食到個面已經有啲飽比唔到咩意見

今次己經唔知第幾次食，都算常客，上海野黎講都叫幾有特色，每次去都OK多人，大多都係街坊生意。不過呢間人氣其實幾高，大部分推介新蒲崗美食都總有佢份。平時我每次都會叫雞絲粉皮，幾乎上海野必食，呢間用番傳統麻醬而且青瓜夠多，我中意﹗（因為而家有部分店用左日本胡麻醬，成件事會好唔配）﹗咁今次就試左佢個羊肉搶湯拉麵：10分俾7分，羊肉味係有，都幾香，由湯既顏色可以知道都幾濃郁。又有菜配，食落冇咁滯，又加左啲爽脆既口感。而酸辣湯麵配料足，但就偏酸，唔夠辣，冇咁刺激過癮，不過我本身唔太食到辣就OK，如果中意食辣就可能真係爭啲

男朋友記得我喜歡吃年糕，所以提議去食上海野。位於新蒲崗的手拉麵小廚，一間小店有百幾個好評，check it out！晚上7點幾去到，好lucky剛好仲有兩個位，食完出泥見到外面好多人排隊等位啦！雞絲粉皮雞絲肉質很嫩滑，粉皮又吸收哂d蔴醬，還有清新的青瓜絲，三樣加埋一齊又好match。回鍋肉炒年糕邪惡的回鍋肉，半肥瘦，火喉剛好，好惹味，男朋友食到唔停口。至於年糕，這應該是韓國年糕吧？個人比較偏好上海年糕，所以有一點點失望，但這年糕都煙韌唔會痴牙。小籠包$40有5隻小籠包好抵食，個皮好簿，裡面裝住好多湯，略嫌d肉鞋身左少少，整體上性價比高。

上次試左同區既另一間出名上海菜餐廳，今次終於到手拉麵啦！Order左二人套餐，包括左雞絲粉皮、蔥爆羊肉、小籠包、西生菜、兩碗拉麵同兩杯菜蜜。另外仲加左一碗羊肉搶湯拉麵。雞絲粉皮雞絲份量唔算多，雞肉肉質介乎淋同結實之間，冇雞味。青瓜份量唔少，青瓜食落新鮮，爽脆既，撈匀之後起到清新既作用，都增添左口感。粉皮份量適中，雪得夠凍。粉皮質地唔錯，有咬口得黎又未至於要咀嚼好耐，中上水平。麻醬質地較稠身，會漿口，味道好出、較濃郁，係個人中意既味道，唔錯。而且麻醬份量適中，唔會太多而過膩。單叫要$40一碗，份量唔算太多，食完唔會飽，個人認為性價比唔高。整體而言，味道唔錯，成道菜既靈魂粉皮同麻醬都達到我既標準。雖然未算最出色同性價比唔高，但係我食過雞絲粉皮既餐廳入面，佢可以排到前三。蔥爆羊肉材料好簡單，分別係羊肉、洋蔥同一條大蔥。羊肉份量適中，佢唔係厚切羊肉片，有啲似肥牛果種碎啲既肉，但脂肪比例冇肥牛咁多，脂肪部份較少，可以接受。雖然羊肉薄切同較細片，但依然食得出少少羊騷味，可能有人會唔中意陣味，但程度唔高，我都幾中意，食羊冇羊騷味同食豬肉有咩分別姐><睇落顏色深，但調味咸淡適中，唔重口