相馬日式火鍋 (已結業)

最近天氣乍暖還寒，特別想食打邊爐，因為疫情唔敢約朋友，就同星仔黎個二人邊爐。相馬係一間日式火鍋，120分鐘火鍋放題價錢由$168至$468，分別在於牛肉種類。我地揀左美國頂級牛小排($328)，除左有豬牛雞肉其他火鍋串燒炸物料野飲甜品之外，連海鮮都有得任食。除左肉類同海鮮係order之外，其他火鍋料蔬菜麵食野飲甜品同醬料都係喺自助區自取。哩度嘅野飲選擇唔算多，汽水涼茶韓牌飲野每樣兩三款。如果唔想加錢湯底有六款選擇，我地揀左番茄拼泡菜，番茄酸香味幾突出，泡菜辣辣地又惹味。美國頂級牛小排雪花紋好靚，口感好滑，因為牛肉比較薄身，所以即使一人一碟都仲有大把位食其他野，想回本起碼每人食返一碟。除左牛小排，海鮮都係回本位，拼盤包括魷魚、帶子、青口、蠔同大蝦，全部都大大隻，就算灼熟左都仲好有睇頭，其中我最鍾意大蝦，肉質夠晒結實。豚肉比較鞋口，可以不試。雞肉幾靚，肥瘦適中，灼熟左肉質都唔會太鞋。除左火鍋料，相馬仲有得任食串燒同炸物。我地樣樣叫左啲黎試。任食質素唔可以要求太高，佢地嘅串燒每串份量較少，我比較鍾意有咬口嘅雞腎同雞軟骨。炸物炸得夠香脆，炸粉唔會太厚，質素都可以。其他火鍋料可以喺出面自助區自己

好耐無打個邊壚 星期二約左個朋友刷餐勁我自己就好鐘意食放題/任食 貪佢消費無壓力今次簡左間係荃灣大鴻輝既日式火鍋一坐低就叫左個鴛鴦湯底我食麻辣 朋友食日式甜鼓油跟手出去攞野飲 飲品種類都算多 除左可樂仲有幾種唔同既罐裝飲品跟手睇埋d丸類都算多 大大話話都十幾二十種另外不得不提 佢d菜種類真心多 而且勁新鮮牛肉質素唔錯 豬肉都幾好雞肉就最正 無油 但都幾juice另外仲有炸物食 炸物香口 脆漿薄身整體唔錯 而且環境幾好 鐘意打邊粒既可以一試

今日收工夜夜地 同呀爸呀媽晚餐加宵夜咁9：30去左呢度食火鍋放題 揀左$228美國特選牛肉餐 中價嘅餐 包埋豚同雞肉任叫 啲肉一黎到真係心心眼 特別係牛同豚 望落啲色好鮮艷 勁新鮮 而且油脂分佈都均勻 靚靚 淥熟之後都好滑好稔 完全冇筋🐮🐮：🐷🐷🐔🐔講番湯底先 揀左比較大路嘅豚骨 首先望落係好白好濃咁 飲落去果刻我地3個都嘩嘩聲 勁甜！！好似十斤豬骨放左落去淆湯咁 連不嬲打邊邊吾飲湯嘅我都忍吾住狂飲另外要講講出面自助吧嘅食材 除左有最平常果啲之外 仲有我好中意嘅蟲草花 羽衣甘藍 蜂巢豆腐 好彈口嘅魚腐等等 係平日比較少見 而且高級啲嘅野 好欣賞哦仲有好重牛奶味嘅雪糕 當日有咖啡 黑芝麻 牛奶 綠茶味 店員指出係milktop雪糕 吾錯值得一提嘅係店員嘅服務 佢地勁有禮貌 而且解釋有咩食時好有耐性同清晰 仲係咁同我傾計 好可愛 哈哈

近日天氣乍暖還寒，過完一個溫暖的農曆新年，窩夫與蝦子餅趁氣溫稍降又去吃火鍋。參觀完南豐紗廠，在荃灣找地方吃晚飯，光顧了位於大鴻輝(荃灣)中心頂樓的相馬日式火鍋，被安排坐在窗邊的卡位，感覺開揚舒服。晚市提供120分鐘放題，窩夫與蝦子餅選了每位238元的美國特選牛肉。湯底的選擇有八款之多。點餐後先去取飲品，任飲的飲品有接近二十款。有窩夫愛喝的西柚汽水，旁邊的桃味飲品味道比較淡。紅白鴛鴦湯底來了，紅色是番茄湯，白色則是豚骨湯，豚骨湯味道偏鹹，窩夫比較喜歡番茄湯。等湯滾的時候，到外面取醬料，日式火鍋不少得芝麻醬和胡麻醬，窩夫與蝦子餅則推介柚子醋。除了美國特選牛肉，豚肉和雞肉都是任食的。美國特選牛肉大大塊，不會太多脂肪，薄薄的，淥一淥便可以吃，水準叫人滿意。豚肉亦很有水準。雞肉非常新鮮，肉質嫩滑，難得有雞味，非一般雪藏貨色，絕對有驚喜。肉類以外的火鍋配料以自助形式提供，竟然有窩夫與蝦子餅愛吃的韭菜，鮮甜無渣，要一攞再攞呢。豆腐也很好吃，入口滑滑的，滲出濃濃豆香。要吃點飽肚的，可以考慮日式拉麵或粉絲等。

去荃灣打邊爐一定非大鴻輝中心莫屬啦，最近嗰度新開咗間相馬日式火鍋喺21樓，梗係要去試下啦。一入到去已經仿如去咗日本咁，店員熱情嘅款待，非常有禮貌，我哋坐低之後，店員好耐心咁介紹每款湯底同埋每款肉嘅選擇。呢度都有好多款湯底，清湯、甜豉油、豚骨🐖、中華辣湯、蕃茄🍅、泡菜、牛乳🐄、山盛香菜鍋、赤辣豚骨湯底、鍾意食蠔就必點嘅廣島蠔土手鍋、黑蒜豚骨湯底同埋日本福崗十大必吃美食-牛腸鍋🐂。咁多款心思思，真係好難揀，不過唔緊要，呢度可以加錢嗌鴛鴦鍋🥘，咁我哋揀咗個黑蒜豚骨湯底同埋好難得先食到嘅日本福崗牛腸鍋。牛肉🐂選擇方面有4款，價錢都有唔同，最普通嘅有美國進口牛肉，跟住係美國特選牛肉、美國頂級牛小排同埋特上澳洲和牛。我哋揀咗第三級別嘅美國頂級牛小排，仲有埋海鮮放題(蠔、蝦🦐、帶子)添。另外仲會包埋豚肉同雞肉🐔，如果想升級食日本鹿兒島頂級黑豚，加少少錢就食到。美國頂級牛小排好香牛味，雪花紋排列整齊，店員好細心比咗兩款我地，一款肥啲，一款瘦啲，正呀！可以試晒兩個口感。呢度嘅牛腸鍋味道同之前喺福崗食嘅一樣咁好味，難得難得。湯底帶有少少微辣，非常醒胃，配料有大量韭菜、芽菜、乾辣椒等， 味道有啲似胡椒豬肚湯