Steak Bar (已結業)

今日約朋友去中環行街，朋友突然想食野飲下酒，走左去蘭桂芳那邊，見到有間食我一直想食的吉列炸牛，就入去撞下食神先過左午市時段，去到不用等位，餐牌選擇唔算多，不過有酒飲有牛食就好了～店員可能見到我地選擇困難的神情，店員就好友善咁介紹每一個餐的牛俾我地聽我地之後就好快咁下到決定選擇了一份芝士粉薯條+雞軟骨餃子小食都即叫即炸，脆脆的，新鮮炸好～配上啤酒一流！先講芝士薯條，原本以為薯條好普通，到來見到全都滿是芝士粉，好香，唔會好油雖然佢地有俾茄醬，但其實用不著，因為芝士粉已夠好味再來，雞軟骨餃子感覺好特別，唔係好多肉的炸餃子，而係外皮微脆，咬到裏面雞軟骨時，軟軟的，好有口感，一定要試吉列炸牛排配豆腐，沙律，白飯（脆脆同紫菜係面）肉原本只有一成多熟，石板爐上有少少牛油，等牛油溶了就可以開始燒一燒都幾多塊下，我中意頭幾塊5成熟，尾幾塊7成熟都得，自由度高，慢慢煎熟係肉質好好的靚牛，個人覺得5成熟好正，口感帶少少韌，但又熱熱的，真正食到牛味食入口外脆內熱，外皮是吉列皮炸得好脆，配上嫰嫰的牛，喱一種食牛的新食法，已經滿足到我了另外見到餐牌有肉眼、魚柳選擇我諗下次可以試下 能帶到驚喜的～

所謂高端，唔係指食得高貴，只係位於老蘭斜坡頂端位置，行到氣都喘，為嘅只係食靚牛歎紅酒老蘭竟然有吉列牛食，即刻嗌個set試吓先，有碗飯、沙律、豆腐送牛睇落色澤幾有血氣，未食覺得應該有味侍應建議我地等1-2分鐘，燒紅啲爐先放牛肉，用牛油煎香，幾特別好快就熟喇，唔怕自己身上好大陣味，因為冷氣好夠有鹽同醬配一配牛肉除咗日式吉列牛，仲有扒鋸嗌咗5成熟，幾厚，生得嚟幾易嚼跟餐加少少錢就有小食，雞軟骨餃子唔錯除咗小食，加錢可以跟紅酒唔飲得嘅朋友可以試吓無酒精紅酒因為啲冷氣幾強勁，建議嘢食要趁熱食，始終留住溫度，才是正確態度

今日同朋友喺中環食飯，揀左呢間steak bar。位置喺街嘅盡頭，沿住酒吧街一直行上去。餐廳嘅格局幾靚，有兩層，坐得都算舒服。我地一共叫左1個餐2個小食，份量唔算多。雞軟骨餃子 ($45)5隻軟子，外皮炸得幾脆，入面係菜同雞軟骨。石燒薄切牛肉($178)可以自己燒牛肉，跟餐仲有個沙律同一塊細豆腐。牛肉味重，另外有乾蒜同汁點住食。和風紫菜薯條($48)啱啱炸起所以食落口好好食，味道就同老麥薯條一樣。今餐三樣野食都唔錯，店員嘅服務態度都好好，會親自推介野食，教我地點燒，仲幫我地燒埋。埋單大約150一位，如果以中環區嚟講唔算貴，但份量偏少，都值得一試。

週二晚約咗靚女喺老蘭跳開年舞，派對前就簡單喺附近新開間「Steak Bar」度食晚餐。兩層高嘅餐廳地下層樓底極高，用上嘅吊燈頗為時尚，氣氛唔錯。不過喺蘭桂坊立足，相信最殺食就係有個酒吧。埋位後，除咗餐牌之外，好客嘅姐姐仔先送上兩杯暖水。餐牌圖文並茂，十分清晰。可能區內酒客大多為外國人，故點菜紙都有齊中英文版。吉列炸牛扒（$188）：二人各自都要咗客包有前菜、沙律、同白飯嘅「吉列炸牛扒」套餐。前菜為白滑幼嫩，清香惹味嘅凍麻醬豆腐。沙律清爽醒胃。大大碗白飯熱辣辣、香噴噴，飯粒飽滿之餘，面層更舖滿紫菜芝麻碎「振り掛け」，實滋味無窮！吉列炸牛扒連同燒爐上，食客邊燒邊食，確保入口時新鮮熱辣。鐵架上一、兩成熟嘅厚身牛扒炸得十分金黃。燒爐上已擺有牛油喺面，貴客可慢慢續件將炸牛扒燒至八、九成熟。吉列炸牛扒香脆得黎極之鬆化，牛肉鬆軟柔潤且肉汁豐厚，可口味佳。雞軟骨餃子（$45）：餃子外表雖未及吉列炸牛扒般金黃，但入口即覺外皮巧薄，餃子由外脆到入心，點上甜甜嘅秘汁則加添惹味。「Steak Bar」蘭桂坊新分店多咗個酒吧，環境明顯比之前間面積闊落舒適。年輕嘅服務生友善好客，招牌吉列炸牛扒及雞軟骨餃子質高美味

吉列炸牛扒係日本Hit左一段時間,上年同男朋友喺日本食完之後佢一直都話想再食,而家香港都食到,我當然二話不說帶佢去食。吉列炸牛扒外皮經高溫油炸,口感鬆脆內裏只有一成熟呈現粉紅色,可以按照自己鍾意嘅熟都係小鐵板煎爐到煎。鐵板煎爐火力都幾大,可以將牛肉表面極快封鎖,令肉汁吾會咁容易流失。當牛油係石板上溶化後,放上吉列牛發出嘅吱吱聲令人食界大開,口水不停流。吉列外皮嘅邊位香脆,但內裏肉質軟腍。套餐仲有碗鋪滿飯素嘅白飯搭配,如果想清新D仲有新鮮沙律同麻醬豆腐,令人感覺唔會咁邪惡同油膩,味道更平衡。雞軟骨餃子一客有五件,餃子外皮煎得香脆,內裏有雞肉同雞軟骨整成嘅餡料,幾有口感。芝士粉薯條份量都幾多,每條薯條都鋪滿芝士粉。日式芝士粉帶有微甜嘅味道,同香脆嘅粗薯條幾夾,不過就好邪惡啦。

難得有個空閒既開心星期六趁下午有空檔係中環食過late Lunch就最好不過蘭桂芳一帶雖然酒吧未開晒, 但亦有不少餐廳都會供應午餐,食肉獸見到有steak 字的餐廳當然唔會放過。Steak bar 餐廳唔算好大, 但有兩層, 人多都唔會無位坐。石燒薄切牛肉套餐包括意大利沙律、一小磚豆腐同日式飯素飯牛非常高質，肉汁同油份比例平均，牛肉每邊燒10-12秒, 散漫住一股強烈牛肉香氣, 半溶的牛肉肉質鮮美, 入口即溶, ，令人流晒口水！隨餐有3款調味品, Garlic、海鹽及鹽燒汁, 點少少可以將牛的鮮味提升,白飯係自日本入口, 食落帶米香我反而覺得飯素太多而至蓋過了牛肉的鮮甜。雞軟骨餃子雞軟骨餃子非常爽口，與雞肉剁碎晒嚟包，爽得黎有咬口, 唯一美中不足的是炸過後有點太油。和風紫菜薯條係厚身粗條薯條，和風紫菜粉勁多,讓薯條味道更上一層樓, 薯條炸得香脆, 放耐左都唔會怕淋。總括而言, Steak Bar 食物高質素, 店員姐姐見我地有排講唔得閒燒仲落手幫我地燒牛肉tim!!

由於大館一連幾日都有個spark event,所以去左大館幫手，咁岩經過見到呢間食牛既店鋪，作為牛魔王嘅我又點會放過呢。位於蘭桂坊附近的新開食店，其實就係原本係銅鑼灣開左而且聲明大躁既店。難得早早地大概6:30就到左，人流未算好多，我地被安排左坐樓下，但一坐落就開始多人入坐了。似乎除左食，飲酒都切合佢附近既地理位置架原本想食限量供應嘅頂級板腱牛扒，可惜已經賣晒所以我們最後點了吉列炸牛扒及安格斯西冷牛扒兩個都係套餐黎既，有飯有沙律仲有埋豆腐吉列炸牛扒需要放落去煎，你絕對可以按照自己既個人喜好煎到幾成熟肉質很嫩，而且牛味都幾重安格斯西冷牛扒我們點了5成熟，但出到黎其實比較似7成，連唔食太生既男朋友都覺得過熟了。再跟餐加了雞軟骨餃子配搭很是新穎，新鮮滾熱辣而且好脆口芝士粉薯條，好似食緊shake shake 粉咁，但好大份，兩個人食唔晒如果係鍾意食牛嘅朋友仔就千祈唔好錯過啦

話說同朋友去蘭桂坊食飯，有間新開主打食吉列炸牛扒既餐廳，佢本身銅鑼灣都有分店。餐廳有上下兩層，咁啱我地被安排坐係下層，所以唔知上面環境係點🙉由於下層有水吧同廚房，所以就唔多枱~侍應好好咁同我地介紹下餐牌上個幾款牛唔同部位有咩特別，口感食落係點，或者邊啲款式係較受歡迎👍🏻🐮吉列炸牛扒套餐 $188 (4.5/5) 可以用鐵板爐自己燒既得石燒薄切牛肉同吉列炸牛扒。見到有石燒薄切牛肉，就諗住試下，點知賣哂😢就揀返吉列炸牛扒，套餐包括有飯素既白飯、沙律同麻醬豆腐。牛扒會先炸到一成熟先上枱，另外會有一個放左牛油既鐵板爐，然後自己就可以係鐵板爐燒到自己喜歡熟既程度，只要稍稍將兩邊燒大約30秒，就已經有外脆內軟既口感，再點少少鹽，已經好惹味😋😋.🥟雞軟骨餃子 $45 (4.5/5) 我地另外加左個雞軟骨餃子，未食過咁新穎既配搭😆應該啱啱整起所以好新鮮滖熱辣，個皮仲要煎到金黃色，咬落好脆口添👍🏻不妨試下.🐷珍寶德國腸拼盤 $168 (4/5) 點既時候侍應已經俾左心理準備我地啲腸都幾大條，話如果我地食唔哂可以拎走😂最後我地真係食唔哂，不過啲腸係幾好食既，個人覺得點芥末醬好食啲。如果多人食既可以叫黎sh