永興冰室

营业中

休息中

家中有位長老最愛食梳乎厘，不時幫佢搵下邊區有得食，大部分係甜品舖fusion款，但佢最愛還是經典款，呢日晚餐後陪佢去太子呢間試試其實兩老之前已經自己嚟過，但完全食唔晒，呢日我地4個人到，一坐低我仲傻傻的諗住叫2份大家share，被佢地連忙阻止：「千其唔好做傻事！」十五分鐘後終於知咩事。。。由於即叫即整，先嚟份甜品share粒粒西多士 $45西多士炸得金黃鬆脆，一球雲尼拿雪糕簡直剛剛好，絕配！邊食邊傾時間剛剛好，主角出場雪山梳乎厘 $88Oh My God！！！大過人頭嘅梳乎厘！果真是打卡一流~整梳乎厘其實不外乎蛋白同糖，材料少少但要整得好食絕不簡單。味道普通正常，但喺我地影咗三幾分鐘後都仲未縮水，三五知己share相當不錯！

即興逛完花墟年宵，又是情人節，已有預感搵食很艱難。確是很即興的來太子，本沒預算今夜在這區吃。逛完餓著走到這邊，二話不說、情不自禁的便進了。在網上看食家吃這間，早已被深深吸引著，無奈跟這冰室有緣無份，沒機會吃。今夜，機會來了🤤🤤必點雪山梳乎厘，心裏已興奮不已，極期待。因這次是三人行，故不擔心會吃不下這個巨型梳乎厘。噢，對呢，還得點些正餐。下午茶餐至6時半，剛好在截單前點一碗魚蛋米。還單點了一客焗鮮茄豬扒飯多士盒，也是食家推介呢！(這個沒下午茶餐)咖哩雞扒好像跟多士較合拍，不過這天不太想吃雞。吃完魚蛋米，多士盒剛好到了果然，不可空肚吃晚餐😂😂當然先拍個照片，再思考如何吃掉。多士內不是完全空心，也有少量麵包絲，再塞滿焗飯。多士焗得很香脆，一直對茶餐廳的烘麵包有信心。因廚子們總可化腐朽為神奇，不管麵包是新鮮或是隔夜的。焗飯是軟軟淋淋的口感，該是當天煲的，不是炒隔夜冷飯再焗。豬扒已切為小塊，食用方便。整夜最期待的時候來了 — 雪山梳乎厘 進場。這是本地第二個地方可吃如此巨大的梳乎厘，它看上去比太平的梳乎厘更吸睛，很fluffly。表面是微硬的，不易倒下。蛋白跟糖，也算是健康食品，偶爾多吃也無坊。

冰室裝潢沒甚特別，其他食物無論價位、味道都叫正常，所以呢篇食評只講雪山梳乎厘話說打左去話想食，老細叫我地12點左右先好到，因為師傅未返，12點準時去到，點知個師傅未返到，照食左正常野食博等到，食到成點都未返只好離開留左電話，之後2點幾話師傅返左，可以整到，即刻飛返黎當下午茶，點知，我錯了。88蚊本來就覺得貴貴地，但之後來到見到，有差不多1/3張臺大，高起碼有兩部電話高，4個人食以食左少少野先來，都有點吃力。呢個雪山疏乎厘唔係日式空氣劉海類，非食空氣系列，而係用上蛋白焗出軟淋口感，老細話呢度有十幾隻蛋，記得3-4個人去食，高脂高熱量（別以為只得蛋白，仲有大量糖同牛油同cream等)食落口都幾鬆，個人最鐘意食面帶焦燶部份，中間的蛋白好有咬口，底部的更精彩，更燶，要用匙更挖大大話話都食左半個鐘呢個雪山疏乎厘頭，抵食的，但叫多幾個fd子來吧

今日同老公特登搭車黎食呢餐睇食評見到個多士盒同雪生梳乎厘超吸引老公又係冰室迷☺️所以好樂意陪我去食我地兩個叫左一個焗咖哩雞飯多士盒，一個雪山梳乎厘為食既老公仲叫多個菠蘿油菠蘿油先到，呢個老公話無乜特別，過下口癮都ok主角咖哩雞飯多士盒到，個樣好靚仔因為唔知從何切起，所以一人食一舊雞先啖啖肉好好味咖哩唔辣，不過好香d飯同包略嫌唔夠咖哩汁點食到後面開始有d乾但係個包本身好脆好好味超級邪惡食完個飯，餐廳d姐姐都好好服務主動收起哂d碟，換d新碟同叉比我地食甜品梳乎厘一到，我同老公都「嘩！」出聲超級大，比我地睇相仲大😆勁誇張食落口好似食緊舊雲咁好軟綿綿又唔係好甜蛋白位置無乜蛋味但食到底蛋味就好出又脆脆地不過我食多幾啖已經好飽食唔落啦😆老公包底食極唔肥真係好羨慕丫好滿足既一餐開心開心

呢間冰室新開，所以lunch同同事一齊黎試下！餐廳好大，座位寬闊，不過午餐時好多人，都需要搭枱。食物種類多，有午市套餐、散叫食物同全日推介等，最特別應該係有得嗌招牌菜一雪山梳呼厘！！首先，先叫左個葡汁龍脷柳配沙律。絕大部分食龍脷柳時，啲龍脷柳都係好林，入面啲肉一啲都無肉既質感既。但呢個龍脷柳我好鍾意！因為佢啲肉較實，無甘爛，煎炸到剛剛好熟透，嫩滑但唔老。龍脷柳應該奄過，入味，加埋葡汁食更滋味！望落去無飯好似唔夠食甘，但女仔黎講食埋個水果沙律已經好足夠！男仔可能要加多碗飯好嫩滑豬扒多士盒好大份，賣相很好！約有十cm高。面頭係芝士茄汁豬扒，入面係炒飯，邊位仲有啲麵包。蕃茄汁唔酸，甜甜地，豬朳奄過，入味，肉嫩，唔韌。汁撈埋飯食，好味！麵包中間係炒飯，無麵包，只有邊位。麵包外邊好脆，入面仲有少少白麵包痴住，好鬆軟，不過要食晒呢個多士盒一啲都唔簡單！梳乎厘，有原味同綠茶味。相信係呢度既招排菜！落單時職員都提我地個梳乎厘好大，驚我地食唔晒。但心諗:應該無野既，都係食空氣姐，唔會太大啦。點知！一黎到時簡直係驚喜！吸引晒全場目光，連搭枱既人都嘩嘩聲，拎電話出黎影相！很喜歡它，因為唔太甜，可以食好多都唔

吃了幾天西餐，有點悶。友人又剛從歐洲旅行回來，去茶餐廳夠地道。找到這間開張不久的冰室。裝潢新簇，門牌又用上鮮豔搶眼的顏色，字體隱藏著摩登格調，沒有懷舊的感覺，但跟傳統的冰室一樣，門外設外賣麵包。焗咖喱雞飯多士盒比起一般茶餐廳，餐牌添上新意。平常不過的焗飯，放入多士盒，頓時變得不一樣。看著友人填得滿滿的多士盒，十分吸引。咖喱汁香又辣，很惹味。伴以清甜的紅黃椒，添上清新。混了咖喱的飯粒，不會太濕。加了少許芝士去焗，香而不膩。有了多士盒，飯的份量不用太多。多士夠脆，伴咖喱汁一流。不過多士盒始終太大，吃不完。檸檬雞中翼雞翼配魚湯米粉的套餐，兩隻雞全翼或三隻雞中翼。檸檬皮的甘香滲入雞翼，加上微甜的瑞士汁，夠味但不會太濃。雞翼大隻，肉多又嫩，不錯。蕃茄薯仔鰂魚鮮蜆湯一向覺得茶餐廳多油多鹽。高糖高鈉，見怪不怪。這個魚湯竟然有家的味道，味道很清，非常鮮甜。內有新鮮蕃茄蓉和熬至很腍的薯仔，忍不住整碗喝光。可選米粉、米線、螺絲粉或通粉。個人特別喜歡乾身的米粉配湯。梳乎厘要等30分鐘，點了兩個蛋撻邊吃邊等。蛋不太甜，酥皮可以，幾鬆幾香。雪山梳乎厘比頭更大的梳乎厘，等到頸長，終於上場。有多大？跟細個至愛的太平