嘉麟樓

营业中

休息中

餐前小食有合桃，合桃香脆、芝麻夠香、唔會好似出邊咁放到林晒。龍蝦湯龍蝦金魚餃：感覺用心製作，成條金魚感樣好靚，個人黎講覺得好好食，所有野配搭得好好。番石榴帶子餃：皮薄餡靚，又有少少番石榴既甜味提鮮，唔會太鹹，無論味道同質感都一流。梅菜皇匈牙利鬈毛豬叉燒紅米腸粉：用紅米夠健康，個皮夠薄又滑，味道清清地唔錯，配搭都幾好。上湯西蘭花：雖然簡簡單單但係味道唔錯，如果可以再整林少少會更加好。鮑魚滑雞札 (2件)：$98材料有鮑魚、雞、花菇、豬皮、魚肚，係完美嘅組合。5/5乾清棗皇糕：份量有三件，兩個食都ok，甜度岩岩好，食落煙煙銀銀，鍾意呢一類甜品嘅朋友一定要食。 雪燕陳皮桂花燉雪梨：有淡淡既桂花香，甜度岩岩好，唔會好似出面個d糖水感得個甜字，完全試唔到其他味。另外因為落左雪燕，食落嘅口感非常好，呢個一定要試。如果滿分有5分，佢有6分。

第一次嚟嘉麟樓食晚飯， 古色古香嘅中國裝修， 令人好舒服， 殷勤親切嘅服務亦都令人有賓至如歸嘅感覺。今晚試咗個麟饌嚐味菜譜套餐 ，等起菜嘅時候，我留意到佢個筷子托都好靚，一帆風順筷子托😂個餐前小食合桃好鬆化，甜味都啱啱好 。個餐入面有三道菜係會配杯茶，唔同嘅茶亦都用唔同嘅茶具，第一杯茶係冷泡烏龍，用香檳杯上 🥰真係有心思。其餘兩款熱茶， 服務員泡茶嘅時候，先會同你講解呢個係什麼產地茶葉啦，席前沖泡後直接奉茶。今晚全晚都食得好開心，餸菜既有特式，亦都好味，再加上服務週到，所以埋單就2仟幾

限聚令實施之前，多家酒店及高級餐廳聯手推出救亡推廣方案 United We Dine，眾多選擇之中，我無暇逐一研究，快速目測只看中 Mott 32 及嘉麟樓，前者仍在停業，只好到嘉麟樓。六道菜套餐原價$988，現在八折吃，在一向樓面高、門檻亦高的半島酒店內的中菜廳享用，實屬非常合理。菜單吸引我之處起初只在組合的有趣新意，細心看原來注入不少養生概念元素，非常時宜，肺炎肆虐期間，滋補輕順的晩餐是首選。套餐包括：生炒蟹肉配話梅遼蔘 黃炆汁玻璃蝦球 海玉竹蜜冬燉鮮鮑 松露翡翠班球鴿甫 金腿帶子和牛崧炒飯 雪燕陳皮桂花燉雪梨額外贈送： 碟豆花奶凍、芒果糯米糍吃得自然舒服，飽而零滯感，清而味足，無驚喜但不會令人失望。只不過本來賣相最好及最考烹調功夫的首兩道菜式、遼蔘及玻璃蝦球皆以爽口為主力，而非我喜歡的高湯熬至入味風格，有點未能滿足！其實已經做得唔錯，有話梅香的遼蔘特色，黃炆汁醇厚味佳。反而，雪燕燉雪梨的陳皮桂花出眾令我最喜歡。詳情如下：品味氣派的裝潢。精緻的擺設，留意到放筷子的座是一艘帆船。 琥珀合桃切勿錯過這贈送的餐前小吃，合桃香脆，蜜糖的自然甜，開始了便停不了口，我清碟了！