回到味來 (已結業)

旺角應該係全世界餐廳密度最高嘅地方之一。中餐、西餐、日本菜、快餐…應有盡有。但評價咁一面倒的就無幾多間。Let’s check it out! 魚皮餃唔會淥到甩皮甩骨，包得紮實。餃皮煙韌有彈性。雪花肥牛牛肉真係好新鮮，呈血紅色，並唔係好似其他火鍋放題店咁樣，去到客人面前仲係結冰狀態，雪藏至變成瘀血色。而且油脂同肉比例剛剛好，加上切得好薄，水滾淥十秒剛剛好食得，口感腍滑。油香、肉味，皆出色。炸午餐肉邪惡! 但極好食。即炸響鈴熱辣辣即叫即炸。竹蔗茅根水微甜，飲得出沒有另外加糖。清熱下火。其餘火鍋配料都好相當OK, 尤其係蔬菜，種類多，而且非常新鮮。現場環境全部都係卡位，冷氣夠。幾時嚟打邊爐都係好選擇。

已經有好幾年都冇食過雞煲喇,心血來潮又想一嚐雞煲嘅滋味,竟然俾我上openrice搵到呢間地點方便嘅舖頭,又可以食雞煲兼可以打邊爐食牛牛,仲唔一次過滿足哂兩個願望!!!店舖喺旺角新城嘅三樓全層,又方便又唔會難搵,上到嚟安排好座位之後,發現呢間火鍋店別有洞天,絕對係旺中帶靜嘅一處,兩個人坐卡位非常舒服,夠哂濶落。落單紙都算簡單,一張紙底面兩頁已經包含哂食物種類,所以兩個人都唔難作出決定點菜。遞上點單紙之後,職員就會送上呢個調味盤過嚟俾我哋隨意拿取,有芫茜+蒜蓉+辣椒+炸蒜+蔥花+唐芹六款,另外仲有醋同豉油。數分鐘之後,黃燜雞煲($158蚊)隨即送上...因為我哋得兩個人嘅關係,所以我哋覺得叫半隻就夠喇。職員哥哥放落去個爐之後話焗多兩三分鐘先,佢會再過嚟幫忙,然後佢一再打開蓋已經聽到滋滋嘅油彈聲,再炒幾下發出濃濃嘅香味...嘩~大家可以起筷喇 裡面啲雞好足料,無論雞翼,雞胸,雞頸,雞腳連雞翼尖都齊哂,雞肉燜得好腍又入味,就算我哋唔叫辣,味道都已經夠突出,熱到辣口都想一舊接一舊咁繼續食,肉質又夠滑又惹味,另外仲有啲都係入哂味嘅秀珍菇咁,淨係呢個頭炮雞煲已經令人極度期待嚟緊嘅火鍋喇。肉類我哋叫

送走左台風「山竹」之後, 終於可以出街食飯喇! 今次同朋友去左旺角既「回到味來」, 7 點去到就即刻可以入座喇我地兩個人, 坐既卡位都好闊落, 仲可以睇電視d 架生擺得好企理, 唔會整到周圍都係, 好方便!我地坐低左之後, 侍應就拎左一碗蓮藕莖俾我地開下胃,酸酸地辣辣地, 不過覺得辣左D諗左一陣都未揀到食咩湯底好~呢個時候侍應就推介招牌當歸鴨湯底, 感覺好養生, 又岩哂唔食得太辣既我.一上個湯之後, 就聞到好香既花雕酒味喇, 野食都未黎都忍唔住飲左幾啖.等左一陣, 侍應就幫我地將已切好件既鴨倒入鍋, 侍應同我地講30分鐘之後就係最佳既嘗味時間 因為鴨既精華就會滲透出黎! 果然~我朋友之後仲飲左3碗添侍應會親自拎醬料黎, 又推介我地可以用3分醋、7分豉油去調味.即炸響鈴響鈴真係好好食, 一放落個鍋入面更加會"炸炸聲"! 雪花肥牛牛肉肥瘦分佈平均, 唔算好大塊, 不過都好夠兩個人食魚皮餃味道正正常常丸拼盤(豬肉丸、墨魚丸、蝦丸、牛丸)手打既丸, 味道真係唔同D, 讚!打邊爐點都要食D菜既~韓國辛辣麵個麵再配呢個湯好夾蜆原來9點前入座會送蜆, D 蜆都幾新鮮, 而且冇沙!總結一下, 招牌當歸

食盡各大雞煲、火鍋嘅小編， 知道油麻地開左間集雞煲、海鮮、火鍋於一身嘅私房菜— 「回到味來」， 梗係要黎試下啦！😏 餐廳裝潢較傳統火鍋店時尚， 大部分都係卡座位，坐得舒適。 未叫火鍋之前， 先上個自家製涼菜—酸辣藕帶， 藕帶中間嘅細孔，滿滿浸潤汁液， 一口咬下去，酸辣香甜，清爽脆嫩，好開胃！😌 打邊爐先混個醬， 基本嘅生蒜、炸蒜、香蔥、芫荽、唐芹、辣椒🌶️都有。 雖然見好多食客都黎食招牌麻辣雞煲， 不過其實仲有多款火鍋可選擇， 黎得呢到，梗係要試下藥膳湯底結合出黎嘅火鍋啦！😏 招牌藥膳紅燒牛肉（$168） 用上當歸、杜仲、川芎、枸杞等的藥材， 香濃而不油，沒有半點苦澀味， 配上特選牛肋條，炆煮至腍身，吸晒湯汁嘅精華， 無諗過味道竟然可以咁夾，真係好好食喎！😋 而且份量超多， 兩個人食嘅話，叫多兩三個配料就夠啦！😏 火鍋配料多樣化， 肉類、海產、蔬菜、丸類、餃子、粉麵等樣樣齊。 手工餃拼盤（$46） 賣相非常精緻餃子， 用酒樽造型嘅器皿盛載着， 未食已經覺得好吸引～😍 菜肉餃， 韭菜餃，鮮蝦雲吞， 一睇就知皮薄餡靚， 從薄薄的外皮已經見到嫩綠色的韭菜係飽滿的餃子裡面，正！👍🏾

餐廳座位坐落好舒服 感覺乾淨整齊👍要另外每人加$10 醬料費 有蒜蓉 蔥花 炸蒜 芫茜 辣椒 唐芹黃燜雞煲 $158 我地4個人叫左半隻黎試下，一上台已經香氣撲鼻😍 焗一陣，會有店員過黎幫手炒一炒😆 個醬汁好濃郁加埋紹興酒味 而且個雞醃得好入味🤤雞好嫩滑 啖啖肉！入面仲有秀珍菇 完全吸哂d 雞味😭👍跟雞煲 仲送埋粗薯粉 記得要煮耐d 等d薯粉吸多d 醬汁 口感好彈牙煙靭🤤手打牛丸🤤入面好結實 好難篤開 因為好真材實料自家製 食落牛肉味好重！咬落有口感彈牙 雖然貴左d 又得8粒 但係值得一試👍雪花肥牛 叫左最平個種黎試下 薄切 一片有齊肥瘦 幾均勻 食落牛味好香😆羊肉 都係切到薄薄一片 好香羊味 唔so👍👍芝心墨丸呢個好特別 第一次食呢款丸 墨丸本身好彈牙 而且入面係流心芝士 好好食😆👍👍送嘅海鮮 唔錯🤤食雞煲邊爐實在太喝 雖然茶水任添 但係忍唔住要叫竹蔗茅根 清下熱氣 好清甜而且好足料嘅感覺👍

食雞煲, 最重要是其醬汁, 今天朋友推介了在旺角樓上店有一間美味的雞煲, 於是便前來朝聖。這裏的惡魔雞煲, 中辣以上便有全單折扣, 一個小小的中辣也難以抵擋, 不愧有惡魔的稱號;端上來, 紅紅的辣椒楜椒滿盤都是, 辣味的刺激能增加你的食欲; 邊搞拌, 辣椒味伴隨著濃煙, 直撲味蕾。吃一件雞, 十分惹味, 雞皮爽滑, 每一口雞肉, 都極富鹹辣味, 十分”過癮”, 我們點了牛柏葉, 雪花肥牛作配料; 潔白的牛柏葉看起來十分爽滑新鮮, 配以雞煲汁, 使淡淡的牛柏葉, 增添了一點兒色彩及味感; 而雪花肥牛, 雪花及肉比例均勻, 一大盤牛肉十分吸引, 放以雞煲輕輕一燙, 剛剛好熟了, 可能因為雞煲汁太濃, 完全掩蓋了牛肉的味道, 果然還是選一些較淡味的配料才合適。吃完, 覺得這裏的雞煲惹味無比, 如果喜歡辣辣的刺激感覺, 這裏可以滿足到你。

今日出旺角配完眼鏡，見到呢間食店個名幾特別於是約啲fd出來一齊尋食試吓先，可能太早未有其他食客侍應本來安排既座位係可以一路食一路望彌敦道但大家想要多d地方放食物，就轉左去另一面大d既地方，坐好後即刻睇有乜湯底先，呢間d湯底都幾吸引想食得健康有：清湯、蕃茄濃湯牛肋條、南瓜海鮮和宮廷菊花鍋，想保身既有：藥膳紅燒牛肉、當歸鴨、米酒雞，想食辣既有：麻辣湯和惡魔雞煲，另外呢間店有個挑戰就係食倒某個辣度既雞煲就（全單有折）但今晚我哋冇人想挑戰，我哋只選左：南瓜海鮮和米酒雞呢兩個湯底。加上一些火鍋配料，足夠我哋慢慢享用兩個湯底送上，等佢煲返熱未落料前試吓個湯先，南瓜海鮮個南瓜味濃，而米酒雞就酒香味濃見有好多紅棗、杞子和薑粒，應該好保身，在等火鍋配料期間，叫左幾個小食醫吓肚先：即炸魚皮，大大件甘香爽脆炸午餐肉，外脆內軟，可即食或放入湯淥吓佢索左湯再食黃金軟殼蟹，炸到金黃色，入囗鬆脆美味火鍋配料陸續送上，可以慢慢品賞，首先講吓個南瓜海鮮鍋，需然望落海鮮份量唔多，但種類都幾多款，計落呢個價錢差唔多，最重要係新鮮好食，貴妃蚌鮮甜爽口，花甲入囗冇沙，海鮮結實彈牙，墨魚仔彈牙可囗，蟹唔大，未夠多肉，但鮮甜嫩滑米

提早慶祝母親節，同屋企人去左打邊爐。佢地推薦當歸鴨湯底，所以我地就試下。佢個湯好清甜，好重中藥材味，都幾好飲叫左個黃金炸軟殻蟹，因為佢用蛋黃去炸，所以好香口佢個雪花肥牛唔錯，食落去唔會好漏喉，由於我地人多，所以最後我地encore叫多一碟我自己好鍾意食薯仔，尤其係打邊爐食薯仔，所以叫左個土豆片，不過佢個土豆片有啲特別，佢好鬼薄，但口感都幾爽佢d菜式嘅裝飾都幾有心思。最後我地每人食左2百幾，價錢算係正常啦。