靚煲皇 (已結業)

早前還未出現「打邊爐家族」時，和朋友一起來到這間中式火鍋店打邊爐，價錢和質素都值得一試☺️——————————🔹靚煲皇 (細) $198網上有唔少人推介這個靚煲皇，我和朋友就決定叫這個試下。裏面的確有不少蝦干、吊片、扇貝、豬骨、軟骨等，整體鮮味十足，有點似豬骨湯☺️惟扇貝偏細隻，還有些沙😖店家要注意下❗️🔸雪花肥牛 $78雪花肥牛切得不算薄，肥瘦比例均勻，色澤紅潤～所以比起薄切牛需要煮耐啲，果然牛味濃，肉質亦因偏厚而有咬口，朋友很喜歡這種肉質😂🔹極上黑豚肉 $78極上黑豚肉同樣是厚切，一眼色澤就知很新鮮，肉質會較腍，不算太肥，食多幾嚿都不會膩。🔸手打四寶丸 $88講到手打四寶丸，當然試下同出邊啲丸係咪唔同～ 這四種丸都算彈牙，味道普通，不算太突出😌🔹雙拼餃 $68這裏的餃子都是自家製，分別揀韭菜餃和鮮蝦雲吞，餃子皮薄，餡料調味剛好，不錯☺️🔸響鈴 $48這裏的響鈴卷應該是店家自家製，因為一上菜時是熱辣辣，還有油光😍稍為淥一淥，口感還是很脆口，充滿豆香味～🔹娃娃菜 $28娃娃菜比我想像中多，乾淨又新鮮😊

放工約咗朋友食晚飯，佢帶我到佢屋企樓下的靚煲皇打邊爐， 佢話這間打邊爐係佢屋企附近最好食嘅， 咁今次就等我嚟試下！ 黎到靚煲皇當然要叫佢哋嘅靚煲皇火鍋$198啦，當晚人唔多所以點咗個細嘅， 之後再點咗幾款火鍋配料極上黑豚肉$78， 雪花肥牛$68， 羊片$78， 油麥菜$28， 鮮蝦雲吞$68，韮菜餃$68。靚煲皇～ 入面有豬骨，帶子，蘿蔔，粟米和蔥， 用真材實料淆製，湯底清甜。極上黑豚肉～ 豚肉顏色鮮豔，肉質嫩滑， 我仲好鍾意佢嘅賣相添。羊片～ 色澤紅潤，羊味濃郁， 打邊爐食羊片真係好正！雪花肥牛～ 又係打邊爐必點系列， 肥瘦適中， 份量都幾多喎！油麥菜～ 油麥菜好新鮮。鮮蝦雲吞和韭菜餃～ 兩款都大大粒，餡料十足。今次到靚煲皇打邊爐， 小店平民化價錢經濟， 點了豬牛羊三款肉類都很新鮮， 朋友話呢度仲有小菜， 下次我都要試下！

人在旺角，隨處閒逛找到了這間靚煲皇，還記得當初靚煲皇搬鋪前是在長沙灣的，那時候的我間唔中都會經過但都沒有幫襯過，因為還是學生啊就在街市附近，帝峰皇殿的對面，門面小小的放了2,3張檯的門口，店內則大概有十來張檯，都是4人檯居多，始終打邊爐都是一班人比較多先環顧店內看到招牌的靚煲皇，因我們只有二人，所以點小的就好了，再看看餐牌，點了幾款我們必食的配料招牌靚煲皇（小）：一打開先看到有６隻大大隻的扇貝放在最頂，還有烤魷魚，下層則有豬骨，翠肉瓜、蘿蔔及粟米等，有了烤魷魚讓整個煲生色不少，散發出陣陣香味之餘還加添了點咸香扇貝鮮甜爽口，果然在街市旁邊食材都新鮮一點，而且每隻都大大隻，滿意！之後就上配料了，分別點了以下：雪花肥牛：肥牛真的滿肥的，牛味濃，不過切得太厚了，煮過後有一點韌手打四寶丸：分別是牛肉丸，鯪魚丸，蝦丸和墨魚丸，其中比較喜歡蝦丸和墨魚丸，很彈牙極上黑豚肉：想不到肉跟脂肪的比例差不多是一比一，感覺比較油膩了點，女士如我不敢多吃，如果肉的比例能多一點，和用一些配料（如梅汁？）浸一下可能會美味一點？當然還有少不了的響鈴和油麥菜作結啦

自從沒有姐姐, 出街食飯的次數亦大大増加, 因秋風起, 首選當然係打邊爐啦, 今天我們選擇了靚煲皇. 可能我們到達時間尚早, 所以坐了半小時便滿坐.在等湯底前, 餐廳送上花生及自家制麻辣青瓜豬手皮作小吃, 花生香口惹味, 而麻辣青瓜豬手皮, 真係麻多過辣, 而且豬手皮做到好似啫哩的口惑, 好特別. 還有調味料有好多選擇, 可無限 REFILL.湯底來了, 感覺番茄薯粒湯底比較健康, 所以我們選擇了它, 而且番茄薯仔(並不是薯粒)的餡料十足,好夠味好清甜呀. 美國桶蠔, 一客6件, 外表白雪肥脹, 每隻皆肉質豐厚, 入口爆發鮮甜味, 滿意至極. 龍躉好大塊, 乾淨企理, 非常新鮮, 咬落完全無骨, 正正合平日不愛吃魚的Mr. L 的心意.雪花肥牛分佈相當平均，入口不會難咬，而且肉味極之濃郁. 當然少不了我最愛的響鈴, 炸得金黃鬆脆，稍稍沾湯就可以食, 腐竹味濃豬皮索哂啲番茄蕩，絶配, 如果可再細心d 脫去所有毛會更好 最後值得一讃係廚師把食物陳列得好美, 就好似簡單的雜菜, 都陳列得像花瓶一樣.

因為有人生日，所以打算去打下邊爐慶祝下，最後朋友揀左黎靚煲皇依到開餐，依到有好多唔同既火鍋選擇，雞煲、鴛鴦鍋等等都有因為冇BOOK位關係，所以都特別早左黎，但估唔到我地係最早果枱環境唔算好大，不過都好夠街坊一家大細黎食，座位間都幾鬆動開頭冇咩冷氣，但之後愈食愈凍，都係要帶定件衫好洗好碗筷，店員就放低調味料、醬料，我地當然點好野食先開始自行分配喇大蜆煲，因為當日冇蜆既關係，所以就轉左做帶子喇～材料有帶子、冬菇、草菇、紫菜、莞茜，睇落份量十足，睇完有咩好食之後，就要等佢滾先食囉～湯底一滾就即刻夾比壽星仔～祝你快高長大喇XDDD湯底有少少既鮮味，不過未去到鮮甜，勝在材料夠多，食左好一陣都未食完，帶子就鮮味重啲，冬菇果啲都幾香，如果湯底再鮮啲就更好～樣樣真才實料，帶子不消一分鐘就已經清晒喇！包心芝士丸，大家最中意食既一碟，大家都大愛芝士流心，丸既肉質夠晒彈牙，咬開有熱騰騰既芝士流出黎，香濃又夠正～竹竺，打邊爐當然唔少得竹竺，吸晒湯汁食落去爆水，鮮鮮既湯底汁，口感又爽，不過價錢就偏貴魚皮餃，依個反而比較抵食，雖然熟既時間比較慢，但味道都幾鮮香，中意食魚皮餃既人都覺得唔錯黑木耳，唔知邊個咁健康嗌左

香港人除咗生活急促，生態仲好獨特，例如鐘意冬天食雪榚、夏天打邊爐，突然挑起條筋想試下「如何大熱天時打邊爐」。不過人大咗，相對起「任食」，「質素」更形重要，記起大角咀有間「靚煲皇」，搬鋪後一次都未去過，於是就約埋男公關再次出征。成年無嚟過，由樓上鋪搬去對面街樓的地鋪，雖然Size好似差唔多，不過裝修同座位都大有進步，由平民化升級感覺更高檔。檯凳新束束之剩，亦有椅背，坐都坐得舒服啲。冷氣通風都唔錯，雖然夏天，有冷氣打邊爐無難度，而且食完唔會個身一陣「邊爐味」。仲有細檯仔同籃用嚟放袋用，相當貼心。特別要讚嘅係除咗有電視，仲有Wifi同USB差電口，慢慢一邊打爐，一邊打手機Game長期作戰無難度！一埋位阿姐就送上前菜，花生瞬間掃清，但酸瓜對好多人嚟講就真係太酸，幾乎無乜食過。除咗前菜，阿姐亦會遞上醬料Box，方便客人依個人口味「混醬」。邊爐湯底有好多種，除咗平時嗰啲「沙嗲」、「皮蛋芫荽」等，仲有「冬陰功」、「豬骨煲」、「花膠海參雞」等多種特色湯底。亦有少量鑊氣小炒，不過打得邊爐就唔叫Lu。靚煲皇 $238雖然想叫「花膠海參雞湯」，不過因為有朋友唔食花膠，最後都係要「靚煲皇」。本身就係胡椒豬骨煲