樂意點心

营业中

休息中

傳統茶樓的點心飄香，曾是港式飲茶的代名詞🫖☕️ 而隨著近年不少別具一格的新式點心館興起，為茶客帶來特別的選擇，而尖沙咀的樂意點心正是其中之一。到了晚市時分，總能見到門外長龍盤旋，本地食客及遊客們排隊等候入座的情景，足證這家餐廳的美食和服務多受歡迎💖 樂意點心的內部裝潢講究，突顯每一處細節，店內提供的卡座讓人坐得舒適自在，而其晚市套餐，更是物超所值，性價比高🉐🍽️絕配套餐 ($98)這個絕配套餐價格實惠，包含了鮑汁花膠鮑魚鵝掌配白飯及雲腿雞腳燉花膠。鮑魚烹調得剛好，花膠的口感也非常軟滑，每一口都是濃郁的海鮮味，非常適合喜歡傳統海味的朋友😍🤍越式米網炸兩腸 ($33)一道創意點心，將傳統的炸兩腸以越南米網包裹，外皮酥脆，內裡的腸料香滑可口，給人一種新鮮感✨🫔沙律蟹柳春卷 ($30)每一口都清新爽口。蟹柳質地細膩，搭配新鮮的沙律蔬菜和脆口春卷皮，口感層次分明。✨薑蔥牛柏葉 ($28)牛柏葉配上薑蔥的香味，經典點心滋味。🥚麥味雞蛋散 ($20)這道菜的性價比極高。蛋香四溢，簡單卻溫馨，口感夾脆，帶點甜味的蛋散令我食過不停🤭樂意點心的菜式無論是在創新還是在傳統的味道把握上，都表現出色🔥 加上位處尖沙

餐廳簡約又modern，完全估唔到係食中式點心❤️而且全部點心都係手工製作，即叫即蒸，無添加。籠仔豉汁帶子飯，籠仔蟲草花冬菇蒸雞飯，兩個蒸飯都超足料，餸多過飯。帶子大粒而且份量多夠送飯。蒸雞無雪味又滑，蒸飯粒粒分明，唔會好多油係飯底。響螺豬骨花旗蔘湯，雲腿雞腳燉花膠。兩個湯都好夠火候，足料又無添加，依家後生嘅都唔識煲湯，飲返個靚湯，人都滋潤啲精神啲。點心叫左生煎菜肉包，香茜牛肉腸粉，上湯鮮竹卷，合桃包，棗皇糕。推薦佢哋嘅包點，做得非常鬆軟，特別係合桃包，做返合桃造型，入面有一粒粒合桃，非常香滑👍🏻👍🏻👍🏻 其他點心多數一盅兩件，情侶兩口子都可以去飲茶，叫夠幾款都唔怕，而且價錢相宜，性價比高。

係尖沙咀搵野 係OpenRice 見到呢間點心係附近就試下啦😆叫左個一人餐 可以揀一款蒸飯+一款燉湯 $68加$10 可以另加點心 籠仔土魷肉餅飯一上見到超大籠蒸飯🤣 熱辣辣岩岩蒸起 豉油甜甜地 同個飯好夾 肉餅蒸得岩岩好 好鬆軟 一放入口唔使用力就會溶左 好好食😛 不過應該好肥haha🤣 飯粒粒分明 食落仲有淡淡既荷葉香味 另外仲有少少薑同蔥既香味 令個飯更加有層次 我個人好推介呢個菜式！😋😋❤️雲腿雞腳燉花膠 見到有花膠只係+$10諗住試下 點知都冇令我失望 花膠幾大塊 好爽口 成個湯好足料 仲有蟲草花同雞腳 豬肉等等 飲落好滋補既感覺😚香煎蘿蔔糕+$10 煎得好香口 蘿蔔糕好綿 亦都有啲蘿蔔條咬下👍🏼原隻鮮蝦腸粉$30腸粉皮好滑 唔似有啲茶樓會整到好黏 蝦好爽口彈牙😋都係必試！👍🏼合桃包$16奶黃包就試得多 就試下新野 又幾特別喎 入面餡料好香椰奶香味 同埋有好多合桃 口感好豐富😆蛋散$20最後叫多個甜品 我第一次試呢個懷舊小食😛好特別 岩岩炸起好鬆脆 甜甜地 而且好濃蛋香味 有小小似食緊鬆脆版既沙琪碼✨

今晚本身吾系打算食呢間 但諗住去個間咁岩無開門 朋友就介紹左呢間好抵食既點心鋪 佢有個$68套餐系一個蒸籠飯配湯 （加$10會有得配花膠湯） 本身無諗住試花膠湯 但我地想飲既響螺豬骨花旗參湯已經售罄 所以最後加十蚊 要左蟲草花冬菇蒸雞籠飯同花膠雞腳湯 蒸飯味道吾錯 但如果多舊冬菇就好 兩個人都中意食菇既話一舊分吾到啊 湯既雞腳就好夠淋 好好Lun然後我地仲叫左好多款點心 但系上得太快食吾撤 感覺好多凍左無咁好食😂明明叫蟹籽燒賣 但有一粒無咩蟹籽 😂 朋友打趣 莫非蒸融左🤣牛栢葉好入味 正份量好足 我地兩個人食超飽 然後仲叫左甜品棗皇糕 味道吾算濃 所以感覺食兩舊都吾會濟但大家叫大量點心前要留意反張枱夠吾夠位擺 因為空間比較細 佢地上菜好快 所以我地張二人枱系擺吾哂咁多野 食野個時枱面好迫 有點狼狽。好彩隔離枱未有人坐 侍應見我地枱滿 擺左啲系隔離枱先

今晚晚餐本身諗住求其食，經過見到哩間點心店好似好出名就來試下，入到來裝修行行簡易風格，座位都用大理石般翡翠綠色牆身，有別於一般既點心店，加上輕鬆既音樂令人坐係度感覺非常舒適。果然同店名一樣，《樂意》。職員先會上一壺茶，我地叫左菊花茶，好清香既茶味，另外我地叫左個$68套餐，包一個蒸飯，一個燉湯同最多可以加兩款$10既點心，仲可以免收一位茶位，非常抵食。👍🏻雲腿雞腳燉花膠一盅熱辣辣既花膠燉湯，飲第一啖已經聞到濃香既花膠味，湯清甜花膠又滋潤，個湯真係唔錯。👌🏻籠仔蒜蓉海蝦飯哩個飯要額外加$12，見到其他台都有叫於是都試下，個蒸飯用籠仔同荷葉包住上，滿心期待去試味，雖然個味道無想像中咁好，可能希望太大，飯有d過淋，而且蝦唔太新鮮令成個飯失色不少，不過整體都可以接受。😐薑蔥牛柏葉有柏葉我本身都唔係好鍾意食，不過朋友想試都叫左，覺得牛柏葉太過硬，稍為淋多少少會更好，但底既豆卜就吸曬汁相當惹味。👍🏻紅棗糕最後到我必叫既紅棗糕，同一般酒樓水準差唔多，甜度適中又食到中棗既香味，都唔錯。整體性格比都好高，而且坐得都幾舒服，食物品質就中規中矩，諗唔到食咩都係一個好嘅選擇。

放假又係時候扮乖寶寶同皇上👨🏻出巡平日鍾意食中餐嘅皇上 梗係要帶佢去飲茶依間點心專門店裝修有別傳統酒樓反而似去左酒店入面嘅星級中菜餐廳咁高貴典雅茶方面比起出面酒樓/點心專門店多款式而我哋就揀左桂花烏龍有桂花清香嘅烏龍茶解膩😌食多幾件點心都唔怕🌟原隻鮮蝦腸蝦肉大隻🦐腸粉皮亦都夠滑 不錯🌟咖哩魷魚出面已經好少有酒樓有得食😍魷魚厚身比較爽口 咖哩小小辣仲有索晒咖哩汁嘅豆腐卜超惹味🌟鮮竹牛肉球牛肉球juicy有咬口 帶少許陳皮既不失傳統口味又唔會搶過牛肉味🌟麥味雞蛋散好耐冇食過咁好食嘅蛋散💓聞落去蛋香撲鼻 食落口鬆脆唔油膩師傅落足心機炸 每塊都keep到麻花樣冇痴到一舊舊🌟椰汁桂花糕細細個飲茶一定會叫桂花糕貪佢夠養生又好食依度加左椰汁係底 口感更滑 味道提升到另一層次🌟楊枝甘露用杯裝住可以用飲管飲非常方便入面西柚肉多 飲落口啖啖柚肉爆汁好滿足-除左點心之外因為見到每一枱都叫左燉湯所以都叫左燉湯試吓🌟雲腿雞腳燉花膠燉湯抵飲足料🤤真係有大大隻花膠雞腳都2隻 仲煲得好夠火候飲落真係有少少膠質😳感覺滋潤養顏🌟南北杏菜乾燉排骨雖然用左排骨煲但嗰燉湯依然好清唔會有好多油係面菜乾亦唔會好老好多渣-皇上話依度

🥚🥚🐷旺區性價比高點心✨性價比：7.5/10🍳食物：7.5/10🌏環境：7.5/10🕺🏻服務：7.5/10💰是次消費：人均 $ 142 x 88折#蛋蛋豬 🏝地點分類: #蛋蛋豬在尖沙咀🍰食物分類: #蛋蛋豬吃中菜 #蛋蛋豬吃點心————————現時吃點心不一定要到酒樓，街上多了小型專買點心店，同樣有茗茶一盅一籠。今日要評價的是位於尖沙咀旺區，isquare附近的新開點心店。擺脫點心一定要一盅多件的風格，這裡每一籠的數目比較合理，令人可以試多幾個款式。店內裝修精緻，高貴宮殿風，清潔而不會有油膩膩的地面，卡位座位寬闊，坐得幾舒適。上湯鮮竹卷 – 3件 ($24)上湯浸著卷物，湯底清澈又能一直保溫，蔬菜餡料豐富，有肉有木耳等，口感爽脆。鮮蝦腐皮卷 – 2件 ($14)炸腐皮卷不是間間點心店都會提供，難得有就要試試。外型同上差不多， 同樣是腐皮包著多種蔬菜餡料，少蝦肉，外皮炸得薄而香脆。上海小籠包 – 3件 ($24)有湯汁在內搖搖下，皮稍為厚一點但可以為湯汁保溫，正常發揮。蟹柳棉花雞 ($28) – 推薦*棉花雞大大塊，啖啖肉，肉質嫰滑，連冬菇都有兩件。魚肚棉花份量蛋，咬下有湯汁，軟綿好味

-{尖沙咀特色點心🍵🍲}今次黎到新式嘅特色點心黎左食個晚飯 叫左9樣野勁豐富😆🤤麥味雞蛋散🤤 ($20)炸得勁香脆 咬落有啲蛋香味配上蜜糖好香口🥰👖褲評: 7.8/10🤤南北杏菜乾燉排骨🤤 ($38)菜乾湯 入面有3 4嚿排骨 幾好😌👖褲評: 7/10🤤沙律鮮蝦春卷🤤 ($26)蝦肉唔多 有啲似食沙拉骨加層薄脆咁👀👖褲評: 6.5/10🤤奶皇流沙包🤤 ($16)有勁多奶皇餡😋😋質地沙沙地咁 個包好軟熟 👖褲評: 7.8/10🤤雲腿雞腳燉花膠🤤 ($48)有啲蟲草香 仲有好大塊花膠乜塊抵曬😂😂👖褲評: 7.8/10🤤原隻鮮蝦腸粉🤤 ($30)切開左6件 每件都有一隻大蝦🥰蝦味夠 但個腸粉皮可以薄啲👖褲評: 6.5/10🤤籠仔蒜蓉豉椒魚柳飯🤤 ($52)飯嘅份量勁多😂雪魚柳夠滑同冇細骨🤩好香口 但冇乜豉椒咁😌👖褲評: 7.3/10🤤椰汁桂花糕🤤 ($20)椰汁同桂花糕各自都好香甜 但配落我自己麻麻地🤣👖褲評: 7/10尖沙咀平平地想食個點心可以黎依度😙性價如同野食都幾好☺️性價比: 8/10服務: 8/10環境: 8/10🚩樂意點心🚩地址: 尖沙咀漢口道19-21號地舖

估唔到下午茶時間都好多人，於是我同同事叫外賣攞返公司食，就咁睇座位都幾舒服，裝修中西合璧，幾靚！我同同事叫左個絕配套餐，再用優惠價追加兩個點心，另外再叫左個炸兩腸粉，香煎蘿蔔糕、響螺豬骨花旗蔘燉湯同甜品。籠仔蒜蓉海蝦飯-外賣都做到好精緻，個飯朔晒蝦汁同蝦糕，勁香勁惹味，仲有淡淡荷香同蒜蓉味。雲腿雞腳燉花膠-入面除左有花膠雞腳，仲有蟲草花，足料又滋補養顏。越式米網炸兩腸-望落去似係普通腸粉，但咬落去有幾個層次，首先係滑（腸粉），跟住係脆（米網），之後係爽（菜同蝦），驚喜！麥味雞蛋散-大件抵食，鬆化唔硬。

和媽咪出尖沙咀isquare shopping， 大約六點黎到呢間地舖嘅餐廳，好開心有卡位坐。🥣雲腿雞腳燉花膠 一揭開盅蓋就見到大大塊嘅花膠😍，真係即刻心心眼，個湯好清，零油膩感，燉得好入味，必點之選。🐔蟹柳棉花雞 有蟹柳、冬菇、魚肚和雞，雞肉肉質嫩滑，魚肚就索晒所有食物嘅味道。🦐原隻鮮蝦腸粉 滑捋捋嘅腸粉，包住爽口彈牙嘅鮮蝦。🍚籠仔蒜蓉豉椒魚柳飯 用上小小辣椒，多多蒜蓉豆豉鋪面，還有用荷葉包住成個飯，每一口飯粒都充滿住荷葉和魚肉嘅鮮味。🍮棗皇糕/3件 呢個一定要趁熱食，食完之後個人好䁔笠笠，熱食嘅甜品。🍪芋蓉煎堆仔/3件呢個超好食！ 脆卜卜嘅香脆芝麻外層，煎堆裡面充滿著軟綿芋蓉，細細件一啲都唔滯。有別於一般食點心嘅印象，原來食點心唔一定要去茶樓，亦唔一定只有匆匆忙忙嘅外賣點心店。呢度就原全做得到，坐得舒適，而且抵食高質點心享受。