真心 (已結業)

在酒吧林立的 SOHO 區其實也有著不少日式小店，最近就到訪了一家。店內的壁畫色彩鮮豔，加上餐廳座位不多，很有氣氛。在SOHO區內，酒和小食當然唔少得，更有丼飯拉麵等的飽肚之選。霜降熊本牛扒丼 $198足料的霜降熊本牛扒，滿滿鋪在表面，稍為炙燒過，香味十足。酒紅色的牛肉非常吸引，入口香嫩，加上醬汁，味道更突出，伴飯一流！火山丼 $118散發著火炙三文魚的香味，以三文魚籽做點綴，令整體感覺更豐富。三文魚稍厚身，表面有炙燒的味道，中間的三文魚仍嫩口。海龍皇 $88製作認真，伴碟精美，整體賣相好像一幅畫。炸蝦卷非常香脆，上面的蟹籽，再加上適量的脆脆，口感豐富。還有芝麻醬的配合，滋味十足。雖然小店位於SOHO，但價錢親民，是中環SOHO的一個抵食選擇。

今日約左朋友係中環壁畫街影相，影之前當然要醫醫肚先啦，呢間日式小店都係soho開左一排，鋪頭細細得十幾個位，幾次經過都好多人，可能今日時間晏左dd，避左個12點lunch time先有幸食到。店鋪裝修帶有濃厚日本風，午餐餐牌亦都幾多選擇，刺身飯都有8款，熟食飯亦有6款，一向係牛魔王嘅我，當然唔會放過呢個機會，試佢個霜降熊本牛扒丼啦！霜降熊本牛扒丼($168) 貌相真心唔錯，牛扒鋪滿整個飯面，份量都算幾多下。牛扒咬落牛味香濃，牛肉始終都係要有少少肥，先出到個陣油香嘅！而且因為無叫全熟，肉汁都算幾多，肉質亦非常嫩滑，入口溶化嘅感覺，真係可遇不可求。加埋少少黑椒係面吊一吊味，令牛肉味更特出！ 而佢地個飯係用上珍珠米，食落都細綿香軟，不會話乾身，真心幾好食！期間店員仲不停為我倒茶，亦關心客人茶夠唔夠熱，非常好service！店鋪環境算係旺中帶靜，食物質素亦算係中高水平，以後經過soho區，真心 都會係唔錯選擇呀！