Doux (已結業)

約阿媽食飯，揀左間旺角嘅西餐廳，見環境幾好，可以試下。預先訂左枱，可以坐窗口位。我都滿意個窗口位，因為夠光，如果坐餐廳中間嘅位燈光就會暗啲。侍應仲俾咗兩個籃我哋放手袋，好細心。我地叫左個帶子沙律，有羽衣甘藍，配甜甜地嘅沙律醋，好清新好味道，帶子都煎得好香口。青口香檳忌廉汁意粉賣相好靚，意粉彈牙，青口肉嫩滑，配忌廉汁好食。我叫咗杯桂花烏龍茶奶蓋，烏龍茶味濃，奶蓋少少甜。House Burger 同menu張相一樣咁靚，個飽面脆脆，漢堡排肉汁飽滿，正！炸薯條都好好食，炸得夠脆。甜品Matches擺盤好靚，隻碟都靚，但個mousse太甜，餅乾都太甜，我食左少少，我媽就食曬。依度食物價錢合理，環境舒適，侍應服務都好，可以再幫襯。

最開心同自己的朋友一齊搵好嘢食， 今次畀我哋搵到Doux， 大家都好滿意。 早幾日我哋已經book定枱， 所以一到餐廳我們就有位了。入到去感覺環境裝修簡單舒適， 餐廳還有一排窗口位，餐牌上食物種類唔算太多，但是每一樣菜我都覺得唔錯。我們叫了帶子沙律$128，黑松露薯條$78，青口香檳忌廉汁意粉$138，鵝肝意大利飯$178，仲有點少得甜品和酒呢！叫了一支House Wine$208 和甜品Ruby Peach$98。House Wine 價錢抵飲味道可以，因為我哋本身想要一杯杯嘅紅酒，但是餐廳沒有，只有白酒一杯杯供應，所以就叫了一支紅酒。黑松露薯條炸得好香脆， 最重要黑松露醬做得好好味， 不單止有黑松露的香還有甜甜酸酸的野味。帶子沙律蔬菜好新鮮，帶子大大粒好鮮甜。青口香檳忌廉汁意粉，青口新鮮肉嫩再配搭好creamy的忌廉汁，還有煙靭口感的意粉！鵝肝意大利飯份量偏少， 但鵝肝入口即溶配搭粒粒煙韌意大利飯，好味！Ruby Peach 賣相非常吸引， 餐廳店員好有heart， 雖然我們沒有什麼特別日子慶祝， 但是店員主動問有沒有想寫什麼祝福語在甜品上面， 非常窩心！造型好像一個水蜜桃，出面係

想不到旺角也有如此靚景，上菜前拍照狂男友拍照拍得很開心。煙三文魚沙律　$98煙三文魚捲成玫瑰花狀，份量足料，不會只得一兩片魚肉，沙津菜新鮮爽脆，配上黑醋汁吃得輕盈健康。青口香檳忌廉汁意粉 $138青口鮮甜，忌廉汁濃郁而不膩，醬汁包裹著每條意粉，入口順喉一口接一口。經典漢堡 $128漢堡比我的牶頭還要大，有煙肉、芝士等配料，包有微微烘過，微脆而鬆軟漢堡肉有一寸厚，中間仍是粉紅色的，肉汁滿滿，夾上融化的芝士，相當出色！Matches $98火柴盒外型的甜品相當富趣味，盒子其實是一個橙味的慕絲，底部是咖啡味的餅碎，旁邊兩支巨大的火柴是橙味的曲奇，整體清新，但作為甜點來說份量有點大。

約左朋友今晚出旺角聚會，揀左呢間DOUX晚餐,因為之前黎過食甜品，覺得環境，食物同服務都唔錯，所以決定黎試下晚餐。整間餐廳好有格調，四周擺放左d花樽，氣氛浪漫，用黎影相打卡都唔錯。Order左個三文魚沙律做前菜，煙三文魚又香又嫩，唔會太鹹。個沙律菜好新鮮，加了黑醋汁 ，入口十分清新。青口香檳忌廉汁意粉嘅味道卻非常唔錯， 嬌小可愛嘅藍青口夠鮮甜，而香檳忌廉汁濃郁香口，意粉食落煙韌有口感，每條意粉都沾到醬汁。小食拼盤，有炸雞塊，芝士條，芝士薯條同炸蝦，見到已好經嘩一聲，大家都同小朋友一樣，鍾意食煎炸野呢個係Deluxe House burger，burger嘅麵包鬆軟，外層烤到脆脆地，帶有陣陣嘅牛油香。而和牛漢堡入口充滿肉汁，一咬落去啲肉汁就慢慢咇出黎。配埋新鮮嘅番茄生菜，非常之夾。仲有嗰塊大芝士，口感豐富起黎之餘，味道嘅層次亦有所提升，美味無窮。此外佢有個秘製嘅醬汁，甜甜地，有洋蔥味，好好食。仲有炸薯條，係幼身薯條，感覺冇咁漏。呢個薯條食落唔會話太鹹，亦唔需要點茄汁，都覺得好好食。而且炸到脆卜卜，但又保存到薯條內裏嘅軟度。呢度係4杯野飲，包括Coconut lavender lemona

時日父親節，就同父親大人去左旺角既DOUX食fusion菜。 餐廳裝修高尚，環境清靜優雅，係個適合傾偈既好地方。睇左個menu之後，我地就叫左煙三文魚沙律 (HKD 98)，經典漢堡 (HKD 128)同埋青口香檳忌廉汁意粉 (HKD 138)。至於甜品就叫左matches (HKD 98)。先黎既係個沙律，分量唔細同賣相唔錯，另附有黑醋。佢有好多煙三文魚，味道非常鮮甜，而且仲有好多沙律菜，蕃茄，士多啤梨同合桃。呢個係個唔錯既開胃前菜。跟住黎既就係個漢堡，內有牛肉漢堡，蕃茄，生菜，秘製沙律醬，洋蔥。另外，仲有炸薯條。個漢堡好大個，用料又夠足，味道唔錯，我同阿爸都要打開哂個口先可以勉強食一啖。不過，味道認真唔錯，而薯條就炸得乾身唔油膩。再黎既就係個意粉，好香忌廉味，而且有成10隻青口咁多，同好好肉地，味道好好。青口個殼可以放置係一個桶度。意粉好幼好嫩滑。最後黎既就係個甜品火柴，係一個橙味既慕絲，而且有咖啡味。另外，仲有黃油橙既脆餅。成個甜品賣相好精緻，整到成個火柴盒，廚師個心思同技巧都一流。

今晚系旺角食晚餐，我地選擇擇系一棟大廈18樓里面的餐廳用餐，餐廳環境舒適，燈光柔和，店員安排我地坐窗邊又可以欣賞風景。青口香檳忌廉汁意粉，一碟有成十隻青口，青口幾鮮甜肉質肥美，忌廉汁夠結味夠濃厚，意粉軟硬適中，每條意粉都沾上忌廉汁店員遞上紐西蘭鮮肉眼用木板上木板仲好熱，塊肉眼扒仲大過我的手掌🖐️，塊扒超級厚份量十足。我地叫左7成熟，刀一切開肉汁即刻流出來，仲見到少少紅色血水，肉質有咬口又不會硬，咬落又有肉汁，唔使點醬汁都味道濃郁。仲有配菜紫番薯🍠，南瓜🎃，秋癸，番茄仔等。7成熟肉眼Ruby Peach好精緻,外層用朱古力包圍住，內里慕絲和蛋糕，里面仲有漏心果醬，一點都不會太漏伴碟仲有椰菓，燕麥脆片和糖粒，擺設精緻。芒果香燈冰茶和星空特飲，兩杯飲品各有特色，又不會太甜好味道。

之前睇人哋facebook，呢一間嘅飲品同埋甜品都超靚, weekend驚多人，所以今日平日星期二，專登約老公呢度食個浪漫晚餐。原來成個大廈都係食肆， 好多選擇， 上到18樓，睇得出有用心機裝飾。 落地玻璃窗，高樓底， 黑色主調裝修。一黎叫左個健康前菜，煙三文魚沙律。估唔到個沙律都排得咁靚， 而且用嘅全部都係貴價嘅靚嘅沙律菜， 加咗少少橄欖油， 另外配嘅沙律汁，冇油膩感，甜甜酸酸，好開胃。 連平時唔多食沙律嘅老公都清曬碟。主食方面叫咗個青口香檳忌廉汁意粉同埋雙層牛肉漢堡。佢哋用的青口，尺寸比較細， 可能就係因為咁 青口肉質柔軟，而且一碟有十幾粒咁多 食極都仲有好開心。 意粉彈牙， 加上用的忌廉汁幼滑，食落唔會感覺heavy。Deluxe 漢堡包order嘅時候佢話冇得揀牛肉生熟度，本身有啲擔心 牛肉會太乾， 但黎到有驚喜個包皮鬆軟， 牛肉juicy,配粗身好味嘅薯條，比美burgerxxm的 質素。 飲品方面如果兩杯無酒精飲品， 顏色好靚。 老公飲mango orange tea,佢話好飲。 我飲 coconut lavender lemonade, 有好香薰衣草味，面有一層 薰衣草花

今天和老婆仔在旺角看過電影後突然不知道晚上吃什麼好猶疑一番後突然想起這間很久前吃過的餐廳當時評價不錯今天決定再在這裡晚餐雖然沒有訂枱但幸好等大約5分鐘左右就有位置我們分別選了368元的紐西蘭肉眼以及138元的青口香檳忌廉汁意粉飲品方面選了58元的Green Tea Affogato先來的是紐西蘭肉眼其實本來因覺得略貴而幾乎沒有點但後來想起這餐廳質素不錯還是選了果然沒有失望肉眼很香又很厚但煮得剛好所以質感適中下很易切開再配合醬汁把肉味更提升以這價錢來說絕對超值至於青口香檳忌廉汁意粉雖然意粉不算多但青口數量也算多都是很新鮮略帶點海水味但更濃的是那份忌廉汁能把海水味覆蓋但同樣能吃得出青口的鮮味同樣也算是不錯的選擇至於Green Tea Affogato本來以為會有咖啡成分但原來是綠茶配上綠茶雪糕綠茶愛好者必點之選而配合起來那份綠茶味也很濃但因為有雪糕所以甜度也足夠最重要是能嚐到那份冷熱交融的感覺既可作為飲品又可作為甜品也是值得推介