火鍋英雄 (已結業)

天氣忽冷又落雨，又係火鍋出動嘅時候，呢間食過唔錯，當然預先訂位會好D啦睇下.........入坐率差唔多爆咁濟，成間店充滿"仙氣"........哈..哈....坐底就叫支洛神花茶 ($48/支)飲下，未食得火鍋前就可以食下呢英雄八盞，咸辣味樣樣有D!係多款湯底當中，選擇呢客青椒魚頭鍋 ($288)，湯面上舖滿花椒粒，滾起時香味四溢除左花椒外當然唔少得青椒啦，味道麻中帶微酸，幾醒胃!而個魚頭相當大個，肉多又嫩滑，當然唔能夠浪費啦!牛頸脊 ($198)，一份份量唔少喎，肉色相當靚仔，每片唔太薄，脂肪分佈平均烚十零秒就食得，肉味香濃，肉質腍滑，係我火鍋必然之選!招牌四寶丸，牛丸、墨魚丸、蝦丸、鯪魚球每款各有3粒，唔係話好大粒，但食落係較為彈牙有口感鮮黑毛肚 ($88)，唔經漂白，更能食出原味，以冰粒墊底，保持爽感!無需烚太耐，入口爽感，配麻味湯底都夾!雜菜籃 ($58)，有幾款蔬菜，菇類只得金菇菜，二人絶對夠食!四川紹粉 ($28)，見到有咁惹味湯底，就想食D麵食類，特別D就叫呢個烚至半透明就食得，入口滑溜，但咬落又煙韌喎，相當過癮!酥炸響鈴 ($48)，"索湯尤物"出場啦，浸湯後外軟內仲

這夜來到銅鑼灣駱克道京都廣場三樓的「火鍋英雄」。起初聽到店名，還以為這裡是個只有火鍋吃的餐廳，但原來「火鍋英雄」除了火鍋，還有多款精品重慶冷盤、小菜與海鮮等，食物種類相當多樣化，而且水準亦令大家很有開心驚喜呢。吃火鍋前，我們先品嚐這裡的「英雄八盞」前菜小碟（連醬料每位$18）和點來數款涼菜小食，包括「酸辣蕨粉」、「夫妻肺片」($68)和「渝都口水雞」($68)。當中我的最愛是「酸辣蕨粉」，爽口的蕨粉掛滿酸辣度剛好的調味醬汁，相當清新開胃。真要多得朋友的預先安排，為大家預定好多款「火鍋英雄」的私房菜菜式。冷盤方面分別選來「二荊鮮辣南非鮑魚」、「成都紅油帆立貝」和「青花椒麻象拔蚌」，三款各有不同的辣及不同程度的辣度，相當精彩。我尤其喜歡「青花椒麻象拔蚌」，青花椒的麻辣中帶份獨特的清香，象拔蚌片爽嫩美味。醒胃香辣的「二荊鮮辣南非鮑魚」也不容錯過。鮑魚切得薄片，吃起來爽彈嫩滑，滋味無比。輪到熱辣辣上枱的有「水煮桂花魚片」和「沙撈越白胡椒海中蝦」。水煮魚的紅油麻香、辣勁富層次，魚片亦滑溜細嫩。以砂煲上的「沙撈越白胡椒海中蝦」，胡椒香撲鼻，與海蝦的鮮味加上入味的白胡椒，簡直合拍無比。接下來就是火鍋

做做下野，突然好想打邊爐，就上OpenRice搵下銅鑼灣有咩好介紹。見呢間既風格sell重慶，令我諗起之前去重慶食麻辣火鍋，真係好正，一於打電話去book定枱！位置係mtr出口對面，好易搵！坐電梯上到3樓，裝修帶點中國風，都幾精緻！坐底即睇下有咩野食！湯底有4款，本打算食麻辣，但見青椒魚頭鍋(椒麻味)，未食過，都係叫呢個！醬料係自助形式，多款又放得乾淨整齊，仲有啲我都未見過，例如味粉同榨菜末！呢度每個位都會有件圍裙，超級細心！打邊爐，真係好易彈到件衫，呢度打邊爐就唔怕。設計簡單，戴上身都唔肉酸！我太口渴，先叫杯洛神花茶，酸酸甜甜咁，好開胃又好飲喎！英雄八盞：8個前菜，我地2個人除左碟青瓜(因為我唔食青瓜)，每款既醬汁都係麻辣/花椒油，每碟都係唔同既辣度，可以放心，連我唔太食得辣既人，都食到！入面豬耳(左二)，蓮藕(右四)同木耳(右一)我最鍾意！青椒魚頭鍋(椒麻味):好大個鍋😮，成鍋滿滿既青花椒，仲有成個魚頭，好足料！！食落先有一陣花椒味，有少少辣，之後會食到咸鮮味，最後會麻，真係幾特別！凍豆腐: 呢樣簡直係天生打邊爐配料，吸滿哂湯汁，超好味！皇帝菜:打邊爐好食，但會卡住好多青花椒😅新鮮

呢兩日天氣「涼」番少少，喜歡打邊爐嘅朋友又出動，今次揀左呢間喺銅鑼灣嘅火鍋店，收工就行過黎，都好方便，成棟大廈都係食肆，上到3樓，一開電梯已經感覺到好熱鬧，平日晚上呢度都幾旺場，我地唔多人，所以好快都安排到位置，見到有唔少兩人，都坐四人枱，好闊落呢，我同朋友都大讚呢度環境唔錯。裝潢簡單，乾淨企理，而且空間大，即使人多，都唔會覺得好嘈。餐具整齊放喺枱面，有埋圍裙，唔怕整污糟，仲好細心幫女士們準備好髮圈。湯底方面選擇都好多，有酸菜魚、麻辣鍋、花雕醉雞鍋、野生山菌鍋、田雞鍋、青椒魚頭鍋等等，亦都有一般火鍋店都有嘅普通鍋底，例如豬骨、胡椒豬肚雞、蕃茄等，價錢都唔算貴，如果下次多幾個朋友黎，我想試下酸菜冷鍋魚湯底($308)，多啲人夾抵食啲嘛。配料都好多款式，定價中上，今次我地唔係點左好多野，但捧住個肚走，人均二百五左右，可以回訪呢。英雄八盞連醬料 $18/位：點完菜後店員就送上「英雄八盞」，調味料係喺電梯位附近自取。一共八小碟涼菜，有青瓜、木耳、豆角、芽菜、紹粉、豬耳等，有啲辣有啲唔辣，照顧不同客人，淨係食前菜我都覺得抵俾，特別鐘意佢地嘅木耳，帶少少麻辣，夠開胃。青椒魚頭鍋 $288：四大名鍋