越男仔 (已搬遷) 新店位置

來到旺角廣華街的“越男仔”食晚飯，店鋪空間較細，座位近是開放式的廚房，同店員有互動的接觸，可以傾下計，裝潢都幾特別，牆身掛上漁夫的帽子，貼滿了不少食身相片，相中的美食非常吸引，見到都令人垂涎三尺，店中除了傳統的越南菜之外，還有fusion的越南菜式，小食先選擇了海膽手撕雞檬紙卷$72，海膽大大粒又新鮮，火炙過的海膽味道更是甘香豐腴，卷內有檬粉及手撕雞肉，碟邊的汁醬香甜，再與些青蔥碎及脆口乾蒜片同食，香甜又美味😁第一次食越式的食海南雞飯，雞肉皮薄脆嫩，沒有肥厚皮下脂肪，肉質非常滑溜，再配以黃薑飯伴食，不得不提值得一讚個黃薑飯夠乾爽，黃薑粉味道濃厚有香氣，飯的質感鬆軟，很好吃！最後來一杯青檸梳打（$23）作句號，清爽香甜又夠冰凍，飲落微酸醒胃，好refreshing，有助提升食慾😙服務員給我的感覺都熱誠，好親切，食物水準特別又有創意，味道相當不錯，下次會再來

是日同朋友去了旺角行街，經過廣華街的時候，見到呢間餐廳早前電視台到訪過，於是就入去試下。餐廳入面大概有20個位左右，是小店來的，我地被安排坐近廚房位置的bar枱。店員還為我們介紹了菜牌，很親切。我們二人共店了兩個粉、兩個小食同兩杯飲品，足以食到飽住個肚走啦!海膽手撕雞檬紙卷，這個小食夠創新，平時食越南野絕對唔會食到有海膽既紙卷。海膽鮮甜，紙卷中間有手撕雞同埋夾有少少酸蘿蔔，很開胃，層次豐富!法式芝心蝦多士，芝麻多士中間夾有流心既芝士同埋蝦膠，蝦膠彈牙有蝦味，配上芝士一齊食，口感非常豐富。而且多士亦不會炸到好油!招牌海鮮椰汁酸湯檬粉，海鮮包括了生蠔、海蝦及青口。湯底很特別，好少在越南餐廳能夠食到有酸湯，湯底飲落去有點像沒有辣的冬蔭功，帶有香茅味，飲落去不會有滯的感覺。海鮮也很新鮮，蝦非常鮮甜彈牙。胡志明市紅蕃茄四寶湯檬粉，四寶包括了扎肉、豬扒、豬頸肉同埋脆豬肉粒。湯底很濃，有D似飲緊羅宋湯，很開胃。扎肉有微微的烤過，帶出左扎肉既味道，豬頸肉不會很肥，脆豬肉粒咬落脆脆地又細細粒，可以一口咁食，而豬扒亦不會太「鞋」，很入味!青檸梳打，用上泰國牌子的梳打水，飲落酸甜，很醒胃。而且擺法亦很特別。

之前有電視介紹過這位越男仔，所以即管去搵下這個越男仔有幾好。舖面細細的，只得數十個座位，設開放式廚房，以吧枱設計為主，所以清楚見到廚房內的煮食環境，很乾淨整齊，大家都食得開心放心。牆上貼上一些攪鬼字句。雖然地方細細，但餐牌款式都有不少選擇，還有特式的粉麵及小食，還可以自選湯底及配料，更有一款岩自己的。餐廳的招牌是椰汁酸湯，當然要試一下吧，配料選了滑雞，上枱熱啦啦，大大碗，滑雞的確很滑，無骨，無皮，岩晒我們怕肥的一族。招牌椰汁酸湯的確好味，有椰香味，酸酸咪咪的，湯面還配上洋蔥, 乾蔥, 令湯底更香，配上比較吸湯的金邊粉，好味。老公選了胡志明市紅蕃茄四寶湯檬粉，四寶包括扎肉，豬扒，豬頸肉及脆豬肉，份量十足，岩晒食肉獸的朋友。紅蕃茄湯底濃郁香甜。牛油雞翼，坐係吧枱前，望住廚房新鮮炸起的，粉漿不會太厚，外層脆卜卜，肉質仍然嫩滑。手撕雞檬紙卷，平時的米紙卷是將所以材料包起的，但這個越男仔就攪攪新意思，將雞絲堆放於檬紙卷上，幾特別!食越南野，當然要支青檸梳打配一配吧!

前排做野做到無停手，做到周身骨痛餐餐食埋不知所謂既飯盒，終於忙完了，要比我自己嘆返餐，一來老婆今日約左人，所以我可以順便接埋佢一齊返屋企。近排好想食生牛河，又要搵到間好食既真係好難，我係旺角好景商場後面行行下見到好多間食店，之後發現見到有間食越南野既舖頭，睇到店內裝修都幾時尚，於是入去試下啦，橫惦又有我喜歡食既生牛河。入到去睇下餐牌，原來有分3個STEP可以選擇1係湯麵2係小食3係飲品，可以比我地選擇任何一個STEP都得，或者STEP1/2、STEP1/3、STEP2/3或者STEP1/2/3選哂都得，視乎我地選擇，STEP1就係湯麵(用正價價錢，沒有跟餐價)，STEP2、3就係小食同飲品(假如有叫一個湯麵的話，小食或飲品可以用跟餐價錢)，我之前做得咁辛苦緊係選擇哂3個STEP啦。【越式生牛肉牛骨湯河粉】$62一來到個湯底非常清甜，河粉又好幼滑，見到牛肉不是全熟(我真係比個讚佢，有好多地方既生牛河D牛多數係全熟同好"鞋")，但佢地既牛肉非常嫩滑。值得推介!!!【法式芝心蝦多士】跟餐價$45蝦多士炸麵包皮，唔好睇佢外表咁普通，實際上食落去比想像中好，表面又夠香脆內裡蝦膠又夠彈牙，最重要係

是日相約友們在旺角聚餐，她們說在廣華街有間越南餐廳是非試不可的。餐廳不算大，除了有面壁思過型的自閉位外，還有面向開放式廚房的bar檯位置，可以一邊享受美食，一邊欣賞廚師即席做菜的表演。麻雀雖小，但五臟俱全；裝修偏向bistro風格，感覺很舒服。法式芝心蝦多士.平日吃越南菜的總會點這款傳統的越南小食作前菜，這道菜看似簡單但要做到出色的只有兩三間餐廳可以滿足我。這款蝦多士用上手打的蝦膠，口感彈牙，另外還特別用了車打芝士做夾心，層次分明，再以香脆的芝蔴和超薄脆的多士包住，吃起來超鬆脆而且不油膩。難怪是得獎菜吧。招牌原隻軟殻蟹.另一得獎招牌菜，吃越南菜當然少不了軟殻蟹吧。軟殻蟹的體積比平日吃到的較大，比手掌心還大一點，味道香脆惹味，炸粉不厚，蟹殻特軟，而蟹肉亦很新鮮；肉味沒有被其他調味料而搶去，再加上椒鹽香蒜，味道十分可口。青檸梳打.看似平平無奇的青檸梳打，其實殊不簡單。梳打水是用泰國的singha天然梳打水。令人驚喜的是他們會放在零下五度的雪櫃儲藏，經過店家特別處理後的梳打水，增強了本身的碳酸度，所以喝起來氣泡會較多亦更持久，每喝一口都有很滿足的感覺。海膽手撕雞檬紙卷.據說他們平常會用來自加