江南庭敘 (已結業)

平時打邊爐都係夜晚多，喺OpenRice book有六八折，鴛鴦鍋有半價，忍唔住午飯都要嚟過打邊爐！嚟過江南庭敘有十次八次，粥粉麵飯嘅水準一路保持得好好，之前都試過一次喺度打邊爐，已經覺得佢嘅用料新鮮，手工精緻，刀法凌厲，有口感，有鮮味，食完唔會好口渴，今次有優惠，食得更加暢快，地方環境整潔舒適，服務亦都唔錯，餐廳裏面嘅廁所維修緊，要行多兩步出返去用大廈嘅廁所，不過都唔係太大問題，另外剛開始嘅時候有少少阻滯，就係個鴛鴦鍋等咗好耐先至滾，唔知係個電磁爐唔夠力，抑或係煲湯太大，差唔多由頭開始煲，其實可以喺廚房搵個勁啲嘅火爐煲到六七成熱，先至放上枱，就唔使等到頸都長囉😆。整體上好滿足，啱啱喺OpenRice又make左另外一個booking囉🤗，到時再烚過！

餐廳位於高級商業大廈內，雖然地點較偏僻，但如果追求環境乾淨舒適的高質火鍋，我真的十分推介！因為這是我暫時係我係香港食過最美味的火鍋。絕對能讓你感受到一分錢一分貨的真諦。眼見餐廳環境優雅安靜，人客大多數和餐廳經理熟落，應該大部分食客也是熟客居多，餐廳員工也非常關心食客的感受和對人客很有耐性。開始前讓你先自選醬料。餐廳職員建議湯底最好一濃一清，固我們選擇了芫茜皮蛋拼蕃茄排骨。蕃茄湯底茄味香濃，酸甜度適中，能讓肉類的味道更突出。雖然火鍋配料選擇不多，但我點的全部都非常美味！我特別喜歡這裡的手切肥牛，因為其厚度適中、肉味濃郁，配合蕃茄排骨湯底，和甜甜地的豉油，絕對成為是晚主角！高山羊肉片，肉質實淨，有少許蘇味，同樣出色，推介給喜歡羊蘇味的食客。另外，我們也點了手打四寶丸：鯪魚球、牛丸、蝦丸、墨魚丸。較喜歡牛丸和蝦丸，而最令我驚喜的更是蝦丸，第一次吃到肉質超爽脆的蝦丸，裡面應該完全是鮮蝦肉為主，終於明白什麼才叫真材實料！再者，這裡的韭菜水餃和炸魚皮，也是我一定要推介的配料！韭菜水餃十分足料，皮薄餡靚，是我食過最好吃的！而炸魚皮更是即叫即炸，十分香脆，單吃已經非常令人回味。

辛苦工作旨在食。約埋幾個吃貨一齊來品嚐一下高質打邊爐。餐廳位於呢棟新嘅商業大廈入面，四周遼闊、空曠、有格調。入到餐廳一啲平時打邊爐搞到成身臭嘅氣味都冇，座位好闊每枱客隔得好遠，有足夠嘅空間，燈光光猛卻柔和，冷氣風口又唔會吹住，咁貼心嘅設計絕對要讚一讚！食物Menu喺個iPad度，唔使寫紙仔。除咗做火鍋之外，原來呢度亦有中式粥粉面飯供應，迎合打工仔平日午餐需要。講返個邊爐，皮蛋莞茜加沙嗲湯底$118，皮蛋芫西湯好足料，皮蛋食極都有，沙嗲湯底非常濃郁，啱晒重口味人士。桂花蚌$128、珊瑚蚌$128都好新鮮，分量唔少！金牌手切肥牛$328，切得夠厚身，有嚼勁，牛味濃郁。甘香肥牛粒$238，比起手切肥牛我更愛呢個牛肉粒。油香味出眾，牛肉夠肥夠腍，一口一粒，兩三下手勢就清左一碟。招牌四寶丸＄98，手打豬、牛、蝦、墨丸共12粒，粒粒圓渾，彈牙爽脆，讚！順德鯇魚腩＄78 ，有成10件咁多，每件都大小一樣，肉質軟綿幼滑。響鈴＄68，夠脆新鮮冇油膱味，但真係比炸千層腐皮＄68比了下去，響鈴周圍都有得食，但呢個炸千層腐皮真係非叫不可，即叫即炸，配埋泰式辣醬可以就咁食，豆香味濃，外脆內軟。怕熱氣又可以放入湯