芝加哥串燒 (美豐花園) (已結業)

有位好耐冇見嘅朋友喺大埔女校返學，住學校宿舍，佢成日都會嫌麻煩唔想出咁遠，我今次突登捱義氣山長水遠嚟到大埔，夠晒朋友啦掛！揀左一間鄰近太和站、網上幾多好評嘅bar飲嘢，再叫左唔同款嘅串燒嚟佐酒。石燒Prime牛小扒$168本身好想嗌嗰個保雲酥羊架，可惜賣晒。退而求其次叫左個牛。叫左七成熟，肉味濃，肉質嫩滑冇筋，不過比預期細份。燒茄子$30食串燒我必食燒茄子。呢度嘅茄子大大條又多汁，將啲茄肉刮晒出黎，配埋啲蒜蓉同蔥花一齊食，好滋味！炭燒法式鵝肝$68一串有四小舊，食到香料味喺面，入口即融、味道甘香。韮菜燒$15唔係個個人都鐘意韮菜嗰種味，不過我就幾鐘意。燒完之後，嗰種獨特嘅香氣更出，而孜然粉亦都令佢更惹味，燒羊架$33七成熟，燒得好👍🏻肉嫩而且唔太羶，個薄荷醬同羊肉真係好夾❤️燒雞翅包飯$18好食😋雞翼啖啖肉，入面包住軟糯而香辣嘅飯，好想一隻接一隻！香蔥燒半殼扇貝$39蒜蓉香蔥同貝類永遠同係絶配，鮮甜多汁！燒鵪鶉蛋$18比較少食到鵪鶉蛋串燒，所以特別叫嚟試下。燒完之後，鵪鶉蛋嘅蛋白會變後比較實同有彈性，個人就覺得冇乜特別。Apple Cider $32未飲過呢隻牌子，但果味重，酸酸地，唔係

Weekend唔想去酒吧又想chill下有咩好地方呢？朋友介紹既呢間串燒酒場就係個好選擇。香港比較少呢類類似日式居酒屋有酒飲有串燒食既餐廳～酒類選擇幾多，清酒啤酒手工啤等應有盡有。食香口野當然要配啤酒先過癮！呢款手工啤麥香濃郁，味道偏苦澀但容易入口，同肉類幾夾鰻魚燒得有啲燶，比較薄身，但肉質幾嫩，醬汁帶微甜唔會好鹹。扇貝爽滑大隻，加左蔥花一齊燒提香之餘增加左口感。西冷牛扒薄而嫩身，預先切好食用方便，旁邊有醋汁提味，係略嫌無乜牛味。大蔥雞肉串燒得唔錯，雞肉仍保持到飽滿有肉汁，大蔥蔥香濃郁。豬頸肉肉質幾爽脆，入口唔乾、有油香。羊肉同雞軟骨中規中矩。韮菜燒唔錯孜然粉量恰到好處，唔會太鹹，韮菜新鮮爽口。燒香既玉子燒食落味道更香甜，亦食到淡淡蛋香，質感濕潤鬆軟

好耐無食過串燒喇！今晚約左朋友食飯，朋友係大埔放工，話想啤啤佢，見到呢間有串燒又有好多酒，就揀左呢間芝加哥黎食！入到鋪頭就見到好多唔同種類嘅啤酒同sake，真係有好多選擇啊睇完餐牌，我地都想試下craft beer，就揀左Samuel Adams Rebel IPA同埋Little Cretures Dog Day’s黎試，兩枝都好靚呀我自己唔係好飲得酒，亂打亂撞點左Little Creatures Dog Day’s，點知又俾我揀中左枝清清地手工啤，覺得好易入口，一d都唔苦，好唔錯啊串燒方便，點餐紙有前後兩頁，選擇都好多！基本上普遍嘅串燒種類呢度都有！芝士燒廣島蠔超大隻蠔好肥美，而且燒得剛好，鮮甜多汁碳燒雞扒雞扒大件多汁，皮燒得好脆口，配上燒汁，味道唔會太鹹蜜糖雞翼蜜糖甜甜地，好醒胃鹽燒雞皮雞皮燒得好脆燒雞翅包肉雞翼內釀入醃好嘅免治豬肉，啖啖肉，送酒一流燒韮菜調味料鋪滿整條韮菜，好惹味招牌茄子燒上枱時熱辣辣，出哂煙茄子面鋪滿蒜蓉同青蔥，每口茄子都好夠味，而且茄子有好多汁呢餐真係飲飽食醉，好開心！

突然想食串燒, 食返D日式屋台既風味, 之前去開附近酒樓見到呢間串燒小店, 決定去止下心癮~間小店幾低調,不過小店通常都係深藏不露~好!帶住好奇既心入去先餐廳座位唔算好多, 幾有居酒屋feel, haha~店內仲display左好多唔同款既酒, 都幾有特色!先黎睇睇個Menu汀先野食款式都幾多, 都叫左幾款"必食推介"仲有唔同既手工啤~朋友話食串燒, 當然要啤一啤先夠滋味~不過我少飲啤酒, 所以就問店員有咩介紹店員好用心咁介紹每一隻唔同既手工啤我就揀左以下呢款,店員話呢款啤酒比較淡~唔會好甜飲落真係好純,爽晒! 一口啤酒,跟住落黎就梗係一口串燒啦!除左手工啤之外都有其他野飲, 我地仲叫左杯柚子梳打, 好refresh~ 落左單之後, 店內就開始散發住D野食既香氣~~等左一陣, 野食上枱喇~!蒜香芝士燒虎蝦 (2隻)其實我係一個海老控,見到有燒虎蝦就即刻Order隻蝦老實講唔係好多肉,但味道真係一流!!!芝士同蒜鋪滿蝦身,連埋蝦肉一啖入口,蝦肉又唔乾身~配搭得岩岩好(唔太鍾意某D食店鋪勁多芝士,都唔知食芝士定食個主角)燒羊架個羊架好juicy, 唔會燒到好乾身, 而且個醬都好match羊

呢日約左個大埔朋友睇世界盃，睇波無奶油唔食野，佢話帶我去食好西，可以食住串燒隊住啤睇😍__________________成份menu 既串燒有成4,50款，有分牛，豬，羊，雞，海鮮同蔬菜類，仲要款款都全彩色有圖睇，揀起上黎方便好多.🔹招牌茄子燒 $30原條茄子開邊上，上面係滿滿既蒜蓉，葱同孜然粉，燒完都仲好有汁，勁正！.🔹韮菜燒 $14好香好重口味，不過咸左少少.🔹炭燒豬頸肉 $19🔹秘製風味羊肉 $18🔹鹽燒雞軟骨 $11調味基本上都係一貫的濃味，即叫即燒，拎出黎果下熱辣辣，仲會食到陣燒味，好有風味！.燒得幾乾身下，但又唔會好柴！肉質一啲都唔靭，最欣賞係個羊肉串，唔騷得黎好有羊味！.🔹鹽燒雞皮 $11雞皮好薄身果種，燒得好脆好香.🔹燒原隻魷魚串燒 $23魷魚好香，表面好乾身，但估唔到咬開啲肉係咁淋.🔹鳳梨燒 $18燒過既菠蘿特別甜相信都唔洗多講喇！一咬開仲要爆晒汁，正！.🔹玉子燒 $31太好喇！係我最中意既甜玉子燒，加埋燒汁食，都幾惹味.🔹燒羊架配芥末籽汁石頭燒 $75怕唔夠飽，我地叫多左個石頭燒。其實即係鐵板飯/意粉！羊一樣都係咁嫩咁好味。.唯一就係醬汁俾得唔係好夠，如果多啲汁就

 大埔區真的有不少的隱世小店，食店除了價錢合理外，食物質素也是不錯的。  牛油帆立貝 $32 味道飽滿牛油香，惹味吸引。  炭燒豬頸肉 $19 烤到外酥內軟，肉質有彈性，肉汁鎖在肉裡面，完全不會乾。  燒雞泡魚乾 $58 醂醃漬過的魚乾，有蜜糖般甜甜的味道兒，配酒神級小食，蠻可口的。  韮菜燒 $14 吃串燒必點的蔬菜  一口雪花牛肉串 $24 一口下去肉汁飽满，带着牛肉天然的香味，不錯的 配著大䓤一起吃，兩者味道相融甚好  金菇肥牛卷 $28 賣相也很吸引，吃上香囗  浦燒鰻魚 $68 價錢親民質素高，原條燒上 鰻魚香味四溢，醬汁融入鰻魚之中  招牌茄子燒 $30最喜歡它用鐡板來上，保持熱度，鋪滿了蔥，茄子很入味。  香蔥燒半殻扇貝 $39肉質嫩滑，充滿香蔥味！  芝士燒廣島蠔 ＄25 for 1即叫即燒，肉質嫩滑，充滿著濃厚芝士味道，廣島蠔也是十分肥美！  手工啤酒Spitfire $55 ———————————————— 【芝加哥串燒酒場】 地址:大埔翠樂街11號美豐花園地下10號舖 電話:57233338 也歡迎大家分享給喜歡吃的朋友們喔！謝謝大家收看！