雲來軒 (已結業)

從前曾經試過這間酒家的大廚手勢，今天帶同屋企人黎試試。這裡的大廚在電視上時常看到他，而且也得過獎。餐牌有很多的菜式，而且很多都很創新的。無花果海底椰燉螺頭，湯是用上功夫茶壺盛著，飲的倒入細杯中品嚐，更能飲到湯的味道!湯很清甜，茶壺內還有湯渣，而且湯料都幾足!金磚豆腐，外脆內軟，豆腐非常嫩滑，而且上面還有些避風塘味道的炸蒜，辣辣地，十分惹味!杞子花膠濃湯浸時蔬，菜款可以揀菜心或者白菜，我就揀選了菜心，菜心爽脆，湯底清甜!花膠好有骨膠原感，令到嘴唇黏黏的。還用上雲耳同杞子一齊整，令菜式更健康!領獎水芙蓉蒸明蝦球，這款水蛋有分別於平時出面食到的，這裡是用蛋白製成水蛋，所以是白色的。蛋白非常嫩滑，面頭淋上黃色的茨汁，令蒸蛋看上去更漂亮!蝦球非常大粒，而且蝦肉爽口彈牙，唔怪得是得獎菜式!這裡的餸菜都好大碟，食到好飽，無緣試他們的糖水!如果有機會會再黎試下其他菜式!

媽媽最愛中菜，平時唔鐘意出街食既佢，難得母親節終於肯出去食返餐，所以要帶佢去一嚐由星級明廚主理既雲來軒！金磚豆腐看肉普普通通既炸豆腐，一入口真係好驚喜！外表炸成金黃，賣相唔錯，皮非常薄，入口外脆內軟，入口即溶，口感好滑，豆腐上面加了椒鹽，超級惹味！領獎水芙蓉蒸明蝦球之後點左餐廳得獎菜式 - 水芙蓉蒸明蝦球，唔好睇佢外表普普通通，其實係大有來頭！ 首先有幾隻鮮蝦，都幾大隻架，食落去真係幾新鮮，鮮甜又爽口！亮點就係呢個用梭羅魚湯蒸既蛋白，真係超級細嫩滑溜，仲好香魚同蛋香味，不愧係得獎菜式，下次黎都要encore！香港懷舊雜菜煲同媽媽食飯，必定要叫個菜，所以就叫左個雜菜煲，估唔到呢個雜菜煲咁多料，內有蝦乾、冬菇、乾瑤柱、粉絲、西蘭花、小棠菜等，菜煮得好淋，岩晒我！鮑魚粒福建飯福建炒飯就食得多，但真係炒得好食既真係好少！呢個炒飯炒得好香，料又足，就咁睇已見到好多肉、蝦肉、冬菇等，食落去啖啖都有餸，同埋啲汁好夠，絕唔會乾，媽媽都話正！總體黎講，雲來軒食物質素高，服務又好，下次再帶媽媽黎食先！

好耐之前已經黎過雲來軒一次，今日再黎，因為有D掛住佢地高水準的Fusion 中菜。地址在棉登徑，尖東站N1出口，非常方便。正值新年，門口放左盤桔，頗有氣氛。名店就是名店，很快就坐無虛席。經理很細心地為我們推薦菜式，但我們只得二人，未能試太多。首先點左一客日本花菇雞腳燉螺頭 $68非常小巧精緻，用紫砂茶壺上，很保溫，材料豐富，浸多一陣先飲味道好似更濃，湯很醇厚味，螺頭軟身，二人分享一壺淺嚐唔錯的！前菜點一個金磚豆腐 $78，一客有10件，豆腐炸得非常金黃香脆，炸粉及炸漿薄，內嫩滑，微辣，惹味香口。主菜點了領獎水芙蓉蒸明蝦球 $148，這是經理推薦一定要點的獲獎菜式。水芙蓉係蒸蛋，好細嫰滑溜，蛋香味濃，配上爽口嘅蝦球，賣相味道都一流，絕對係招牌菜。 仲點左個窩粑士多啤梨骨 $178，一客6件，非常整齊，窩粑脆口，士多啤梨汁酸甜，覆蓋骨的油膩感，很不錯。份量多，2個人食都太飽!!!

甜魔媽媽新天地網誌瀏覽量達到一百萬了！特別日子來篇特別分享：繼Clipper Lounge茶聚及東海薈飯聚後，前晚在尖沙咀雲來軒與網友來了第三聚。都說有緣萬里能再聚，好友回港十天，能有幸三次會面，除了有緣，還是幸福！講回雲來軒，店小人多、擺位較窄，環境遠不及上次聚面的東海薈寬敞闊落；多得劉總大人面子，可以訂下小房間吃飯，已經很不錯。有劉總打點，菜式當然也不會令人失望：先來 雲來迎賓五福臨門，其中涼拌雲耳微酸爽脆開胃、一口腩仔夠香脆、胡麻鮮淮山鮮香帶爽、金磚豆腐外脆內嫩，全部滿意，唯獨是黑魚籽溏心蛋味道平淡，該是有些煙熏香氣就好了～　然後有 老胡同日本姬松茸燉螺頭湯，湯品以茶盅呈上，用料及火候都很足、茶湯色澤深邃、味道鮮濃、略帶膠質，溫度夠熱熨之餘份量也足，可倒出十小杯有多／三湯碗有多，唯獨鹹味稍重，小朋友不合喝，成人一盅過後亦不會有再添的意欲。之後有 黑松露鮮露筍炒北海道帶子，很愛那爽脆嫩甜的大露筍，同上的帶子亦碩大鮮甜，加上黑松露雜菌同炒，鮮香惹味，少吃很滋味；但因油分有點重，多吃就會膩了。　之後到 領獎水芙蓉蒸明蝦球，面層碩大的蝦球不是重點，底下超其細滑、柔嫩有如BB肌的蒸蛋白才是