Cafe Paradise (砵蘭街) (已結業)

剛好朋友仔係太子返工，亦聽過唔少人推介Cafe Paradise既意大利粉好食，今次就決定一試。蟹籽蟹棒忌廉意大利闊條麵 $75蟹籽份量勁多，忌廉味道很重奶油味，味道很濃。龍蝦汁海鮮燴意大利飯 $95想人意大利飯真係要出去食先得，屋企真係煮唔到。海鮮有青口、蜆肉、蝦和帶子。好重龍蝦味，飯很有咬口。餐湯係龍蝦湯，很重海鮮味道。分別叫左芒果沙冰同士多啤梨沙冰，大大杯，值得打卡。餐廳擺放左好多聖誕裝飾，門口有棵少女心既聖誕樹，係粉紅色架。

餐廳環境舒服乾淨，有d旋轉木馬既擺設，店舖主打西餐，提供多款lunch set，輕型有沙律，至主食扒類、意粉飯等。平日午市1點左右到，已經坐滿食客。叫左厚切西冷牛扒配燒汁($98)，自家制黑蒜油鰻魚意大利寛條麵($78)。西冷牛扒厚切一大塊，就咁睇已經見到d肉汁係表面。牛扒7成熟，外面焦脆，入面帶粉嫩，肉質唔錯，甜甜地，配搭燒汁味道更突出。薯條脆身，耐左食都冇出油既效果，份量亦飽足。柴魚係麵條上面飄下飄下，好治癒。鰻魚肉質結實，冇骨，個魚皮燒到帶少少焦既效果。蒜香味超濃郁，食完久久不散。寛條麵屬硬身，個人鍾意尼種口感，意粉配搭洋蔥、蒜油炒煮，非常入味。lunch set會附送餐湯，薯仔西湯煮到帶稠綿，仲有好微細既薯仔蓉粒，令到口感更加豐富。係誠意之作，一d都唔馬虎。跟餐既是日飲品係檸檬梳打，夏日炎炎好適合飲。酸甜有氣，一大杯可以慢慢歎。另外，亦可以加$10轉做特飲。黑牛朱古力雪糕慢慢溶化，先飲到朱古力既甜味，然係係可樂d汽。整體，難得可以好舒服慢慢食個lunch，重點係食物水準唔錯，而且侍應好有禮貌，服務好。值得食。

第一次去呢間餐廳食飯，下午一點幾去到就已經全院滿座，等咗一陣就已經有位。呢間餐廳雖然面積少，但啲枱都好多下，所以感覺有啲侷促，而因為佢地最出色嘅係石燒美國牛肩扒，所以都好多人叫，但亦都令到間餐廳充斥着好大嘅油煙味。我一行兩人，叫咗一個All Day Breakfast 同一個石燒美國牛肩扒套餐。首先個All Day Breakfast 就好快已經上枱，食物質素係唔錯，份量亦都夠大，相信兩個女人食一個都已經會夠飽。但另外叫嘅石燒美國牛肩扒就等咗好耐先上到枱，基本上係個All Day Breakfast 食咗3/4先上到黎。第一次玩呢啲石燒嘅牛，確實係幾過癮，可以根據自己想要幾成熟嘅牛而去自己用熱石烹調。但亦都可以食到舊牛其實無咩牛味，口感叫做過得去。去到埋單，兩人食咗約200蚊唔使加一，我自己個人覺得呢個價錢呢種質素都算合理，但如果有追求生活品味或者食物質素，可以選擇其他餐廳。

天堂CAFE，這是不是天堂，我不知道，但我肯定這裡是石燒的天堂！進餐廳以後，我發現差不多每檯都有叫石燒，嚇得我差點以為我去了吃石燒的專門店，哈哈人是群體動物，那我當然要保持隊形，所以我也點了石燒美國頂級穀飼牛肩胛肉眼扒，加了套餐，再加了小吃。石燒美國頂級穀飼牛肩胛肉眼扒　（７８元）（＋３０套餐有餐湯，沙律，甜點，飲品）首先是餐湯，今天的是蘑茹湯，還沒吃就已經聞到濃濃的蘑茹味，吃了以後更是滿口蘑茹味，但對於不喜歡蘑茹味的人可能是惡夢，但我覺得不錯，也很好吃！之後是沙律，份量挺多的，有不同的菜，沒研究所以說不出是什麼菜，但加了胡麻醬的話就不會不好吃！而且也很開胃！然後是飲品，我沒有加錢要特飲，所以叫了英式奶茶，店員也很好人的提醒英式奶茶不會太濃。送到上來，是奶和糖分開上的，可以自由配搭份量，我就當然奶全加了，再落一點糖，喝起來沒港式的濃味，也沒台式的甜，但真的淡淡的奶茶，有點清新的感覺！終於都到主角了石燒美國頂級穀飼牛肩胛肉眼扒，石板有用紙圍了一下，這個好評！石板真的很熱，牛肉放了一段時間後一定要先翻面再慢慢切，以免有一邊太熟了。牛肉送來的時候差不多是只有１成熟，所以看個人喜好再慢慢調整為

太子呢間餐廳我都已經嚟過幾次，就係貪佢啲嘢好食，價錢亦都非常相宜。今日就揀咗午餐時間嚟。點餐後，首先嚟嘅就係佢嘅餐湯，今日係薯仔煙肉忌廉湯，香濃可口。今日揀咗食鰻魚飯，原條鰻魚超巨型，蓋過整個白飯，賣相尤如一件超級超級大嘅鰻魚壽司，上面再淋上饅魚汁，旁邊伴有少許沙律菜，非常滿足！另外今日揀選咗西冷牛扒配薯菜，牛扒都係超巨型，肉質夠晒淋，而佢嘅薯角係新鮮炸起，已經有調味，所以唔使點茄汁都已經好好味。炎炎夏日，最啱飲番杯凍飲，而呢度跟餐叫特飲只需加$10，冇理由唔轉特飲啫！我同朋友就揀咗黑牛同埋玫瑰朱古力，兩杯都非常之可口！我就係鍾意呢度食物夠高質素，價錢平民仲唔使加一，真係好抵食！

過左lunch hour 黎食個tea, 都滿座要等10分鐘左右。黃店威力真係大🤩 極度缺乏energy 的我點了Paradise Energy, 這份 all day breakfast 太出人意表，份量雖不及Paradise Jumbo ，但一個人吃完也很飽🤭 各種食物都正常發揮，薯餅有兩塊令到感覺上很豐富，配茄汁豆吃最正🤡 吃完充滿energy 🤓多士是分開上的，鮮紅的果jam塗在脆脆的多士表面，喀喀的聲音十分悅耳😍如點午餐有配餐湯，是薯蓉忌廉湯😻香辣蜆肉炒意粉，蜆肉是剛熟的程度，載滿鮮甜肉汁很juicy, 辣味滲透了麵條，令每口意粉都有香辣味，輕鬆吃完😆喝杯焦糖鮮奶，奶味濃郁，與焦糖很夾😋

神咁早（12點對我已經好早）出去太子，就為左食太子呢間Paradise Cafe😪😪😪以前成日經過但都無機會，今次朋友倉鼠仔叫到，一於就一齊去食下～我想講，一入到即刻比相片牆嚇倒我，真係好多相呀📸唔知咩標準先可以上牆呢🧐另外仲有隻pepe 坐bb 凳，咁大隻bb 第一次見😦因為午餐時候黎，都係離不開叫午餐set🍝Paradise Cafe 既精選午選set 大約$60-80蚊都有，包埋餐湯🥣同埋是日特飲🍹作為一間西餐廳黎講，都是合理的😀倉鼠仔同我分別叫左鮮三文魚雜菌青醬意大利粉🐟🍝同埋意式龍蝦汁海鮮天使麵🦞🍝。另外飲品方面，佢叫左朱古力沙冰，我叫左金牛。首先講下個餐湯，雖然係白湯🥣（我平時飲開紅湯），但呢個湯飲得出比平時既較厚身，仲有少少粟米粒同肉碎，唔錯唔錯😎但通常呢d 好飲既湯都會導致到一陣個主菜食唔哂😅😅😅我主菜係意式龍蝦汁海鮮天使麵，唔知點解總覺得比上次另一間餐廳既天使麵粗d🧐另外見到配菜有不同海鮮，包括連殻青口，帆立貝，蝦同蜆，令我都驚喜既，因為好多餐廳既所謂海鮮都不過既幾粒有雪藏味既蜆肉，但呢度都幾多海鮮下🦐🐟記得食之前要攪一攪，因為個汁係底🍴而呢個汁非常濃郁，似平時龍蝦湯

前排下午經過附近做野，做完野之後友人就帶小編去附近醫肚，就去左呢間西餐廳食lunch佢個位置好近地鐵站，行幾分鐘就到，十分方便店舖門外裝修得以白色同迴轉木馬，好童話feel餐牌仲會用摩天輪咁設計，好有心一打開呢個餐牌真係好吸引， 有個立體既迴轉木馬好岩打卡用午餐有9款，有哂飯意粉沙律牛扒既選擇咁同友人就一於一人一個餐午餐包個餐湯，係小編中意既蘑菇湯，好濃郁蘑菇味同細滑小編係個鰻魚控，比個原條鰻魚吸引左，一上枱個下真係好吸晴岩哂鰻魚控同打卡鰻魚好厚身肥美，食落好有口感，而且燒得香脆，食落外脆內嫩，個蒲燒汁香濃帶甜，拌飯一齊食好惹味仲有少份沙律作伴菜，可以一清食哂成個鰻魚飯既飽肚感友人就叫左個龍蝦汁意大利燴飯，龍蝦汁香濃同滲哂入每粒飯中，意大行飯食落好有煙韌而且比目魚煎得香脆滑嫩，最正係大大粒既帶子，好鮮味小編中意黑朱古力，大熱天當然叫個黑朱古力沙冰，解一解渴沙冰係好滑身個種，而且好香濃同苦苦地既朱古力味友人就叫左個凍招牌朱古力，朱古力同樣地好香濃但奶味就較重，仲會有個朱古力雪糕總括黎講；餐廳裝修得有特色，食物質素中上，位置坐得舒服好啱hea下食個午餐p.s. 餐廳都好環保，支持冇飲管🍳🍴

好姊妹住太子，這天找她順道一起吃晚飯。她選的這家餐廳裝潢簡約，牆身以淺藍色為主，給人一種放鬆、舒服的感覺。Set dinner八選一，見不少人都在吃BBQ 烤焗西班牙黑毛豬肋排 （＄198），所以也決定試試，本身包了餐湯和沙律，飲品方面加了＄15喝凍朱古力，而甜品亦加＄25轉心太軟。是日餐湯是羅宋湯，味道酸甜，內裏有不少蔬菜。沙律的蔬菜新鮮爽脆，醬汁亦足夠。主菜豬肋排上枱時已經香氣四溢，外面微焦，淋上厚厚的肋排醬，叫人急不及待拿起刀切開。切後有5件，咬下去肉質有嚼頭，而醬汁的酸甜也提升肋排的風味。心太軟 （加＄25）心太軟的雪糕選用movenpick雪糕，即時覺得很划算。雪糕甜度高，而且口感綿滑，配上濃滑的流心朱古力，冷熱交融，是味蕾的享受。凍朱古力（加＄15）朱古力入口香滑，甜度適中。

午餐想搵間cafe吃點東西休息一下，網上看見太子這間Cafe好像不錯，於是就和友人一同享用午餐☺️是套餐大概$60至$80，包含餐湯及餐飲。價錢中規中矩， 我們點了一份紐西蘭一級西冷牛扒、芝士菠菜煙豬柳白汁長通粉。長通粉軟硬適中，配合芝士白汁和菠菜，令到整個意粉更吸引，而且他們使用煙豬柳。 有別於一般的豬扒肉， 口感比較乾身及有咬口，一眨眼睛就吃光光了🤣牛扒我們選了薯菜，有少量沙律菜和炸薯角伴碟。牛扒肥瘦適中，煎得很香👍🏼 不錯的選擇。餐飲我們加了錢轉花茶和朱古力，花茶是壺上的，有一顆小洋燭在茶壺下面加熱，外貌賞心悅目，好天的時候最適喝一口暖暖的花茶😚總括而言，這間Cafe的性價比也很高，太子地鐵站步行數分鐘就到，食物質素亦不錯👍🏼

路過砵蘭街比呢間餐廳外面嘅小擺設吸引咗！登登！就係佢外面嘅旋轉木馬同摩天輪🎡會轉架個 木馬！少女心都出哂黎我張枱隔離有隻熊啤啤，好得意，摸過佢勁滑！望住佢都覺得開心呀！我同朋友大約6點到 唔算多人，但坐下坐下d人又爆哂啦！勁呀，而且都聽到好多人book咗枱！燈光柔和，都算舒服架，仲有播住d歌！準備開餐啦！先黎前菜沙律好多日式芝麻醬，我都幾鐘意之後黎個餐湯，今次係雜菌湯，好濃菇味架！主菜黎啦，黎啦⋯⋯gogogo!今次叫咗煙三文魚海蝦黑松露天使麵原本餐牌上應該係 就紅蝦黑松露天使麵嘅不過好似佢地暫時冇紅蝦所以我都照要呢個吧！睇落都唔錯，主要我係想食黑松露汁嘅天使麵！哈哈！d蝦麵幾大隻，而且爽口架！而黑松露汁都好夠味呀，我朋友試咗一啖都覺得好夠黑松露味！同朋友仲叫咗個黑松露薯條，幾脆啊，而個醬都好夠黑松露味，而且都算比得多醬我地點不錯不錯餐飲正常！而個杯都幾靚，有文青feel 個餐包埋甜品，個人覺得硬咗d 可以「嘆」一「嘆」再拎比我地食就會更好啦！總括呢間性價比高！值得推一推

近期天氣一般般成日落雨打風一時就天氣炎熱令到好容易唔舒服添咁啱嚟到星期日有寶貴嘅休息機會夜晚剛好在太子附近shopping然後見到一間好受歡迎西餐等左10分鐘左右就有得坐啦門口裝飾簡約清新，放咗一些裝飾品最有特色係我哋張枱旁邊有一隻大熊仔好可愛當晚我同女朋友都叫咗兩個dinner首先就有一碗湯味道清新好美味又唔會太漏仲有個胡麻醬嘅時蔬菜頭盤，好新鮮份量剛剛好而我就係一個食肉獸所以我叫咗一份肉眼牛扒五成熟黑椒汁肉眼扒半肥瘦，廚師煮得非常之好，因為我叫五成熟嘅關係，所以入口個口感好好，我差唔多一個人食晒，因為停唔到口另外我哋就叫咗一個意大利飯加咗蟹子喺面同埋意大利飯煮得剛剛好唔會太濕又唔會太乾最值得一提嘅就係份量調校得好好，又唔會太多廚師既放份量經驗很好最後我就上咗一杯白咖啡少甜香濃當晚甜品係士多啤梨雪糕🍦