星廚 (已搬遷) 新店位置

平日好少去長沙灣，今日放假同男友周圍遊，上網搵下厘頭有咩好食啦，無意中見到Ｅ間餐廳既相甘有對比，茶餐廳格局，但有高級賣相既西餐，一於就親身試試。睇個門面，同普通茶餐廳冇咩分別，好容易忽略左。裡面多數都係六人或者四人座，地方好整潔，坐得幾鬆動。望個餐牌，甘有趣既？油封鴨脾，慢焗豬腩排配意大利陳醋，烤焗咸豬手配酸椰菜？平日E D 高級西餐閒閒地都幾百蚊以上，係度食一百蚊有找仲唔洗加一。小女見識淺窄，未試過油封鴨脾，英文係Confit de canard，上裝搵下原來係法國菜！另外我地點左老闆介紹我地食香煎美國穀飼法式豬扒。套餐本身跟有南瓜湯，又有飯／意粉／薯菜，仲有餐飲，真係大大件夾好抵食。餐湯：南瓜湯夠creamy，外表好金黃。主菜1：香煎美國穀飼法式豬扒 ($138)剛剛飲完南瓜湯，豬扒就隆重登場啦！真係忍唔住同佢影張相，成個presentation 好精緻，薯菜有西蘭花同車厘茄淋上少量醋伴碟，薯仔炸成均勻金黃色，豬扒好足料，每塊有1 cm 厚，質感好鬆軟，邊位煎得特別香脆，亦冇肥膩感，配搭類似有豆豉既醬汁，鹹香惹味，絕對唔係平日係連鎖快餐店食既好硬又有筋又一大舊肥膏既豬扒。主菜2：油

九月份又是轉季節的時候, 在荔枝角血併完後, 原本打算在附近吃晚飯, 但朋友想起有間水準不錯的餐廳在長沙灣, 地點雖然遠有點, 但看過朋友的相, 真的很吸引, 所以就決定前往這間餐廳o由長沙灣地鐵站到達餐廳需時約十分鐘, 由於這裡是住宅區的關係, 周圍都是小店舖, 而且街道行人不多, 可以說是暢通無阻o餐廳地方不算大, 大約有二三十個坐位, 裝潢簡單樸素, 但老闆娘的親切招待, 令人感覺實至如歸o這天是星期六晚上, 由於長沙灣不是人流集中之地, 所以客人不多, 我們不用等候便可隨即入坐o朋友說這裡的烤焗咸豬手是鎮店之寶, 大部份客人都會點這道菜, 我們當然也要嚐一嚐o 除了咸豬手外我們還點了香煎美國穀飼法式豬扒配意大利粉, 海鮮酥皮盒配長通粉, 鮮黑松露醬意大利粉及葡汁焗西蘭花 o聽老闆娘介紹, 得知大廚曾在某酒店擔當廚師十多年, 對於每道菜的味道甚至擺設都很講究o我們點的主菜都奉送餐湯, 是日餐湯是南瓜忌廉湯, 橙色的南瓜湯, 入口非常濃郁芬香，甜甜的南瓜把忌廉味都蓋過了, 雖然缺少了忌廉味, 但南瓜的香甜已令我很回味o烤焗咸豬手配酸椰菜果然名不虛傳, 剛送來的咸手豬被烤焗得香味四射

今晚約左朋友食飯，因為朋友都喺呢頭返工，所以就約收工喺長沙灣地鐵站等。去到我地就搵下附近有咩嘢食啦，行行下見到有間西餐廳，門面不算顯眼，行過睇到佢貼出嚟啲餐牌價錢唔貴、望望入面環境又唔會坐得密密麻麻，昏黃嘅燈光兼夠靜靜地可以傾下計，於是我地3個人就隨便試下啦，反正都係旨在吹吹水。店舖地方唔大，簡簡單單嘅佈置，有兩個黑板手寫上甜品餐牌和主菜餐牌，親民而又感覺舒服。睇下餐牌有咩食先，小食有好多款、精選就有豬仔骨、咸豬手同豬柳，仲有6款主菜，有多款意粉、同埋4款飯類，最重要係原來呢度有甜品食的，跟餐叫仲會平啲。菜譜雖然選擇唔算多，但係好似樣樣都係精選咁，睇食物相已經覺得好吸引，我地又有點選擇困難症，都係問問老闆娘有咩好食先，老闆娘推介穀飼法式豬扒同澳洲牛柳，但朋友都不食牛，所以我地叫左豬扒、同咸豬手試試先。 烤焗咸豬手配酸椰菜$105豬手經調味後再風乾，再用高溫烤焗，個皮好脆，肉質咸味適中，隨豬手配埋意大利陳醋，芥末，同洋蔥汁任君選擇，我個人喜歡蘸上陳醋，口味酸甜，陳醋嘅香醇更能帶出豬手咸香味道，仲可以中和食豬手嘅飽飽滯滯感覺，食多少少都唔覺膩。烤焗咸豬手配酸椰菜個價錢先$105，豬手份量

由於公司起荔枝角附近，所以平時都會同同事起長沙灣元州邨附近食lunch，而呢間餐廳嘅lunch我都食過好多次，覺得價錢合理而且質素非常好，所以今晚老公難得接我放工，我就帶老公黎試下呢度嘅晚餐啦．晚餐選擇種類多，有前菜，主菜，甜品。我係一個海鮮后，所以凡係魚蝦蟹我都好鍾意食，老公就幫我點咗個芝士焗蟹蓋，金黃色又脹卜卜的焗蟹蓋外表已經非常吸引，蟹蓋入面有好多材料，金黃色的芝士味道香濃，入面仲有好多蟹肉，而且蟹肉鮮甜。之後我地再叫左個香煎美國穀飼法式豬扒１３８，豬扒外層香口，有淡淡的炭燒味，入口鬆化，保留住肉汁，個配汁原來係餐廳自己調製，我見到有水蜜桃肉粒混埋起汁入面，微微既果香味配埋個豬扒，竟然好夾，感覺唔會好飽濟。至於甜品，我就點左意大利奶凍，老公就要咗tiramisu。意大利奶凍上台時，已經見到舖滿咗雲尼拿籽，一入口非常滑溜，奶味香濃，最啱我呢d鍾意重奶味嘅人。至於老公點果個tiramisu，我試咗幾啖，覺得都好好食，味道唔會太甜，餅底有香濃嘅咖啡味，而且仲有淡淡嘅酒香，連我老公本身麻麻地鐘意食甜品既人都覺得呢度嘅tiramisu 做得好出色。