Cafe Paradise (已結業)

今晚同女友人去鄰近太子港鐵站的Cafe Paradise 食晚餐。餐廳裝潢精緻，門外有一個迷你旋轉木馬，打卡一流。叫左兩個晚餐，有5course ，附餐湯，沙律，主菜，餐飲及甜品，其中餐飲及甜品可以加錢另叫其他餐牌上的食物，今次只是甜品另外加錢升級做朱古力心太軟。我與女友人各自叫一個餐，不過餐廳侍應好貼心的另外加個碟，方便分享美食。今晚餐湯是紫薯湯，很特別，味道很香甜。前菜是田園沙律，沙律菜很新鮮。沒有菜靑的苦澀味一個餐是香脆豬手餐$168+10%上枱豬手的分量十分大，豬手的皮十分香脆，肉質鮮嫩，帶少少咸香，配菜的紫薯蓉香甜，因為平日其他餐廳多數只是薯蓉，原來紫薯蓉又幾好味。另外的是茄子及翠肉瓜，帶酸，很開胃。另一個餐是羊扒餐配薯菜$178羊扒有三大件，帶著少許羊羔，很有羊味。跟餐的熱咖啡，奶是另上的，可以玩拉花，不過我杯似乎是拉樹吧。味道香濃。跟餐甜品是綠茶雪糕女友人加$25升級為朱古力心太軟，心太軟経輕輕一切便有流心的效果，慢慢與女友人互相傾訴，同時又可以享受美食，一樂也。結賬加一，共$408.

今日放假唔使返工，就去咗太子行街行攰了就搵一間cafe 食個晚餐，行行吓見到有間餐廳門口擺放一個旋轉木馬為主題又幾特別。好精緻的餐牌，一打開有個立體圖案。點左兩個套餐：餐湯，田園沙律，主菜，飲品和甜品。甘筍忌廉湯，淡淡甘筍味又夠滑溜。田園沙律菜好fresh又爽脆，配上芝麻醬更加美味可口。香脆豬手大大塊，外層的皮燒到好脆又不會太油膩，肉質又不會太乾又夠淋，唔使點醬汁都夠味香辣鮮蝦意大利飯，有一隻炸蝦🍤另外飯里面仲有大隻蝦肉，飯辣辣地又幾好味，飯粒又不會太硬有咬口。套餐甜品加$25轉心太軟，一切開中間有少少漿流出來，外層鬆脆內里軟熟配埋雪糕🍦

又到左打工仔最鐘意既開心星期五🤓每逢假期前夕我都會覺得胃口再好d(雖然牛奶妹我長期都好胃口🤑 哈哈)約左個死黨🚙🚙要克服九龍既路就要揸多d!!!!今晚黎到哩期好紅既 “天堂”dinner 去到已經full 哂，果陣已經晚上9點門口仲有人等位所以記得要book 位啊！叫左兩個set dinner 朋友食豬手 $168我叫左煙三文魚蜆肉天使麵$123(有餐湯、沙律、甜品、餐飲全包)非常抵食，唔會因爲價錢中規中矩而hea 整抵讚，欣賞拒地有heart 要溫馨表揚一下: 🎺🎺🎺🎺🎺🎺🎺因為張枱唔大既關係，店員收碟好快(成塲只有三個人)又會主動比碟我地share 仲有個女侍應真係好好service ! 😋總括黎講成餐飯食得好舒服我會再去繼續支持小店💚

之前朋友向我推介過呢間小店，話好好食，所以我今次都專登黎試下，冇失望，真係好好食Cafe Paradise 係太子有兩間分店，兩間都好近地鐵站，好方便。黎到門口就已經覺得好有特色，有個旋轉木馬做裝飾，入到去，雖然地方唔大，但好舒服，仲有柴犬公仔可以比你玩添，超得意。如果想黎食嘅話，最好訂定位，因為都幾多人，呢到晚餐分兩個時段，18:00-20:15/ 20:15-22:30，不過兩個時段都幾full。食物選擇都唔少，可以揀dinner set ，或者可以係餐牌到揀意粉轉左set 都得。一坐低就會有服務員介紹下可以點叫同有咩好食，而我同朋友就叫左一個豬手，一個煙三文魚蜆肉天使麵，跟set 就會有埋餐湯、沙津、餐飲同甜品。餐湯同餐飲就不過不失啦，沙津就可能因為我唔係咁鍾意食呢款菜，所以就覺得麻麻地不過主菜真係好好食，隻豬手即叫隻整，所以要等得耐少少，但係好值得，因為真係脆卜卜，又厚肉，下面仲有啲薯蓉、配菜。服務員仲有教你點切先會容易啲，服務好好個意粉好有忌廉味，蜆肉亦都冇沙，好正睇落去好似份量唔算多，但兩個人絕對食得飽，如果怕唔夠就可以叫兩個set，不過我地叫左一個set 加一個散叫已經夠

無論樓上或地下鋪，旺角同太子越來越多cafe，要揀真係好困難。好彩朋友曾經介紹過幾間係太子出色嘅cafe shop。今日就同女朋友食朋友推薦嘅cafe paradise。餐廳顏色以藍白為主，最吸引我既地方係呢個相片牆，每張相仲寫埋日期，非常有紀念價值。另外餐牌設計別出心裁，打開餐牌會見到一個立體旋轉木馬pop up。我同女朋友每人叫一個set dinner。set dinner附送餐湯，沙律加甜品，價錢亦非常合理。餐湯同沙律好快送上，忌廉湯夠晒稠身，沙律亦好Fresh。我哋仲叫多咗個小食，呢個芝士焗免治雞肉棒口感頗似麥樂雞，肉質唔乾身，加埋芝士真係非常邪惡！等豬手上菜嘅時候比較耐，但上菜嗰刻就知道等待係值得。一睇外型已經見到豬皮炸得非常香脆，肉質非常幼嫩，唔使點任何醬汁已經好好味。最難得嘅係豬手炸完之後仍然充滿肉汁。分量亦非常大，十分抵食。有女朋友嘅出現代表我逃不過辣味嘅魔掌。女朋友叫咗香辣鮮蝦意大利飯，唔算太辣，辣味非常香，仲有我鍾意既炸蝦添。職員非常細心，豬手上菜時問我地一齊食定點，分配好啲刀叉。成個晚餐最令我印象深刻就係香脆豬手，對我而言，cafe paradise係我暫時食過最

星期五晚約了老公放工後出旺角行街兼食飯，行了一陣便去揾地方食飯，不過老公話帶我去一個地方食，原來他一早已book左一間餐廳食飯，去到餐廳門口已看到很多人在等位，但最吸引我的目光不是這些人群，而是餐廳櫥窗的旋轉木馬裝飾和聖誕裝飾，未到聖誕已感到很濃既聖誕氣氛，幸好我們有book位，去到便可進入餐廳，餐廳裡一樣佈置得好有聖誕feel, 地方雖然不大，但都坐得幾舒服。Menu 設計得好有心意，我們在看Menu不久，有位侍應行埋黎細心地為我們講解Menu上既餐，如果散叫加錢都可以轉為餐。我們分別點了香脆豬手配燒汁和卡邦尼意粉，之後侍應便送來是日餐湯和田園沙律。 是日餐湯係粟米忌廉湯，湯裡有很多粟米，湯不會太"杰"太稀，很香滑； 沙律既菜很新鮮； 香脆豬手好大隻，仲有配薯角，豬手皮烤得脆卜卜，肉質幼嫩，皮與肉之間有d脂肪，感覺很有骨膠原，但食落很有口感，不覺得肥膩，配埋燒汁簡直一流，值得再試； 卡邦尼意粉既汁很濃忌廉味，意粉口感恰到好處，煙煙韌韌，好好味； 甜品係朱古力慕絲蛋糕，朱古力味濃而不苦又不太甜，細細件岩晒女士們； 餐飲加錢可轉特飲或花茶。

繁忙過後，一頓美味的飯餐實在少不了，正所謂辛苦搵來志在食，所以搵食才是筆者的終身事業。前幾天筆者跟同是吃貨的一位朋友下班後去到太子，趁機再嘗一下上次有緣偶爾發現，坐落於界限街的抵食Cafe餐廳。到步後發現這小店人氣依然，就算是平日夜晚也都是高朋滿座，外面還不斷有客人在排隊，短短的時日便有這樣的人氣，良好的食物質素及殷勤的招待實在可記一功。每次我們兩個吃貨遇上，例必盡興叫到滿枱皆是，今次也不例外，但鑑於筆者想及上次的經驗，一個套餐的份量都算頗多，我們還是先叫了兩款套餐，280克美國頂級肉眼牛扒及香脆豬手，看看份量後才作定論。今日的餐湯恰巧也是什菌忌廉湯，味道依然十分吸引，用料十足，每一口都能吃到菇菌幼粒之餘，磨菇味亦十分濃郁，那股菇香的惹味完全是非筆墨所能形容，筆者仍懷疑他們有加入了黑松露，才可能做到這種香氣，但店員依舊肯定的說沒有添加，如真是這樣，就不得讚一下大廚出神入化的廚藝了。凱撒沙律，我們加了十多元轉為凱撒沙律，還記得店員上次送錯了例牌份量的沙律給筆者，碟頭當然夠大份，但想不到今次跟餐原大的份量也一點不少。新鮮爽脆的羅馬生菜，配上適量的凱撒沙律醬作調味，清新的車厘茄也添上亮麗色彩

有舊同事生日，搵餐廳的重任自然又落在我身上了，可能近排每次都係食放題的緣故，所以今次講明唔可以再揀放題，而要我搵一間唔貴啦、好味啦、有氣氛啦、坐得舒服啦嘅餐廳(我心諗…… 咁多要求，仲有無添呀)咁又難唔到我嘅，腦海中即時泛起CafeParadise,呢一間喺一個月前幫襯過嘅餐廳，都符合以上的條件嘅，於是就打去book位啦，順便問一問可唔可以喺甜品上 幫我寫上happy birthday的字，店員很有禮貌及爽快的答我冇問題(跟晚餐+$15)首先我叫了一杯試吓先~凍朱古力上面再加上一球朱古力雪糕，朱古力幼滑而濃郁、雪糕球裡有很多的朱古力碎粒，難以言喻的好味……令佢地3個都即刻跟風嗌返杯是日餐湯為甘筍忌廉湯，甘筍味香而濃郁，鮮甜得嚟又好creamy 份量頗多的田園沙律也是跟餐送的，沙律菜色澤翠綠好新鮮，食落爽甜令人胃口大開馬鈴薯角炸得外脆內軟，再加上非常邪惡的半溶芝士及肉醬，這三個組合配合得天衣無縫芝麻雞翼油炸後外皮金黃酥脆，咬開雞皮、內裡藏著雪白而嫩滑的雞肉，香口非常，一個非常好味又有水準的小食不得不再讚多幾次這裡的香脆豬手，這是我到目前為止吃過最好食的上桌時店員提示先將皮起出先吃，果然外

整個星期天氣總是天陰、下雨, 心情當然低落, 就打算今天Happy Friday下班後跟朋友去聯合商場逛逛, 正所謂『心情好又買, 心情唔好又買』。想在附近吃點東西先, 漫無目的地下看到Cafe Paradise, 應該是新開張的, 因為太子附近較少裝修精緻的cafe, 於是就入內一試。門口有一個色彩的旋轉木馬, 再行近細看一點, 原來不是木馬, 而是各款各式的動物, 如長頸鹿、斑馬、獅子等等, 播放著"jingle bell" 的聖誕歌, 一個頗有心思的門口擺設。門口以白色簡約為主, 右邊有旋轉動物裝飾。餐牌在門口陳列著, 合心水才走進去。一走進就看到左邊有不少白色的單車、鳥籠等小裝飾品。7時已差不多滿座, 幸好還有最後的角落位, 看到旁邊預留的6人座, 有2隻小狗公仔, 好可愛, 令人心情愉快許多。樓底都相當高, 沒有壓迫感。跟朋友點了一個all day breakfast 及 晚餐的香脆豬手晚餐附有沙律及湯奉上, 沙律賣相很普通, 加上沙律菜不是我喜歡吃的種類。而粟米忌廉湯有粒粒粟米, 份量十足, 味道都不俗。餐加$25可轉花茶, 選了水蜜桃花茶, 不過顏色是紅色, 我覺得有點怪

上次岩岩開張無耐嚟過一次，今次帶埋兩個朋友再來，梗係要試下其他野，見佢地多左個Burger，屬於食肉獸既我梗係要試下啦，我朋友就一個食豬手，一個食all day breakfast，今次最正既係豬手，一句講曬，好味道，值得再來。