日月堂

营业中

休息中

唔甘心食唔到蛋餅，轉戰另一間工廈（有少少隱蔽）！呢間牆壁貼左明信片，有客棧壁畫，重點係蛋餅冇咁快售罄😆 即刻叫左份起司肉鬆蛋捲餅，好味呀芝士有拉絲，肉鬆係深啡色個隻烤肉鬆，滿足了。碗紅燒牛肉麵湯頭今次唔係甜底，係咸香而濃，落咗類似磨豉醬，仲有幾粒豆豉，牛肉同紅蘿蔔炆到又稔又入味，仲有配白菜仔。揀左刀削麵，麵質煮得剛剛好，浸住濃湯食，飲番啖奶茶中和更佳。香芋奶茶係回憶中嘅紫色，飲落有少少芋頭沙沙感覺，冇講少甜都唔錯，嘿嘿~

🔺炸鹽酥雞 $48外皮好薄 夠酥脆 雞肉肉質嫩滑 每枱都放有鹽粉可以因應口味自行調配🔺起司肉鬆蛋捲餅 $60餡料豐富 蛋香味濃配上芝士拉絲同滿滿肉鬆口感豐富 蛋皮比較煙韌 如果煎得再香脆啲就Perfect啦🔺牛三寶麵 $85牛腱肉 牛筋 牛肋骨 三款配料厚肉軟稔 又夠入味 真係啖啖肉湯底偏重味 濃郁帶甜有少許藥材味另外+$5轉冬粉 食落滑捋捋 但無想像中咁煙韌🔺紅燒豬腳拌麵 $60 豬手有三大件 質感Q彈爽口 醬汁有啲似甜甜嘅薑醋 彎彎曲曲嘅扁麵條 質感彈牙有口感 仲有津白同半隻蛋🔺茉香奶綠🔺香芋奶茶由糖度 冰度🧊 甚至多奶少奶都能夠自行選擇 兩杯飲品都份量十足 珍奶煙韌🧋個人鍾意蜂蜜蘆薈大大粒 有口感 但味道稍為淡咗少少

隱世美食藏於觀塘一帶，今次在工廈中找到一間高質台灣美食。餐廳環境佈置有心思，有點台灣夜市的感覺～ 🤩滷水雞翼配新竹米粉滷水雞翼有三隻好肥大，肉質鮮嫩滷水味濃，搭配新竹米粉的爽滑口感，好夾👍🏻牛三寶麵牛三寶中的牛腱肉口感柔軟，牛筯有嚼勁，而牛肋條則有咬勁，刀削麵麵條彈牙，配上濃郁的燉牛肉湯頭，味道豐富😋台灣香腸味道很地道，口感有彈性，咬下去有嚼勁，外皮微微焦香，配上大蒜的辛辣十分惹味😙炸鹽酥雞鹽酥雞外酥內嫩，特別是外層的鹽酥部分，十分香口😍香芋奶茶香芋奶茶有濃郁的芋頭味道，加上滑順的奶茶口感，甜度適中，不錯不錯👍🏻

🧋🥢🥣觀塘工廈滋味台灣味道▫️可寫紙/ QR code落單☑️起司肉鬆蛋捲餅 -$38一條切開左4件，上枱熱辣辣，咬落外皮軟熟，蛋好香，肉鬆脆口，配埋拉絲芝士同醬汁，好味道。🆗蚵仔煎 - $42醬汁多，煎得幾香，生菜好正，蛋同蚵仔都食到，美中不足嘅係有殼係入面，吾知係蛋殼定蚵仔殼。☑️ 麻辣臭豆腐 - $38除左有三件豆腐，估唔到仲有2大片支竹，浸係一大配麻辣汁到，麻辣汁吾算太辣，而豆腐係硬豆腐，都幾索汁，但我鐘意食枝竹多d😂溫馨提示：佢吾係香港街頭果隻臭豆腐黎，聞落食落一d都吾臭😳☑️牛肉蔥油拌麵 -$56配料好足，除咗有半隻蛋、2條小棠菜外，牛肉有成5大舊，件件都幾淋幾滑，吾會靭。拌麵好似刀削麵，闊身掛汁，好香蒜味，有大量炸蒜，蔥撈埋一齊好惹味。落幾滴辣椒油又有另一番風味。☑️香芋奶茶 （凍）- $24係大杯裝，香芋味都濃，冇叫少甜但都吾算太甜，我覺得剛剛好，幾好飲。

久違了的堂食，今次去左觀塘工廈嘅日月堂。有唔少棒場客，晏多少少嚟都要等位了，唔想等，要食記趁早餐廳選用自助下單模式，易睇易用，唔錯先嚟飲品，點左杯黑糖珍珠奶茶，唔少甜都唔甜，感覺無咁罪惡感。而香芋奶茶，少甜後都好香，啖啖香芋味，有好滿足嘅感覺。小食叫左個成日喺街都想食而又好多年無食嘅臭豆腐。麻辣味夠，岩晒我。豆腐同腐足都好入味👍🏻紅燒牛肉麵，味道好正宗，牛肉嫩滑，令我有懷念台灣嘅感覺💜起司雞排冬粉大辣，唔係好辣，大家不妨可以試吓大啲辣度。起司雞排，芝士多到每一口都有厚厚嘅芝士，非常滿足。餐廳空間闊落，枱與枱中間有足夠空間，唔會有密質質嘅感覺，可以舒舒服服咁坐下傾下計。

觀塘有好多工廈，當中隱藏好多美食。今次聽朋友介紹，食一間台灣美食日月堂。日月堂係永興工廈4樓C2室，係The wave 隔離，容易搵到。雖然係食台灣野，但日月堂既裝飾好有香港本土風格，但都唔影響到佢嘢食既質數，仍然好有台灣地道既味道。餐牌種類都多，有麵食，有便當，有小食，基本想食嘅台灣嘢食都有。每次食台灣嘢，我都必點牛肉麵同地瓜條，因為真係好好食，同食依樣野最睇到功架。兩個牛肉麵既湯底都係酸菜牛肉湯，好開胃，而且D牛肉都好腍，好入味，當相出色。然後小食點個拉絲肉鬆蛋餅同梅子地瓜條，兩樣都好出色，尤其地瓜條脆卜卜加梅子粉，相當好味。介紹依兩個比大家一定要試下。飲品就正常發揮叫左一杯冬瓜茶同香芋奶茶，可以叫極微甜，減肥人士就岩啦。餐廳好有本土味，值得支持，而且嘢食都好好味。 評分味道⭐⭐⭐⭐⭐環境⭐⭐⭐⭐⭐服務⭐⭐⭐⭐衛生⭐⭐⭐⭐抵食⭐⭐⭐⭐⭐

地點有d隱世, 離MTR大概6-7分鐘步程, 今次我地又weekday去, 食物質素都保持得好好, 抵食過APM嘅餐廳好多呢.🧋起司肉鬆蛋捲餅一坐低即刻剔li個捲餅!! Li個必食item啲餡料包得滿滿der, 啖啖都係好味肉鬆+拉絲cheese🧀又大份, 2個人share真係perfect.🧋起司雞排麵一大pat熔芝士蓋住雞排, 雞肉夠嫩; 而台灣麵清清地有滑雪雪嘅口感, 感覺份量仲ok多添.🧋小食我地嗌左水餃+炸鹽酥雞, 一個湯底一個油炸平衡返個油膩感. 水餃🥟隻隻都好滿餡, 鹽酥雞就非常脆身.🧋黑糖珍珠鮮奶台式飲品選擇係最Typical個幾款, 貴精不貴多, 想講店家嘅珍珠真係好QQ同埋好多呢, 唔會一味得個甜字👍🏻.🧋香芋奶茶+珍珠芋香夠哂重👍🏻足料啊.

觀塘既工廠大廈真係好多野食，而且又平又高質，中意捐窿捐罅既朋友一定會搵到心水餐廳！😄今次就黎到永興工業大廈4樓既一間台灣餐廳，入到去有一種別有洞天既感覺，裝潢設計都好台式，超有feel呀！😆😋紅燒半筋半肉麵 $75 呢個紅燒湯底好正！濃郁得黎又唔算太咸！😆最重點係啲牛筋！超級推介！煮到好軟熟既牛筋，咬落啖啖都係骨膠原既感覺，女士真係必點！😌而且牛筋吸晒湯底既香味，勁惹味！牛肉都做得好好，份量好多！一碗有成4舊大牛肉！煮得都係好林，唔會un ，正呀😄😋炸排骨便當 $74一上菜真係哇一聲，唔止因為香，仲因為真係好大份😂超級多炸排骨！舊舊都炸到好酥脆，炸粉唔會太厚，唔太油膩，而且入面既肉仲係好嫩又多汁，水準之作！ 😍便當既飯係滷肉飯黎，要讚一讚肥肉同瘦肉既比例做得好好，食到脂既香，又有肉既口感💛😋蚵仔煎 $42小食黎講呢碟蚵仔煎真係幾好，份量唔會太多，一個人都食得晒， 而且啲蛋煎到好金黃好吸引，入面收埋既蠔都幾大粒，咬落好鮮甜而且大大粒咬爆既感覺好爽😂值得一試！😋酥炸魷魚 $48呢個即叫即炸既魷魚都係一個亮點，上到黎熱辣辣就基本啦，最緊要係炸粉夠薄！同埋魷魚夠大條！😙食落係好嫩滑多汁，但又有

星期六晚同男朋去食台灣菜，懷念下台灣。呢間人流絡繹不絕，好有人氣。玉米起司蛋捲餅蛋餅好足料，有好多芝士同玉米，塊皮煎得香脆得黎又帶點煙韌，好食。蚵仔煎紅色既醬辣辣地，所以幾惹味。口感亦都唔粉，屬於好食既蚵仔煎。手工滷肉飯(大)滷肉份量好慷慨，絕對夠送白飯食，食得津津有味。紅燒牛肉新竹米粉牛肉夠軟腍，幼細既新竹米粉好掛到湯汁，美味。香芋奶茶小時候既回憶同味道，叫左微糖，對於我黎講夠甜架啦。荔枝紅茶荔枝味同茶味都好出，正常甜都唔會太甜。

今日黎左li間人氣台灣餐廳, li度喺APM個邊行5分鐘就到, 好味餐廳排隊入座係常識👍🏻, 推門入裡面原來咁大地方, 坐得唔迫good.🍴梅子地瓜條 (HKD36)見到好多枱都嗌li個炸蕃薯🍠條我地又嗌, 條條都粗身嘅地瓜條現炸後灑滿提味嘅梅子粉, 2種甜味都十分天然, 而且蕃薯咁有益, 食多幾條都無罪惡感呢.🍴玉米起司蛋捲餅 (HKD38)喺香港食過咁多間台灣名物蛋捲餅, 我覺得li度嘅暫時無得輸, 勁好食囉!! 熱辣辣大大條捲餅未食已經睇住啲芝士熔緊出黎, 一夾起完全係勁拉絲ga!! 好足料好有台灣風味.🍴手工滷肉飯 (HKD42-大)誠意之作: 滷肉鋪滿喺珍珠飯上面, 聞到啲滷汁嘅香, 啖啖都充滿滷肉, 半隻滷蛋都好入味.🍴麻辣鴨血冬粉 (HKD75)加5蚊轉冬粉咁抵梗係食冬粉吧, 有好多舊鴨血(放心吃-食多舊鴨血並唔會對血庫造成影響的🤪), 中間睇真啲原來係辣椒同胡椒粒, 湯底個種麻辣感超剌激, 同口感香Q冬粉超夾.🍴黑糖珍珠鮮奶 (HKD30-熱) 香芋奶茶 (HKD24-凍) 老公杯香芋奶茶好特別, 飲落感覺係一整球香芋雪糕打入鮮奶, 口感好rich; 我杯黑糖珍奶🧋杯底

在網上看到這間人氣工廈台灣菜餐廳，看著地圖不算難找餐廳內裝潢簡潔，枱與枱之間和空間也足夠紅燒牛肉麵 - 台灣菜必點的麵食，一看湯底便知道很濃郁牛肉即是牛展，肉質非常軟腍和入味麵質很像日式拉麵，幼細又有咬口梅子地瓜條 - 即炸的黃地瓜條十分香脆，黃地瓜也很清甜，沾上梅子粉來吃十分醒胃玉米起司蛋卷餅 - 賣相吸引，是油餅包著粟米，煎蛋和大量芝士芝士控必點的，有拉絲效果滷肉飯 - 有滷水蛋，和鋪滿整個飯的滷肉滷肉肥瘦剛好，十分入味，配飯來吃真是吃不停口黑糖珍珠鮮奶 - 黑糖味不會很甜，鮮奶香滑香芋奶茶 - 份量很大，不過不失這間隱世的台灣小店食物高質，值得再來

一去到門口就見到好有共鳴既感人字句, 希望大家都可以去多多支持下!💛💪🏻🔹 牛肉蔥油拌麵 ($56)牛肉煮得好稔軟，伴蔥油好香，牛肉同麵底吸收左蔥油既香氣，拌麵既麵底幾彈牙，加埋微微辣幾惹味🔸 手工滷肉飯 (大 $42)滷肉飯係食台灣菜必點! 滷肉半肥瘦，唔肥膩，加上香濃既滷肉醬汁，送飯一流呀!🔹 炸鹽酥雞 ($48)外層炸粉好薄，炸到好香脆又唔乾身，仲鎖住雞既肉汁，雞仲幾嫰滑又唔會太咸🔸 麻辣鴨血 ($48)最近台灣流行食鴨血，我都試下，鴨血幾新鮮，口感好嫰滑，麻辣既程度可以接受，後勁少少辣，食完即刻暖晒身呀XD🔹 香芋奶茶 (凍, $24 + 加珍珠$5)香芋味重，奶茶幾滑，加埋珍珠好煙韌，而且勁大杯，食完成餐都未飲完🔸 冬瓜茶 (凍, $10)正常發揮，清爽口感，唔會太甜❗️P.S: 星期六晚市繁忙時間walk-in要比d耐心等待下XD 如果有點飯/ 麵類, 部份特飲有半價優惠!