小越廚

营业中

休息中

星期三放工在荃灣廣場附近找好西吃，走到一家平民小店「小越廚」，晚上7點半左右餐廳都幾乎滿座。餐廳裝修簡單，以圓枱或卡位為主，在煩忙時間少不免要搭枱，環境並不大，但價錢親民既良心小店買小見小，只好將就將就。咖哩蟹肉海鮮撈檬檬粉上鋪滿一堆蟹肉和咖哩，咖哩汁的味道像帶甜味，偏甜似日式咖哩。而重點是滿滿的蟹肉和海鮮，誠意十足，一起撈勻後，每一口都很美味。香茅豬肉撈檬香茅豬肉撈檬很足料，份量很多，檬粉上鋪滿豬肉片、蘿蔔絲、炸蒜、蔥粒、金不換等等。香茅豬肉入味，就是少了一份烤肉香，不過都很惹味。越式春卷春卷一共5件，炸至金黄色，餡料爽口，內層的豬肉鹹香惹味，層次十足，好食。椰青 叫了一個椰青，非常清甜，椰青肉亦爽滑，很好味。總括來說，整體嚟講覺得不錯，街坊價錢可以吃到特色的越南菜 ，性價比非常高，下次會再來懷念一下越南的風味。

今日接男友放工之後去咗呢個間小店晚飯。小店嘅餐牌好得意，手畫的，牆上也有相關越南的手畫圖畫、掛有越南風情的小掛飾，好有心思。我地點咗兩個撈檬、一個小食併盤兩杯飲品。越式小食拼盤(有春卷、雞翼、扎肉、蝦餅) - 雞翼偏咸，其他普通啦，勝在樣樣有d。香茅豬肉撈檬 - 足料爆滿，檬粉有少少微温，甜酸汁同粉係分開上嘅，落幾多汁可以隨自己喜好，撈好品嘗，好好味，極推介!牛肉撈檬粉 - 因為男友原本想點咖喱，但由於賣晒，唯有點呢個，賣相、材料同香茅豬肉撈檬相同，只係換咗牛肉。芒果奶昔 - 都幾好味。咸檸檬水 - 普普通通。總括檬粉份量大又好味，仲係50蚊以下有交易，抵食推介，會再嚟食。下次希望試到咖喱啦。

蟹膏湯檬、香茅豬肉撈檬、米紙蝦卷係主打菜，可惜米紙蝦卷係晚巿限定，食晏就試咗春卷先啦。春卷熱辣辣兼香脆，零油膩，饀料多素少肉。醬汁帶點魚露的鹹，微辣，夠特別，令春卷更美味。香茅豬肉撈檬大大碗，肉量多，香茅味淺。檬粉有啲似米線，但比米線幼同爽口，唔會越食越滯，撈埋香葉、生菜、蘿蔔、青瓜同花生等配料一齊食，口感豐富。碗內已放咗撈檬汁，不妨先撈勻一轉試吓味，再決定要唔要加汁。估唔到蟹膏湯檬的份量比豬檬更大。湯，充滿蝦蟹的鮮美，番茄的清香，唔會越飲越口渴，略嫌個湯唔夠熱。香葉下面嘅蒸蛋，據網友講，蟹膏就喺蒸蛋入面。幾款餸之中，最喜歡依次係扎肉（同喺河內買返嚟的一樣味道）、豆卜（吸晒湯的精華）、豬紅（夠入味冇怪味）、蒸蛋同番茄。呢碗粉，適合兩三個人些牙食，咁先有更多胃空間試其他菜。芒果奶昔香濃得嚟唔死甜，椰青夠大隻、多水兼夠凍，刮埋椰青肉嚟食，多三分好味。食得開心的一餐，會再嚟試其他菜。不過呢，希望下次唔會再望到牆身有小昆蟲陪食。佢哋雖然冇飛埋嚟，依然好出眾喔。