GYU TOWN 牛舌專門店

营业中

休息中

平日放假咁啱中午經開深水埗，見到呢間之前9bothew拍片都有分享過嘅牛舌專門店，就打算入去試試！大部份嘅牛舌餐都過$100，而且見到隔籬位嗌嘅每份份量都幾大吓，咁啱嗰日又唔太想食飯，然後睇openrice又好似冇乜人分享過佢嘅烏冬食評，就諗住「試伏」一下😌落單冇耐就送到，老實講，一碗香蔥醬油湯烏冬$68呢個價錢，我本身期望唔大，但係見住個碗入邊有成5-6舊牛舌，仲要唔係薄切嗰啲，已經覺得抵返晒🤔（利申：由於本人唔食蔥，所以以下係走蔥version）佢個湯底幾濃，而且有肉粒，不過食到尾就會覺得有啲鹹烏冬嚟講，佢算係偏幼身同埋煮得好腍，而我比較鍾意食讚岐烏冬嗰種粗身質感，所以各有各喜好啦，如果你鍾意食稻庭烏冬幼身啲嗰種嘅話可能會啱你！至於牛舌，一碗烏冬入邊有成5、6嚿，絕對有誠意👅而且每次都好厚身，口感都唔錯❗️只係味道嚟講，個人覺得麻麻，略嫌帶少少牛臊味，同埋其實食三四嚿已經開始覺得厭🙈 下次嚟可能都係會揀返薄切牛舌試

今次嚟到深水埗呢間出名要排隊嘅牛舌專門店七點左右都仲未需要排隊七半收工去到就已經有三枱等緊嚕我哋兩個人坐喺最入嘅牆邊位置～好凍呢度每人最少要點一個主餐我點咗個香蔥醬油湯牛舌烏冬我覺得呢個好好食無論係牛舌嘅口感同味道好似仲要有五大件添烏冬又夠彈牙湯味濃郁絕對對得住個價錢朋友叫咗個伊比利亞梅頭配牛舌尖我比較喜歡烏冬嘅牛舌唔鐘意食燒嘅梅頭都唔特別出色隔離枱食御·重盒同鐵板嘅都比我哋兩碗嘢吸引烏冬性價比高，抵食好食飯就不了