家傳滬曉

营业中

休息中

我友人係香港賽馬會既長期忠實fans, 已經「忠實」到入左啲唔知咩會，久唔久有啲禮券送比佢。今次送左張家傳滬曉既二人餐禮券，適逢佢唔得閒去，就益左我😁入到餐廳，環境舒服，唔知係咪因為豪宅區商場既關係，啲人都有禮貌啲👍🏻裝修好中國feel, 大部份有梳化位，每張枱都有足夠距離，感覺私隱度幾高，豈碼講咩話題，都唔會比隔離枱聽到😊雖然個二人餐係送，但一啲都唔媽夫！色香味都唔錯。頭盤陳醋海蜇頭，海蜇頭同青瓜好爽口，配陳醋，好味風鵝粉皮，粉皮夠煙韌竹笙蟹肉魚翅，足料鮮露筍蝦球帶子蝦球好大，彈牙！露筍夠嫩！擺位好靚👍🏻上湯浸時蔬，個湯好正！唔似味精湯！我直頭湯左小半碗😂外婆紅燒肉，略嫌遜色了～肉唔夠林，筍又好硬，賣相也不吸引，味道都好一般排骨擔擔麵，佢送既二人餐其實好夠飽，但由於我地3個人既關係，叫多碗擔擔麵，好食自從木屋區既詠藜園執左後，我一路都搵唔返個種擔擔麵既味，呢間有啲似好感動!不過花生味可以再重啲高力豆沙，有口感，欣賞佢啲糖另上，適合唔同人士享用

今晚我們去咗美孚曼坊嘅「家傳滬曉」食晚飯！我們叫咗紅油炒手、四喜烤麩、醉鴨舌、碧綠鮮魚羹、鹽酥蝦、鱔糊粗炒、露筍山藥炒藕片、樟茶鴨「半隻」同山東燒春鷄！甜品：高力豆沙、香蕉豆沙窩餅同酒釀芝麻湯丸！紅油炒手嘅皮都算薄身，辣油嘅味道好唔會太辣，但好惹味！四喜烤麩嘅質感好似麵筋咁，而且吸收晒醬汁嘅香甜味！醉鴨舌嘅酒味好芳香，鴨舌好爽口軟滑！碧綠鮮魚羹係將鮮甜嘅魚肉同嫩滑嘅豆腐煮成，味道好鮮甜清新！鹽酥蝦嘅外層煎得好香脆同乾身，肉質好爽甜彈牙！鱔糊粗炒嘅鱔糊肉質鮮甜嫩滑，麵質都幾粗身，口感好煙韌彈牙，而且炒得色澤好均勻，味道唔會過鹹！露筍山藥炒藕片嘅藕片好清甜爽脆，露筍亦好爽甜無渣，不過份量就比較少！樟茶鴨「半隻」嘅肉質好鬆軟，味道好香濃，旁邊放著嘅貝殼形包，包質好香滑鬆軟！山東燒春鷄嘅皮燒得好香脆，肉質好嫩滑，唔會有好「嚡」嘅感覺！甜品：高力豆沙嘅外層好軟綿綿，入面嘅豆沙蓉好香甜軟滑！香蕉豆沙窩餅嘅餅皮好香脆，夾埋香甜嘅豆沙蓉同香蕉一齊食，真係幾好味，不過香蕉嘅份量少超少！酒釀芝麻湯丸嘅湯丸好煙煙韌韌，甜湯嘅味道相當清甜芳香！

國慶日, 試下呢個上海菜先..... 香露醉雞 : 香露混合花雕嘅清香, 雞嫩味道! 陳醋餚肉 : 平時d 上海菜館唔係用陳醋既, 呢度用咗陳醋又幾好味喎. 不愧為廚師推介! 正 ! 上海粗炒 : 唔太乾, 唔多油, 多椰菜, 好味. 鍋貼 : 唔多油, 皮薄, 不過味道麻麻. 莧菜蟶子泡飯 : 清淡嘅莧茶配蟶子幾新鮮嘅配搭, 唔錯! 高力豆沙 : 糖粉分開上, 豆沙清香, OK ! (好攪笑, 我哋落單時, 侍應問我哋要一客4件定6件, 我哋4個人好自然叫4件啦! 轉頭侍應又話今日只可以order1客6件, 真係令人莫名其妙 ????)呢度d 鐵觀音好清香, 不過個茶杯同個茶壺嘅比例就怪d, 因為斟多2杯茶就要等侍應再加水lu.而茶位每位$5.