丹麥餅店

营业中

休息中

這家外賣麵包店以懷舊港式熱狗和魚柳包聞名。當進入店內，即可感受到一股懷舊的氛圍，讓人彷彿回到了過去的時光。首先，熱狗特色在於香腸口感鮮嫩多汁，配以香濃的蛋黃醬和酸甜的蕃茄醬，每一口都讓人回味無窮。接下來是他們的魚柳包。這款包子以酥脆的魚柳為主要配料，外皮金黃酥脆，內裡鮮嫩多汁。搭配著濃郁的醬料，味道更加濃郁豐富。這個組合讓我彷彿回到了童年時光。除了熱狗和魚柳包，他們的外賣麵包店還提供其他美味的麵包選擇。他們的麵包軟中帶點韌勁，口感非常好。服務方面，店員們非常友好和熱情。可能因為店員都是老人家，而我帶着小孩所以他們更耐心地照顧我們。而且他們的外賣服務非常迅速，保證食物的熱度和新鮮度。總之，這家懷舊港式熱狗和魚柳包外賣麵包店是一個值得一試的地方。不僅食物美味，而且店內的懷舊氛圍讓人感受到香港的獨特魅力。

嚟過呢間銅鑼灣老店—丹麥餅店好多次呢度有漢堡🍔熱狗🌭三文治🥪豬扒包🥪魚柳包🐟薯條🍟雞髀🍗等鋪頭左面係新鮮出爐麵包右手面就炸爐區個人覺得魚柳包最好食麵包鬆軟 魚柳外酥內嫩 配上沙律醬加蕃茄醬 減低油膩感嚟開銅鑼灣嘅 可以嚟呢間懷舊店試下佢地嘅食物

係熱辣辣天氣又再係銅鑼灣出沒，行左陣街4點幾見有少少餓，就去左丹麥餅店食出名既熱狗同魚柳包。 再上一次食已經係1，2年前既事。見住師傅將個包烘熱再擦上沙律醬放埋熱狗腸。 雖然天氣悶熱， 但近距離睇住自己既食物出爐就好開心。咬左1啖，老公就問點解冇茄汁醬， 但我1D 都唔覺得少左蕃茄醬係損失。個沙律醬少少租帶一點酸味， 食得出係自家制， 個麵包烘熱左加上醬同腸， 成件事已經好完美， 唔需要有蕃茄醬。再食魚柳包， 同樣既沙律醬但加上左蕃茄醬同厚身魚柳。但我反而覺得蕃茄醬係多餘左， 魚柳係成塊有厚度， 但魚肉偏硬， 我都係比較鍾情熱狗。

雖然這間平日售賣港式「漢堡包」、「魚柳包」、「炸雞髀」等等食品的快餐店，名稱居然被稱呼叫做「丹麥餅店」，「丹麥餅店」的過去歷史於我而言，就好像一個未完全摸透底細的人一樣。究竟「丹麥餅店」的前身是否一間麵包店，「丹麥餅店」是否因為為勢所逼，為了食店的將來著想而改賣「漢堡包」跟「魚柳包」，恐怕只有「丹麥餅店」的當事人，以及住在附近的居民才知道了。我唯一知道「丹麥餅店」的事情就是，兩年前我為了光顧「丹麥餅店」旁邊的日本甜品店「Via ToXXo」，所以亦間接認識了「丹麥餅店」，但是我對「丹麥餅店」的好奇，源於對食店的歷史淵源而已。「丹麥餅店」裡面其實沒有任何位置，可以容許食客在店內閒逛逗留，食客只能夠在「丹麥餅店」店外，向當值的「丹麥餅店」店員落柯打購買食品。至於「丹麥餅店」自己本身的餐牌，就更加是耐人尋味了，因為「丹麥餅店」只有一塊塑膠價目表，而且「丹麥餅店」這塊價目表早已經不起歷史洗禮，價目表字體已經變得霉霉爛爛，幾乎看不清楚。「丹麥餅店」裡面的老闆店員，最後看來也唯有力挽狂瀾，保留陳舊破爛的價目表，然後勉強拿着箱頭筆在破爛的價目表上面，標示「丹麥餅店」哪款食品仍然有售，食品價錢已經改了

成日聽人講丹麥餅店好食，今日終於有幸試下😆。店舖裝修懷舊！叫左個石斑魚柳包😋，$18雖然比麥x勞貴d，但食落同麥x勞差好遠，咬落啖啖肉，魚柳大過個包😆，真係抵食夾大件☺️，個醬汁用左沙律醬同茄汁，雖然d汁多到漏出哂黎，味道好夾😍，又唔會搶左魚柳既味😋，魚柳炸到啱啱好，唔會硬，外脆肉軟，一試後返唔到轉頭，搵唔到一間可以媲美。食過返尋味，排隊買時見到好多人叫熱狗🌭️，下次再試下熱狗先😁😁

午膳時間外出購物, 任務完成之後, 時間已經不夠吃一個簡單午飯了, 惟有「以包代飯」, 應付一下.今日實在吃不了麥XX的一個套餐, 就去丹麥買我唯一最愛「魚柳包」吧!魚柳包已經升價至$18, 麵包大小與麥XX的包差不多.我仍然是醬料「全走」, 只要鹽. 今天下單至離開, 全程不足1分鐘, 光速, 乎合我的需要!

-------------✏️魚柳包$18好食指數:6.6/10經過好多次都打左洋 今次終於試到大排長龍既一間麵包店 有熱狗 漢堡包 魚柳包 雞肶今次揀左個最多人推薦既魚柳包買完拎到上手 微溫 魚柳係脆既 而且食得出係魚造既 好過某間MNC連鎖店造既魚柳可惜既係魚柳不夠熱 如果新鮮熱辣一定爽好多醬汁係偏甜既沙律醬 同個魚柳都係夾既不過我覺得如果麵包都烘一烘既話 就更好 🤔因為始終無人鐘意食微溫魚柳包----------------📍丹麥餅店銅鑼灣禮頓道106號

丹麥餅店是集體的童年回憶 沒錯吧！ 記得炸薯條，炸雞髀，漢堡包，魚柳包但一定唔會記得老闆娘娘😆 難得她給我難忘的體驗呢~ 😂😂😂話說 她正跟前面兩位女孩收錢， 又跟我說「要咩食講啦」。我説「魚柳包」。 等佢收完錢 輪到我 佢又問 「要咩食呀 」 我又說 「魚柳包囉」。 跟住老闆娘娘 嘰呢咕嚕 又話趕又話忙… 呢度係咁㗎啦…… 乜乜乜……… 冇佢咁好氣 出去影番幾張靚相先 😆😆😆 影完相返入去攞包， 老闆娘娘繼續同其他客講… 咪投訴囉，依家啲人最鍾意投訴……… 食完就等入醫院等死 ……… 😆😆😆 唔知佢同緊邊個講哩😅😅， 總之此時此刻 整個空間 充滿咗老闆娘娘嘅負能量 😂😂 我淨係想同佢講，熱就裝番部冷氣啦！個人 唔會咁燥， 舒服好多㗎 😎講咗咁耐，魚柳包呢 $18 抵唔抵見仁見智啦~ 麵包 烘過內脆，香甜。 魚柳熱辣辣， 有茄汁同沙律醬。這就是最 普通 簡單的好味道， 童年回憶 都係冇咗爆seed老闆娘娘果 part 會好啲 😂😂😂飢Point : 6/10#hungermarch #飢詩 #非飢詩

以前在銅鑼灣, 最出名的舊式麵包店分別為"禮頓"同"丹麥", 當時兩者各有支持者. 個人來說, 較喜歡"禮頓", 只可惜多年前在老細賣舖後, 就消失於江湖了. 當然, "山中無虎猴為大", 現在"丹麥"就是大佬了. 說起"丹麥", 我就只愛它即製的加工包, 即係"魚柳包", "豬扒包"等等, 其他出爐面包, 我就絕少幫襯. 當中最愛就是"魚柳包", 間中總會幫襯幾次. 你落下單以後, 他會即時番炸魚柳, 麵包會番熱, 所以食的時候, 成個包就會熱辣辣, 魚柳亦會外脆內軟, 比M記那種好食得多.

某日向銅鑼灣落車嘅時候見到依間好出名既舖頭，純粹出於肚餓嘅理由，老字號，但唔就腳，好多時想試但係都覺得太遠唔近Sogo ，所以無去食。 店舖內同外都十分舊，沒有堂食只有外賣。佢有好多唔同種類既港式包同飲品。魚柳包包好軟，包皮有少少脆口， 塊魚柳熱騰騰同大大塊，最開心既係佢配蕃茄醬，我平時去麥記叫魚柳包會要求走白色既醬（沙律醬？），自己再加蕃茄醬或者㤗式辣醬。 蕃茄醬少少酸開胃，魚柳塊炸到岩岩好，炸皮薄。 炸雞腿除左佢大大隻， 即炸即食， 外皮加左少少salt，少少咸同卜卜脆，內裹既肉好嫩滑

今日，我去圖書館揾圖書教小朋友﹑但我好肚餓就去揾平夾好食的嘢食。見到丹麥餅店，就衝前叫魚柳。收銀姐姐好快就收左錢。唔洗三分鐘，炸爐果邊姐姐就問咩包，話魚柳包，就在麵包爐拎左剛烘好的麵包;然後夾一塊魚柳。樣貌可以見到炸魚柳的不規則，令我相信應該好食。炸魚唔太油而且魚肉水份好充足，食落去好有魚味。麵包好香口。蕃茄汁同少量沙律汁配合，酸甜味道恰到好處。

學車前醫醫肚~即炸石斑魚柳~ 簡單的配搭, 沒有花巧的配置裝飾, 沒有特別的醬汁, 才可特顯出新鮮鬆軟麵包, 同熱辣辣脆脆內裡有魚柳質感的包包。好好味好滿足的

這兒雖然很簡陃，但充滿着懷舊的味道。這兒的麵包沒有華麗的包裝，沒有可愛的名字，但件件即叫即做，非常新鮮。熱狗：麵包焗至少少鬆脆、搽上牛油和沙律醬，加上剛弄熱的香腸，熱辣辣，好好食！魚柳包：香軟的麵包，加上剛炸至金黃色的魚柳，配以茄醬，真的比麥當當的魚柳包好食得多了！因此，這兩種美食已成為我的至愛之一。唯位置比較「吊腳」，要等天氣好、時間充裕的時候才專登走去買！

「港島一日遊」的其中一站同友人黎到依間充滿懷舊氣色既食店真系會不禁諗番起小學年代既「小食部」由於唔系太餓 所以淨系嗌左個魚柳包 ($11)魚柳同埋面包均是即叫即製配上茄汁及沙津醬相比起大型快餐店當然有過之而無不及佢仲可以幫你CUT開個包2個人SHARE黎食 正!!!!!

其實e間野又細食到大,, 由讀書食到出黎做野水準仲可以保持真系好勁牙!!真系好好食!!!而且又系即叫即炸價錢都沒有太大改變大力推推*