辛安東元祖奶奶雞 (已結業)

數多年前, 與好友到韓國自由行。自此除了愛上韓國, 還對安東燉雞一試傾心。得知香港引入, 大喜! 但没耐性排隊, 於是等啊等...等啊等... 等到連第三間分店開張, 小妹終能朝聖。雖然外面下著毛毛細雨, 但人潮不乏, 幸好入座蠻快~7點不夠, 已經全場滿座。 位置空間不多, 坐得不太舒適。除了主打燉雞外, 還有不少前菜、主食等供大家選擇, 而且各有特色。哎呀, 多到我的選擇困難症又發作了... 死心不息繼續試xxxrita今次試了Dry B Rita+豐梨的margarita. 啤酒味不濃烈, 梨味清甜, 味道很合襯, 適合女生。 魷魚泡菜看起來不多, 但其實足夠2-3人用。泡菜夠辣而且不"NA"喉, 是小妹喜歡的那種。但魷魚的刀工實在精湛, 又幼又小, 吃了落肚也感覺不到... 燒五花腩食多, 韓式蒸五花可算是第一次吃! 冰珀豚肉很軟熟, 肉與脂肪層次分明, 肥膏不多, 没有"油淋淋"的感覺。五花腩原本味道很淡, 加點蒜蓉拌大醬, 辣辣哋幾惹味~紫菜飯卷可算是韓食裡我的最愛, 喜歡它那香噴噴的麻油味, 能帶出飯香。 這個紫菜包飯餡料没什麼特別, 但勝在麻油味足, 但不油膩。

朕對雞煲可為情有獨鍾，今日本來想食雞煲的，但朕既貼身隨從今日整天嚷着要食高麗食品，在朕既苦苦思索下，終於想到一個兩全其美既方法，就食高麗雞煲。呢間奶奶雞朕都唔係第一次食，佢幾間分店朕都去過，但呢間既輪候時間係最短既，一入到去梗係叫杯野飲濕濕個口先啦！Cider Rita 梨味，成枝野反轉倒插落杯，梨味汽水非常冰凍，清涼解渴。冷海哲，海哲爽口彈牙，加埋芝蔴就哂香口，仲有少少酸醋，夠哂開胃既餐前小食。魷魚泡菜，高麗泡菜辣辣地，夾埋魷魚絲，一爽一滑，有豐富既口感，佐口小食！紫菜飯卷，有青瓜，玉子，紅黃蘿蔔，蟹柳仲有火腿，紫菜夠脆口，用料充足。梨蜜雞翼，雞翼煮到香脆可口，再燴入梨子汁，酸酸辣辣，可口又開胃。牛肋骨鍋，鍋內有紅白蘿蔔，煮到非常之𣺉身，吸收哂啲牛肋骨味，而牛肋骨亦煮到香稔鬆軟，一口食落滲出濃濃既牛味！讚！！！終於到主角出場，奶奶雞全隻，朕叫左小辣，雞肉炒至嫩滑香口，另外配料亦煮至冧身，個底亦加左個薯粉底（好Q）加埋本身既汁料略帶微辣，香味濃郁，令人一試難忘。－－－－－完－－－－－

應該都有開左兩個月吧!剛開張時，Yahoo團購了半價芝士奶奶雞，也來嘗過它一次！當時排隊排到死，不過也比旺角主店排得快。現在平日來吃，已經不用排隊啦！今次週日來，專登六點鐘來，即時有得入座！一到七點人龍又開始出現架啦！這樣的格局，是傳統韓燒的裝橫嗎？記得第一次在韓國食白丁就已經入左腦，韓燒就是要這樣子才對！但這裡都沒有韓燒，為何也照著這個韓Style走呢？不過，鐵罐真的一絕！要來放袋子確實是一流的設計。近門口位置，也有些高櫈位置，適合一個人或二人入座。每次來奶奶雞，總會飲這個Cider Rita，今次飲梨子味。每次也要跟我的朋友Share飲，太大杯嘛！今次一起四人，可以試多Ｄ菜式嘍！少有地Order了兩個前菜，估唔到咁多份量！兩者都加上芝麻，食落勁香口。我最愛吃紫菜卷，唔係度度都整得好食。這裡算是整得有心機，包得實正，望落好整齊。黃瓜，青瓜，午餐肉，泡菜羅白，雞蛋.....用上韓國的食才，跟日本的壽司卷確實有分別架！大家一向食開都是白酒煮蜆吧!韓式是用上真露大哥啊!食落其實無咩酒味啦! 煮完都渾發哂啦!不過，蜆肉大隻啖啖肉啊！小食叫了勁鐘意食的雞翼，這裡的梨蜜雞翼亦值得推介。蜜糖之餘，