捌壹壹 (蘭芳道)

营业中

休息中

▪️ 必食冷鍋酸菜魚（7.5/10）💲258呢度主打冷鍋魚，並唔係話凍既，而係已經烹調好，上檯唔駛再煮就可以食😳我地叫左BB辣，出到黎有唔少辣椒，辣度比預期中高，而且有大量花椒，都真係幾麻😂亦有好多酸菜，酸味中規中矩，整體唔會太油膩🤓魚片全部去曬骨，肉質比較厚實🐟配料有厚身既寬粉，滑溜之餘非常煙韌，做到好掛湯😛另外仲有爽脆窩荀、金菇、芽菜等，普通碼都算大兜，夠兩至三個人食😌▪️ 尖椒皮蛋（6.5/10）💲48竟然會係溏心黃金皮蛋，晶瑩剔透😯食落偏向爽彈，有微微既蒜香同麻辣紅油味，略嫌無咩尖椒咁，如果濃啲同埋入味啲會更好🤨▪️ 黑糖糍粑（8/10）💲42 (細)呢個即叫即整，一定要趁熱食，有層薄薄既炸粉，入口外脆內軟，好軟糯煙韌，帶有陣陣米香，的確後悔無叫到大份啊🥹面頭仲灑上左啲黃豆粉，而黑糖醬呈液體狀較稀身，個人會鍾意稠身返少少既🫣▪️ 鮮果冰茶（7/10）💲48 超級巨型既一杯，水果勁足料，包括橙、蘋果、楊桃、菠蘿、藍莓、西瓜、火龍果等，茶底有啲荔枝椰果味，解辣解渴啱曬，唯獨係唔記得叫少冰，中段會開始淡🧊🔎 整體評分（7.5/10）

銅鑼灣川菜串燒冷鍋酸菜魚🐟捌壹壹(銅鑼灣)📍銅鑼灣蘭芳道13號地舖「真妹一生幾多風波，真妹一生不必心多，只要信，啊真美真美，就能經過」#樹木真美 #Serrini今日同朋友嚟到銅鑼灣行街，今日天氣凍冰冰，朋友好有自信咁挑戰想食辣野想暖下身，所以就一齊入去試下依間餐廳。餐廳裝修以森林木系做主調，有別於傳統川菜大紅大紫嘅感覺，特別牆身以草木突破嘅森林氛圍設計配合悠和燈光令到餐廳走偏暗風格之餘又有原野氣息，十分獨特，係一個適合同朋友舒暢談心嘅好地方。-串燒&小食🍢-烤蒙古羊肉(2串) 💲36 ⭐️4.1/5⭐️-烤羊臉肉(2串) 💲36 ⭐️4/5⭐️-烤厚切牛舌芯(2串) 💲42 ⭐️4.4/5⭐️依間餐廳以川菜做主打，仲有串燒可以揀，我同朋友都幾鐘意食羊，難得見到餐牌羊臉肉同蒙古羊肉串，就立即點嚟試試，串燒一上枱已經聞到樸鼻而黎嘅孜然香氣，非常開胃，羊肉串啖啖肉得嚟非常滋味。而羊臉肉入口除左有油脂滿溢嘅感覺之餘仲食到煙煙韌韌嘅口感，都幾特別。不過講到最愛嘅非厚切牛舌芯莫屬，一串兩大塊嘅牛舌芯絕不欺場，入口口感啱啱好，唔會太韌亦唔會太淋，而且仲有陣陣嘅孜然粉調味，非常惹味，牛舌愛好者表示非常滿意，不

大隻仔今次覓食嘅店舖就係💥 捌壹壹 (蘭芳道) 💥 睇餐廳名「捌壹壹」完全唔知食乜菜式，原來係酸菜魚，近年香港興起食酸菜魚，大隻仔都食過幾間好出名嘅酸菜魚餐廳，估唔到今次食「捌壹壹」都有驚喜。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 必食冷鍋酸菜魚 $238（另加一服務費）「必食冷鍋酸菜魚」係餐廳招牌菜之一，魚係用上生魚片比一般用鱸魚、桂花魚更加滑，而且肉質唔易鬆散，湯底亦唔會太油。辣度可以揀大、中、小辣，酸辣比例恰到好處，唔會其中一樣太過強烈，容易入口，順口，最重要唔會太油。衡量酸菜魚抵唔抵食，就係睇份量，regular size $238，加大碼$338。regular size 已經有好多生魚片，食極都有，配料亦多：酸菜、芽菜、萵筍、辣椒乾、菊花片、寬粉。份量絕對夠2-3個人食。大隻仔覺得「必食冷鍋酸菜魚」好食，真心推薦。😉😉🔥 燒厚切牛舌芯 $42 （另加一服務費）牛舌芯唔會太乾，太硬，但味道偏淡。🔥 燒茄子

今日放假同朋友去食捌壹壹酸菜魚專門店，餐廳位置在銅鑼灣，非常方便，餐廳食品種類豐富又可以打邊爐，還有串燒可以食～🐟冷鍋酸菜魚我揀咗BB辣🌶，湯底非常濃郁，加左大量酸菜，泡椒，藤椒等，酸酸辣辣好開胃，藤椒好重麻香，辣味好有後勁；🐟魚肉份量好多，切到厚薄適中，好鮮味，口感爽脆嫩滑又唔會太易散，而且已經起晒魚骨，食起上嚟好方便；有萵筍、金菇和薯粉等配菜，萵筍爽脆，薯粉晶瑩剔透，口感滑碌碌～脆炸墨魚丸墨魚丸好大粒，炸得金黃色，外脆內軟，口感彈牙，配上醬汁好香甜開胃～🧊紅糖桂花冰粉非常有特色的甜品，晶瑩剔透，有桂花香味，清甜得來又不會好甜，食落有好透心涼～🍹鮮果冰茶好大杯，有好多水果，包括🍉西瓜，火龍果，🍊橙，🍑杏核… 酸酸甜甜仲有淡淡的茶味，消暑一流

👱🏼一直都好鍾意食川菜，無辣不歡，今次就去到銅鑼灣試下佢地岀名嘅麻辣烤魚，除左有唔同口味嘅烤魚，仲有酸菜魚、水煮魚、串燒，啱哂啲重口味嘅朋友仔，原來佢旺角都有分店，下次可以再去食😎1️⃣ 重慶麻辣火鍋魚 $318選用原條清江魚，可以自選辣度🌶有bb辣到大辣4種程度，清江魚已開邊，厚肉而且有鮮味，麻辣得黎又有香味♨️配料除左有蔥、辣椒，仲有金菇、芽菜、豆腐卜，魚係預先煎過再去烤，做到外脆内軟，肉質都仲好嫩滑，而且啖啖肉無乜骨，愈食愈想食😋2️⃣ 烤羊臉肉 $36好少聽到有得食呢個部位，咁就試一試啦，羊臉肉嘅脂肪比例較高，不過有好香濃嘅羊味🐑3️⃣ 烤生蠔 $45生蠔🦪燒完都仲脹卜卜，唔會縮哂水，食落仲好juicy，無論係蒜蓉定剁椒，都非常好味4️⃣ 烤韮菜 $20配上微辣嘅調味粉，唔會燒得太乾，非常惹味🤤5️⃣ 紅糖桂花冰粉 $32因為👱🏼‍♀️唔太食得辣，所以最後叫左個冰粉黎解解辣，冰粉晶瑩通透，配上桂花、紅糖水同提子乾，真係絕配👍🏻6️⃣ 鮮果冰茶 $46非常大杯，而且好足料，有士多啤梨、火龍果、檸檬⋯⋯微甜夠冰凍，配辣野就最啱7️⃣ Ashai $58酒水🍺選擇都有不少，如1664、藍妹、Somersby等，如果

𖦹 冷鍋酸菜魚 $238 冷鍋酸菜魚加入自家傳統無添加醃製嘅老壇酸菜，令魚肉更見嫩滑鮮甜。魚肉全部啖啖肉，完全無骨，酸菜口感爽脆，配上泡蘿蔔、泡薑、泡椒、薯粉、芽菜、金菇、萵筍等，份量十足。𖦹 重慶麻辣火鍋魚 $318超耐無食過烤魚！用上大大條原條青江魚，經油炸過後非常香脆，魚肉新鮮厚實，配料勁索汁，包括金菇、豆芽、青瓜片同豆卜，辣得過癮。𖦹 烤脆雞皮 $32𖦹 烤雞腎 $28𖦹 烤脆皮芝士腸 $20𖦹 烤金菇 $20當然要試試銅鑼灣店限定嘅重慶燒烤！試咗四款，私心推薦脆雞皮同雞腎，最香口惹味！𖦹 鮮果冰茶 $46𖦹 凍柚子梳打 $36𖦹 凍蜂蜜柚子茶 $28𖦹 凍蜂蜜蘋果茶 $28食辣嘢飲凍嘢係必須，飲梳打同果茶都係解辣神物。

川菜控必食嫩滑酸菜魚銅鑼灣新店環境好闊落 招牌冷鍋魚好特別好似水煮魚咁已經烹調好味道更加柔和，唔會大麻大辣食完再以湯底打邊爐▫️必食冷鍋酸菜魚🐟小辣湯底酸辣度適中帶有菊花同花椒香湯底一啲都唔油膩，味道好清爽配料有水晶寬粉、酸菜、金針菇、芽菜同萵筍魚肉非常嫩滑，啖啖肉索哂湯嘅精華，超入味推介～ ▫️尖椒皮蛋第一次食四川皮蛋中間係流心蛋黃蛋香味比一般皮蛋更加香濃更容易入口加埋尖椒片同蒜蓉粒，好惹味|火鍋料|▫️五花肉：肉質肥瘦分明，唔會肥腻，味道不錯▫️萵筍 & 土豆片：兩款蔬菜同酸辣湯好夾，好味▫️黑糖糍粑 糍粑炸得香脆，口感煙韌 配上黃豆粉同黑糖醬甜度適中，好滿足～ ▫️鮮果冰茶🍓大大杯嘅水果茶，好足料唔會過甜