打邊爐海鮮火鍋燒烤店 (已結業)

同事Victor說最近試過一間火鍋店非常好吃，約好了上星期帶我們去嘗嘗。火鍋店在土瓜灣銀漢街，就在恒生銀行旁邊的小街。小時候我住在隔鄰的鴻福街，這裡都沒怎麼變，麥當勞跟恒生銀行都還在，開了快三十年吧，真懷念。我跟Ｖictor七點鐘到，其它人還沒有到齊，先叫了小吃泡椒雞腳，雞腳很爽脆，配上鮮香麻辣汁，好好味道。唔，一盤小吃都做得這麼好，對之後的菜式就更加期待。七點半，人齊了，先上老闆推介的鮮活烤魚 ($368)。店裹有個大魚缸，缸裹有幾條大魚生猛地游來游去，老闆說是沙巴龍躉。之前已見老闆在魚缸裏撈起一條大龍躉，原來就是我們吃的這條，龍躉肉厚味鮮，魚皮煙靱滑溜，再加上特製麻辣汁，配合得剛剛好。我特别喜歡裹頭的配菜，有枝竹，大豆芽，和一些菇菌，枝竹吸滿了麻辣湯汁，辣辣的又有魚鮮味，吃得很過癮呢！再來就是Victor說必定要再試的花甲蟹鍋($560)，剛才又見老闆在魚缸裹撈起蟹和花甲，果然是我們點的蟹煲。原來花甲和蟹的配搭可以這樣鮮。趕快拿起一塊蟹試試，蟹肉雪白一梳梳，鮮甜彈牙，再喝一口湯，湯裹加了白胡椒，把海鮮的鮮味全帶出來。我們五人不用半小時就把鍋裹滿滿的海鮮全干掉（因為實在太好味)。之後

某同事家住土瓜灣，對於很少來這裡的我，對這裡的餐館真的毫無研究。該同事閒時熱愛釣魚之餘，對吃魚也饒有心得，他說這裡的烤活魚水準極高，值得找一晚過來一試。自問對魚這種食材也十分喜歡，之前也在這個網站寫過某某魚湯米線的食評（當然所用的魚不可以與這裡用的相提並論），其實如果魚是處理得好，能有效中和它本身的腥味，又能突出其鮮味的話，多吃多試也是無妨。甫進餐館，已對四處張貼的食物相十分有興趣。細看餐牌，發現原來這裡提供的鍋底十分有份量，「花甲蟹鍋」、「麻辣雞煲」……單是看著餐牌已叫人口水直流。因為今晚大家一條心只是想吃魚，我們就先叫了一道烤活魚($368)，搭配酸菜湯底。店家用的是沙巴龍躉，甫一端上來，畫面就非常壯觀，只見一塊比A3紙還要大的托盤上盛著今晚的主角────沙巴龍躉，還有層層莞茜菜覆蓋著。我們邊等湯煮沸，邊扒開莞茜，直至魚身清晰可見為止。用匙一按，一分，發覺這尾魚的質感極厚實，整個過程像是切開一塊大花膠一樣。不愛吃魚者往往是怕魚肉內裡有細骨，吃時要不斷挑骨會比較麻煩，然而這尾魚的骨並不難處理，只消用一點氣力，已能做到骨肉完全分離，所以不必太怕魚肉裡頭有太多細骨。龍躉的魚腩部份極出色，

本來夏天都無咩興趣想打邊爐架啦，但朋友話呢間用龍躉嚟做烤魚火鍋，心諗咩料呀，用龍躉做烤魚咁豪，應該有啲料到喎，咁就去試下啦。星期一收工坐巴士嚟到土瓜灣，一落車見到有間麥記，前少少有恆生銀行，再望過對面馬路就見到打邊爐啦，位置唔算難搵。舖頭唔算大，但枱與枱間都有足夠空位，冷氣充足，夏天打邊爐都夠晒涼。最搶眼係個魚缸，打理得好靚，水質乾淨，裡面有4-5條龍躉，全部都係好生猛游緊水，仲有龍蝦，花甲喺缸嘅上層都好生猛。呢度點菜有樣好，夠環保，就咁用立筆喺餐牌上圈寫就得，唔駛下下寫落火鍋紙到。仲有火鍋料有分一碟和半碟，岩晒兩個人嚟打又叫唔到咁多嘢，叫半碟可以食多幾款其他料，夠體貼。老闆同師傅都好好服務又熱情，時不時睇下我地仲有咩需要，又極力推介我地食臘味煲仔飯，但係我地都係冇叫到，想集中火力試下啲火鍋。超鍾意食魚嘅我當然要試下鮮活烤魚酸菜湯底。龍躉有2斤重，泡過油後伴以大量莞茜，酸菜，少量泡椒，燈籠椒，賣相非常吸引。龍躉真係好新鮮，斑有佢嘅質感，紋理緊密細緻，好容易就夾起啖啖肉，咬落魚肉有彈性，躉皮較厚又夠膠質，煮得耐啲肉都唔怕散晒，躉皮更有咬口。比起其他舖頭多數用嘅鉗魚或淡水魚，更多一分京貴，

四月真係特別多人生日！今日又到一位男友人的生日，佢喜歡大魚大肉又惹味的菜餚而這班朋友又有男有女......所以「打邊邊」真係不貳之選！大家都在九龍區工作，在網上找到這間什多好評的打邊爐海鮮火煱燒烤店，我冇打少字呀，間餐廳真係就咁叫做打邊爐海鮮火煱燒烤店！完全突出主題，不需再加名，只想客人記住呢度的食物！一行六人，老闆王生介紹了幾款招牌菜，聽個名很好吃價錢亦實惠，咁就點了老闆介紹的：鮮活烤魚 (香辣底）HK$368一般火煱店都係用鯇魚或桂花，好少咁落本用斑的，仲係超過兩斤的活沙巴龍躉配以惹味的香辣湯底！此餸極具份量，起碼有四個人才能吃得下！那麼大條的沙巴龍躉因為走了油，食起來魚皮煙靱，啖啖魚肉又厚又爽，極具質感！再配上香辣湯底，啖啖爽囗吸收了湯的味道，食起來非常惹味。絶對值回票價！花甲肉蟹煱(湯底)，小辣 HK$568因為怕花甲煮得太耐會靱，所以我們先把花甲打搯出來食，怎知裏面有數之不盡的花甲，六個人也用了一些時間才把煱中花甲清得七七八八。花甲非常嫩和鮮甜，而且完全沒有沙，正！接下來係隻肉蟹，蟹鉗好大隻啖啖肉，肉質很甜嫩！味道不用說了，吸收咗用超過兩斤幾花甲再加上胡椒的清湯，簡單鮮甜無比

上次係土瓜灣亂撞搵食搵到好野，今次決定再試一次 。今次隊伍多左人，隊員們想去打邊爐，咁我就真係搵間"打邊爐"比佢地試下 。店內環境好整齊，唔係太迫坐得都算舒服。店內有個魚缸內有新鮮海魚(沙巴龍躉)，店員講解佢地烤魚有別於坊間，用新鮮咸水魚唔用淡水魚，我地如果食可以自己係缸內選擇其中一條龍躉。問題黎啦!!我地本來黎食花膠豬肚雞依家個烤魚又好吸引咁點好 最後我地兩樣都叫曬 鮮活烤魚($368):有兩種食法 酸菜同香辣，朋友唔食得辣所以我地選酸菜。原條魚開邊上碟，魚身好滑好野味又冇咩魚骨啖啖肉 ( 我最怕食魚多骨 )，佢仲有好多料:芽菜，冬姑&枝竹等，其中枝竹吸曬D汁超好食 花膠豬肚雞(一隻 $330):雞同豬肚食落就冇咩特別，花膠好腍在場女士都話好好吃，我就覺得佢D豬肚湯好好飲。皇帝菜($30):食左咁多肉緊係要食返D菜。本地手切新鮮牛頸脊(細 $188):打邊爐點可以唔叫牛，店員推薦牛頸脊味道幾好又冇"蘇"味，連朋友唔食牛都整返舊試下。手打四寶丸($90):分別有牛丸、墨魚丸、芝心丸同貢丸，煲內太多野我最後只係食到貢丸，貢丸好彈牙味道較淡。可樂($10):學阿SA講打邊爐點

『打邊爐一定要飲可口可樂』亞SA多年前的廣告標語, 到現在仍然深入我心, 所以差不多每次吃火鍋都會點可樂降溫。這間提供的是玻璃樽可樂, 已是十分少見, 比起罐裝更有風味、回憶。夏天將至, 衣服不能像冬天的蓋掩身上的脂肪, 在瘦身前盡情吃吃吃。不少特色鍋底選擇, 如花甲蟹、胡椒豬肚雞、花膠豬肚雞、四川麻辣、豬骨等等。先來餐前小食, 泡椒雞腳 $39, 有別於一般的白雲雞腳、沙薑雞腳, 這個帶少少麻辣味道, 我只嚐小辣也接受到, 很惹味。鮮活烤魚  $368: 有香辣底/酸菜底選擇 (大/中/小辣), 我們選了小辣, 烤魚端出來放在爐上煮滾便可以起筷享用。烤魚是選用沙巴龍躉, 較少骨, 而骨多數是大條, 加上啖啖肉, 適合我愛吃魚又不懂挑骨的人士。少辣也是我可以接受到。平日的蒸魚我不愛吃魚皮, 因為接受不來它的質地、口感。不過沙巴龍躉的魚皮我完全不會抗拒, 因為魚皮很厚, 帶點煙韌口感, 而且含有豐富膠質及骨膠原, 女士們的確要多吃點魚。 繼續是養顏進補系列, 花膠豬肚雞 $330, 有豬肚、原隻雞, 更放入雞內臟, 不過那些我不太好, 花膠才是我最愛。湯底很濃郁的雞湯味道, 清甜, 而花

前排見到依間上過排行榜十大嘅火鍋店，襯天氣凍返，鐘意打邊邊嘅我，點都要親自嚟試吓喺咪真喺咁好味！依間小店位置真喺算難搵，如果唔睇住 Google Map，真喺搵唔到！而且左右旁邊都喺車房，喺大街行過咗都唔知！（其實我真喺行過幾次先搵到！）坦白講，環境裝修真喺普通到唔普通！只可以稱得上整潔，舖內並無任何裝飾，只有一個三層魚缸，養住幾條沙巴龍躉同象拨蚌！不過三五知己專程嚟到，點都要試吓！睇過其他食評寫得咁好味，我哋幾個唔食辣嘅朋友，就唯有照老闆推介叫個《花甲蟹鍋》同《鮮活烤魚》！老闆話你食完兩個主打，先再叫火鍋料啦！當兩個主打推介上咗枱，就完全明白老闆嘅用意！因為實在太大煲！坦白講，烤魚依個餸喺香港流行咗好多年，但從來都冇食過！點解？因為我唔識食魚！但就算唔識食魚嘅我，都知道用龍躉做《鮮活烤魚》，依間小店都算喺第一間！賣相已經有好多配料，聞到都好吸引！我自己都試咗一細舊，龍躉真喺唔同！肉質彈牙結實，而且超有魚味！但我最欣賞喺個《花甲蟹鍋》！湯底超正，有少少燒酒味，加上蟹同花甲嘅鮮味，只喺飲湯都超正！食咗蟹腳之後，我都只喺食花甲！我估成個《花甲蟹鍋》，只喺花甲都差唔多有兩斤咁多！好似老闆推介

土瓜灣並不是一個我會常到的地方；除了因為地鐵站還沒有落成外，也是因為為食鴨是於港島區工作和居住的。是日來到這個地方全因為朋友的介紹。看到店的名字－打邊爐海鮮火鍋燒烤店－其實令人感到有點困惑，究竟這裡是打邊爐、食海鮮火鍋，還是食燒烤的呢？原來是可以一次過滿足你兩個食海鮮的慾望。首先上的是鮮活烤魚，其實也是我第一次吃烤魚。這道菜有兩種味道可以選擇－香辣味和酸菜味，而我們點的是香辣版。被烤過的魚放上了鐵鍋並送到枱上再煮熟，好像在吃雞煲一樣。配料亦是十分豐富，除了最搶眼的芹菜、香茜和辣椒外，底部還有腐竹和雞尾菇，慢煮後其實也是十分入味的。活魚－是因為魚是在我們下單後才劏的，而用的魚是沙巴龍躉。老闆堅持用海魚，因為比較鮮又沒有泥味。烤過的魚外層像炸過了般香口，魚肉卻是鮮甜而有質感的。配合上其微辣的味道，叫人愈食愈起勁。第二道點的是花甲蟹鍋，用料有質素且分量絕不欺場。老闆說當中是用了兩斤花甲和一斤肉蟹的，多幾個人一起吃也沒有問題。湯底方面比較單一並帶很濃的胡椒味道，不過我是頗喜歡喝的，配合上海鮮的味道，蠻是清甜的。花甲每一隻也是大大隻的，沒有沙，也沒有打不開的。這樣有質數的貝殼類食材現今已經是買少