餓居

营业中

休息中

聽同事介紹「有間居酒屋啱我食飯打卡」，所以約朋友收工去食飯。鋪內環境唔錯，入門口就有個鳥居，有一棵假櫻花樹，有三張枱係地枱設計，仲有個角落擺左龍珠嘅神龍、鬼滅嘅刀😆食物方面嘅菜式種類唔算多，我哋決定各類型都叫啲，整體黎講都唔錯，特別欣賞荔枝豚肉卷、炸蝦膠冬菇同紅豆鯛魚燒🤩但鯛魚燒真係有啲貴，好食都唔未必會再食，試過就算。另外鰹魚汁豚肉鍋同鰻魚粒撈飯都唔錯。整體而言，環境氣氛唔錯，坐得舒服，食物質素合格偏上，價錢相對其他居酒屋平，食到飽都係人均$250，唔錯。

在太子砵蘭街附近，有一間居酒屋，環境的卡位為和式設計，有塌塌米，並以屏風作間隔如果唔想坐榻榻米，其實門口附近都有2個好靚窗口位。即使窗口位都冇埋，其他位置都有一大楊櫻花樹同燈籠陣陪住。全間鋪都係打卡位，加上同厨房位置近，好處係即使你係細細聲的I人，都可以輕易同店員溝通 (其實佢哋都有QR code落單🙈)裡面的餐牌都是以明太子為主的，如果是明太子控，一定會好喜歡人均消費只需200到$300 ，喺日本嘢嚟講算好平🔹濃厚明太子醬撈烏冬🔹$68.00有冇幻想到少少的烏冬上面會全部冚晒明太子？呢個烏冬就做到呢件事，而且質地都算彈牙。明太子質素多之餘都好好🔹明太子醬伴豆腐🔹$68豆腐係凍食，算幾滑，配上明太子做到一啖豆腐一啖明太子🔹鰹魚汁豚肉鍋-並盛日本夢王雞蛋🔹 $188鰹魚汁湯底微甜帶點鹹，令每口豚肉，豆腐及配菜都食起上嚟好入味😋。🔹熱金桔檸檬水果茶🔹 $58一開始聽到冇得加水，覺得點解會咁的？黎來才發現兩個人都飲唔晒😂檸檬份量足卻不會過鮮或過啖。🔹Asahi Sour 鮮檸蜂蜜有氣果酒🔹$78飲酒當然係我的生活日常，比起咖啡更加係每日一杯，用上蜂蜜好適合夏天時落車時行幾步都會出晒汗的天氣。

📍原來太子新開咗間打卡榻榻米居酒屋🌞 佈置充滿日式風情 除咗大紅燈籠牆 +鳥居裝飾 仲可以係櫻花樹下打卡用膳 食物方面都幾多選擇!🌀 玉子の大滿足 大滿足是指滿滿的料吧😹 大量蟹籽鋪滿玉子上 再灑上沙律醬及明太子醬 明太子醬的微辣鹹香令甜甜的玉子蛋很好吃🙌🏻 很有層次 🌀 鰹魚汁豚肉鍋（並盛）配料裝滿整個小鐵鍋🫢 鰹魚汁湯頭清甜濃郁 搭配肥瘦均勻 肉味濃的豚肉片 以及大量蔬菜大白菜/ 金針菇/ 本菇/ 芋絲 /大蔥/ 豆腐等配料 甜味滲透曬大白菜入面 愛吃鍋物的朋友可以試 ～🌀 銀次飯糰 紫菜包裹的小飯團 精緻可愛♥️ 成個擺盤都好吸引 濃郁三文魚籽混合夢王的蛋黃香 及帶甜的醬油 簡簡單單幾好食 🌀 法國藍橙同檸檬有氣果酒依家Asahi Sour 有氣果酒仲做緊 Happy Hour Discount 4-7時段兩杯都係$98! 果酒飲落清爽 即刻覺得非常開胃解油膩