炯記餐室 (沙咀道)

营业中

休息中

四人餐有2個前菜、3個主菜、2碟油菜，仲有飯、湯同餐飲，咁多野食都只係$408仲要無加一，份量好大，四個人根本食唔哂🙉 仲可以打包番屋企食多餐。半隻燒鵝無花無假，真係大大隻鵝半隻🙊。鵝上枱果陣溫度連暖都無，明嘅，如果一路熱住，肉質會變鞋，不過始終凍左，肉質偏實。鵝油脂豐富，入口爆油，鵝皮真係好香，卡路里爆燈都要食🤣 豬手(例)例牌有4件，啱啱好每人一件。豬手炆得好淋，而且都入味，仲要好重膠質，食完嘴唇好痴；可以揀要唔要菇，我係食菇之人，當然要啦!! 不過菇細粒得嚟，仲要苦，最後全部無食。鹽焗手撕雞調味適中，由於燒鵝太吸引，所以八成手撕雞打包番屋企。😏鵝油撈麵只提供柤麵，男友對梘水感敏，只可以食白飯😶 粗麵有咬口，不過鵝味唔太覺🤔，我加左佢地嘅辣油，覺得好味過用鵝油撈😅 值得一提，打包番屋企嘅麵，用少少熱水浸番熱佢，反而更香，所以我覺得濕食比乾撈好味🤤。前菜 – 麻辣雞腎爽脆、唔太辣；酸辣雲耳入味又夠酸，呢個好好味😋。飲品除左奶茶、咖啡果D外，仲可以揀特飲(但阿華田特飲要補$10)。張枱放到滿哂🙉 呢個價錢，食到咁多野，質素仲要唔算差，性價比真係好高。

平日晚上，在荃灣區覓食， 經過這間炯記餐室，以鵝油撈麵作標榜， 對喜愛吃燒鵝的人客頗有吸引力。門外及店舖內的裝修簡單， 像一般的茶餐廳。 進去的時候，已有三四枱食客。我最後選擇了叉燒燒鵝鵝油撈麵， 可以一次過試他的叉燒、燒鵝、及鵝油撈麵。燒鵝的分量不算少，鵝皮微脆，頗香鵝肉味， 甜酸醬已裝在膠樽並放在枱上，想要多少就自己落多少。不過水準明顯地不及深井的某燒鵝店舖；但以這餐室的收費，算是物有所值的了。叉燒是半肥瘦，肉質不夠淋，燒得也不夠香， 普普通通，不過不失的。至於鵝油撈麵，個人而言，就覺得比較一般的了。整體而言，以一頓普通的晚餐來說，以這價錢吃到燒鵝肉，質數算是不俗的了。

荃灣真係美食天堂，因為今日趕時間所以求其搵咗間就近嘅餐廳，估唔到竟然都好好食！嗌咗佢推薦嘅二人餐，非常之抵食，有兩碗鵝油撈麵，半隻手撕雞，四舊豬手，木耳同埋雞腎小食，生菜一碟，湯兩碗，野飲兩杯，最後食唔晒要打包。鵝油撈麵可以話呢間餐廳嘅招牌菜，因為好少餐廳有而佢亦都做得好好，冇鹼水味，好香鵝油味，呢個一定要一上枱熱辣辣即刻食，攤凍咗面就會變硬！手撕雞好滑好香雞味，睇佢牆上介紹原來佢用嘅係三黃雞，難怪咁好食！豬手炆到好林冇牙婆都食到，味道啱啱好濃味得來不會太鹹，冬菇雖然細細粒但係好滑好入味！而最令我鍾意嘅係雞腎，淋得來帶少少爽，食得出唔係雪藏貨，我會為咗呢個雞腎返兜！木耳亦都唔差非常之爽脆好濃嘅蒜味！