8鍋臭臭鍋 (金巴利道) (已結業)

星期五去尖沙咀食飯，唔知係咪就打風嘅關係，我見好多餐廳都坐唔滿。唯獨呢間真係要排長龍，已經都八點幾都仲有好多人喺門口等位。之前聽朋友話幾好食，於是去試吓啦。一開頭仲擔心臭臭鍋會有燈好似臭豆腐咁嘅味，但原來佢有好多唔同款嘅鍋選擇。我因為唔係好鍾意臭，就揀咗呢個芝士牛奶鍋。成個鍋都好香濃嘅芝士味，而且材料好充足！同朋友每人一個鍋，飽到不得了。由於放工太肚餓，我哋加咗一份鹽酥雞。都幾欣賞佢份鹽酥雞，揸得好香脆，而且又唔會好厚粉，絕對值得推介！除此之外呢間餐廳仲有好多台式飲品揀，全部都用外賣杯裝，咁就唔驚飲唔晒。最後走嘅時候仲可以一路拎住飲一路繼續行街。

今日找尖沙咀工作的友人食午餐，佢介紹去這間一人一鍋的火鍋店，話幾好坐，傾計一流店內環境舒適，由於我們十二點到達，剛剛開門，所以沒有太多食客，非常寧靜餐牌簡單清晰，有九款鍋選擇，再加飯/粉絲，包一杯飲品，88蚊一set，價錢都合埋枱上有豉油同調味料供食客按自己口味調配，餐牌上還印有完美比例的調配方法，幾細心我們order左香蒜牛肉鍋同蕃茄白䐁鍋配粉絲，賣相不錯蕃茄白豚鍋，湯底好濃好香蕃茄味，配料有娃娃菜，白䐁肉，豆干，鮮冬菇，蕃茄等等，䐁肉份量都算多，大大塊，味道好好唔會有騷味，推介友人個蒜香牛肉鍋都好足料，配料有牛肉，牛丸，豆腐，粟米，粉絲等等，好香蒜味，我坐對面都聞到牛肉愛好者必選我們選擇套餐跟粉絲，粉絲吸左湯底同配料嘅味道真係非常美味我們仲叫左份鹽酥雞，香脆可口，仲熱辣辣，雞肉嫩滑，不錯不錯飲品我揀左多多綠，估唔到綠茶溝益力多係咁好飲，又唔會太甜，好清新咼！友人揀左芒果鮮奶沙冰，佢話冰打得夠幼，口感幼滑，亦不會太甜，不錯的這間店食物同環境質素非常好，價錢又親民，服務員態度亦非常友善，值得去試試，聽友人講晚飯時間係人山人海的，我們選擇午飯時間去真係非常明智

香港興起潮食台灣臭臭鍋，一人一鍋加上大量不同配料$112可以簡飯or粉絲 ; 叫一鍋滿足到我每樣都想食少少既心理;黑麻油雞鍋$112米酒，老薑，雞肉，娃娃菜，炸枝竹，金針菇，枸杞，洋菇，淮山，鱈魚丸，米血糕，沙白，台灣米線，粟米，玉子豆腐，牛丸，鳴門卷感覺好補又養生，有好多藥材係入面，超香麻油味配上滑溜溜既雞肉；裡面既鍋本來配上台灣米線，依種米線係好出名「阿宗麵線」類似個種；鹽酥雞$42會令人想念台灣既味道，炸到外面脆卜卜，咬落去肉汁都流出來了； 盆栽奶茶$30奶茶上面加左朱古力餅粒咁，飲奶茶之餘仲可以添加了口感

一直都想試下位於尖沙咀的八鍋(臭臭鍋)，今日終於可以試啦。一去到嚇了一跳，門口人山人海，其門如市。我們等到花兒也謝了，終於等到可以入座。原本「8鍋」是有八款鍋可以選擇，但係有一個台式蔥爆窩是新品上市，所以變「9款鍋」。我們等兩個鍋的時候，聞着周圍充滿好香的氣味，令大家垂涎欲滴。店內裝修簡單。每張枱都有四款醬，大家自己可以根據餐牌後指示或者自行調較，因為吃火鍋的醬料是好重要的，好似畫龍點睛一樣。台灣鹽酥雞是我最喜歡吃的小食，這裏的鹽酥雞炸得很香脆，內裏的雞肉很嫩滑很惹味，細細塊，容易入口。柑桔檸檬梳打，巨峰提子梳打， 兩杯味道都很好， 冰涼解渴一邊吃火鍋一邊飲凍飲，絕佳配搭，正!我吃的是台式蔥爆鍋，材料有多款，湯底味道很惹味，材料沾滿了湯底的精華，送飯一流。炸支竹 ，炸芋頭都好入味， 特別是沾了湯， 更加好吃。肥牛沾上調教的醬汁，惹味，正！這款鍋很啱我，有肉、丸、有菜等，感覺較為健康，唔怕食完之後有罪惡感，嘻嘻！另一款芝士牛奶鍋， 我朋友讚口不絕，見到湯底慢慢冒出白煙，湯裏面的芝士慢慢溶化，雞蛋慢慢變成流心雞蛋，然後的材料沾滿了芝士牛奶嘅香濃味道，可以想像呢一刻係多麼美妙。還有湯底又好香

我很喜歡吃臭豆腐，路過見到有台式臭臭鍋，所以便入內試試。可能因為價錢不算貴，所以有很多年青人光顧。鹽酥雞 鹽酥雞外脆內軟，味道不錯。招牌臭臭鍋每一個鍋都跟粉絲或白飯。臭臭鍋配料包括白豚肉、臭豆腐、貢丸、米血糕、大腸、豬紅、沙白、鵪鶉蛋、蕃茄、娃娃菜、榨菜絲、韮菜、金針菇、嗚門卷、炸枝竹和粉絲。臭豆腐不算很臭，基本上湯底很濃味，不用加任何調味料，有點韓國部隊鍋感覺，因為份量相當大，我也吃不掉。藥膳羊肉鍋 湯底很濃藥膳味道，很不錯，但羊肉略嫌熟了點，其實兩個鍋配料分別不大，只是肉的分別和有幾種配料不同。$26芒果綠茶普普通通，$34桂圓黑糖薑母茶薑味很濃很不錯。

臭臭鍋@尖沙咀今晚嚟食呢間「臭」名遠播嘅 8 鍋臭臭鍋其實即係台式小火鍋，可以一人一鍋唔駛爭～鍋物上之前就食返個小食，我必點嘅台灣小吃就係惹味香口嘅鹽酥雞，新鮮炸起熱辣辣而且唔會炸到好乾，雞肉仲係原汁原味好 juicy等咗一陣我地嘅臭臭鍋就到喇，材料好豐盛！朋友嗌咗個藥膳羊肉鍋，試左一啖藥膳湯底幾清甜好味可以自己隨喜好加啲醬料調味我就叫咗招牌臭臭鍋仲有得揀辣度，我就揀咗小辣試下先，一上菜已聞到濃濃香味臭臭鍋嘅精華臭豆腐！用左燉煮嘅方式令臭豆腐嘅味道易啲入口，可以令更多人可以接受到臭豆腐嘅美味而且豆腐佈滿孔隙可以吸飽臭臭鍋麻辣湯底，一咬入口湯汁係嘴裏爆開，好正每一鍋都有好多料，仲不乏台灣特產例如米血糕，入味又煙韌有咬口，好有台灣風味。大腸肥厚有嚼勁，清理得好乾淨每鍋都可以配飯或粉絲粉絲係湯底滾阿滾，好快就入晒味，唔駛點醬都已經好好食食完興恰恰就叫埋野飲，叫左一杯冬瓜茶同芒果鮮奶沙冰，飲完透心涼～

你係呃人啦！又話臭臭，點知一啲都唔臭囉！初初朋友話同我食呢間台灣人氣臭臭鍋，我第一個反應就話「臭」你都同我食？儍的嗎？事實證明係自己大鄉里呢間位於尖沙咀的8鍋臭臭鍋真係好旺場，不過我真係第一次幫襯，原來係一人一鍋，一共有九款（因爲新加了一款，台式葱爆鍋）雖然有九款選擇，但係對我地來講選擇並不困難，兩款超人氣加上一款新品上市，好快我地就決定order招牌臭臭鍋及台式蔥爆鍋兩個鍋未到之前，我就根據指示調教醬料，其實呢個過程都好好玩，好似自己有份參與烹調一樣好快兩個火鍋就放在我哋面前，店員會幫你點着過火，然後等佢翻滾左就可以開始食，呢個時候真係好頂癮，有得睇冇得食， 3分鐘咁多啦我呢個台式蔥爆鍋，材料不作詳細介紹， Menu都已經寫得好清楚，賣相有啲似韓國的部隊鍋，最主要係佢有半個麵餅，芫茜亦係我嘅至愛，惹味開胃食材新鮮，好味，滾住來食，十下十下，香港人真係一年到晚都鍾意食火鍋又唔洗同人爭一人一鍋百香果綠茶，正好要來解渴解辣，佢唔會太甜，啱晒我嘅口味另外喺我對面嘅呢一款招牌臭臭鍋，朋友話超級鍾意，佢揀咗小辣，已經覺得非常滋味我哋不約而同都揀咗粉絲，吸收埋濃湯嘅精華，係必然嘅選擇啦我哋另外加多

前兩日同媽媽一齊黎試試呢間openrice排名頭幾位嘅餐廳究竟有咩咁吸引？見到咁多鍋真係心大心細呀！！好彩menu有提到鍋嘅配料其實每人一鍋係岩岩好的，不過我媽食量細，我就決定叫一鍋再加多點配料。我地叫左酸菜羊肉鍋，小辣。 見到滿滿不同嘅料好興奮仲有隻生雞蛋係入面滾緊。 湯底少少酸，帶有甜味，同平時食米線嘅湯底唔同。羊肉片帶有少少羊膻味，大概有5-6塊，我媽媽同我都好鐘意！所以加多左一客羊肉$48同一客牛肉$48，一客肉都有10幾塊娃娃菜、豆腐都好入味！可揀飯/ 粉絲，或加$12升級做滷肉飯，我揀左粉絲。 粉絲落左一陣就淋晒，加少少湯，好好味！飲品叫左幾得意嘅盆栽奶茶（熱）原來佢係裝係膠杯入面嘅，我打開蓋只見到朱古力奶本來有點o咀，原來好戲沉底了！！ 要用飲管攪攪底部，有好多orea 餅碎 飲落唔錯！唔會太甜建議：假日早d去食就唔洗排隊了！ 我6點到就有位，7點已經full了

聽聞過來自台灣的臭臭鍋，終於有機會來見識一下。是台式的臭，還是港式的臭？店內的裝修，跟這一帶的韓國菜相似，想像不到是個吃火鍋的地方。有8款不同火錋，已預設配菜。午餐一個鍋，配飯／粉絲和一杯飲品，＄88，價錢適中。後頁可額外追加食物和小吃。三個人點了兩個鍋，再加飲品和小食，結果卻比點3個鍋貴得多。跟據餐牌上的指示，醬料的完美比例是3匙沙茶醬＋2匙豉油＋1匙蒜蓉。醬料幾惹味。香芋奶茶有芋頭的味，有奶無茶，未免太甜。盆栽奶茶單從名字看，毫無頭緒是甚麼奶茶。其實是朱古力奶茶加oreo碎。偏甜，跟奶茶扯不上關係，當是一杯普通朱古力飲品就好了。泡沫奶綠三杯中甜度算是最低的一杯，或者是因帶輕輕茶味，有中和之效。說好的泡沫消失得無影無蹤。臺式麻辣鍋有牛肉片、麻辣餃、福洲魚蛋、豬紅、沙白、米血糕、大腸、魷魚圈、凍豆腐、蔬菜和泡麵。一大鍋很快便滾。看到紅紅的湯底，一堆配麵，加個泡麵，即時想起韓式部隊鍋。較特別的米血糕，煙煙韌韌，果真有米香。吸滿湯的凍豆腐，咬下煙韌的皮，溢出滾熱的湯，得小心吃，豆香幾濃。白飯濕度恰到好處，即使被湯弄濕，也粒粒分明，不會太腍。一大堆材料在鍋裡煮，不及港式的火鍋般，可以逐樣控制