OPPA韓國燒肉店

营业中

休息中

暑假開始了！頭痛的日子又來了！要花心思為豆丁安排每天的活動。今天特地請了半天假，帶豆丁到花園街添新衣，順便在附近晚餐！由於時間尚早，晚市還未開始。但看到這家韓式燒烤餐廳，店門佇立的餐牌，有類以地鐵／列車的標誌，吸引著地鐵迷～豆丁也！於是一家四口就在此晚餐。　六時未到，客人不多，可以坐得舒服。而且打開櫈蓋，可以放入個人物品。這個結構，對豆丁來講，是新奇的事物。　來到點菜一環，選了４人餐～馬場洞套餐。　下單後，先為豆丁繫上西裝圍裙，即刻變成型仔OPPA！不久職員送上各款食材。鹿兒島橡味黑豚　　一塊没有添加調味的的豚肉，只單憑其原本的肉味來取勝，這就是韓國燒烤的精髓。平時在家肯定燒不出這種豬肉。因為家中所有肉類都被女煮人～母親大人，加料調味醃制。這次可以慢慢玩了！職員還幫忙剪成小件呢！遺忘已久的豬肉味！今晚終於重拾這種味蕾記憶。有點心動想去韓國一趟！單單是燒豚肉，已經有油脂滲出來，無需額外加油了！　　　澳洲和牛上肩肉M9　長長的肉質纖維，要以剪刀分件，方便品嚐。上肩肉就是以肉味為主啦！　　　和牛牛脷　　本身喜歡牛脷，可是平時任飲任食的韓燒大都是薄片牛脷，加上不知何處才買到厚身牛脷，難得在此遇

旺角韓國燒肉店林立，要突圍而出，必然係平靚正之選。今晚由朋友帶路黎嘅呢間OPPA燒肉店，位置唔算係旺角正中心點，但隔離先達路程都只係幾分鐘。更加估唔到嘅係平日夜晚九點，呢度都座無虛席，咁啱有客人剛剛埋單，我地先好快順利入座。係門外見有個和牛拼盆好似好吸引，不過最終都選揀左馬場洞套餐 ($838+10% service charge)，貪佢乜都有。馬場洞位於韓國首爾，但呢個套餐嘅牛肉，分別有黎自韓國、澳洲同日本。另外仲有黑豚肉、銀雪魚、什至係鵝肝都有，亦都包括韓式炸雞、海鮮年糕，份量豐富，四個人食都好飽。專注研究menu期間，OPPA店員已經好快咁上左三小碟，麥茶同醬料。三小碟包括韓國泡菜、大豆芽同埋海帶，味道唔錯。麥茶係冰涼嘅，下火一流。睇menu見到其他野飲，例如不同嘅生果冰、啤酒、韓國真露等都好吸引。係等緊個爐熱果陣，OPPA繼續好快手咁倒入蛋汁。見我地係度影相，佢更加表演埋「拉蛋汁」，功力深厚。泡菜烤蛋幾時都係至愛，全部人都食唔停口。大部分燒肉都係由OPPA好主動咁親自操刀，我地負責做嘅，就係戴上圍裙等食。第一樣食嘅係澳洲和牛五花。牛五花之所以有呢個名，因為佢係牛嘅肚皮肉，脂肪含

之前幫襯過屋企附近間OPPA燒肉店(大埔)，今日就一行四人黎旺角店踩場。呢排實在太熱，一坐低先叫野飲，以前飲過菠蘿冰，好鬼正，新鮮菠蘿整嘅沙冰，用一大個真菠蘿殼裝住，仲有一片片嘅菠蘿肉，我梗係大力推介啦。但我今日想試吓個芒果冰，可惜今日冇，只有菠蘿冰同西瓜冰。最後四個人都叫晒菠蘿冰，飲勝~一上枱就即刻飲幾啖先! 冇左個菠蘿殼，又冇左一片片嘅菠蘿肉，有啲失望。好大杯，飲落去仍然係新鮮菠蘿整嘅沙冰，好鮮甜，帶一粒粒嘅菠蘿果肉，食燒肉配沙冰，冰火嘅感覺，一個字 - 爽!爐邊蛋，按我指示一半放泡菜，一半齋蛋，一次可以試晒兩款口味。要重點一提，OPPA嘅燒烤板我覺得係咁多間燒烤店最好嘅。一整塊平板設計，非燒烤網，肉汁同油唔會漏入火爐裏面，由於傾斜擺放，所有油都會卸晒落去個盛油碟入面，容易清潔。最重要係佢嘅材質好好，無論燒乜都完全唔黐底，其他燒烤板同燒烤網好多要預先搽定油上去，一路燒仲一路要唧啲油上去，呢個板真係超正。野食就叫左個馬場洞套餐，呢個巨型匈牙利鵝肝，好厚，仲厚過我手掌。燒鵝肝最重要嘅秘訣係: 雪硬佢先!!! 因為鵝肝入面有好多油份，遇熱就溶，雪硬佢先燒就最好! 所以呢個一上枱就要第一時

打完麻雀，老豆話好耐冇食韓燒，就試吓屋企附近嘅韓國燒肉店。燒肉店位於旺角洗衣街，算係喺旺角核心比較外圍嘅地方，所以等咗一陣就入得。牛肋骨湯 - 老豆食親飯，不論中西日式，唔飲啖湯都唔安樂，所以叫左個牛肋骨湯$108。湯落左奶所以特別香滑，入面放左好多蘿白帶點香甜，牛骨同牛肉亦好多，好香濃嘅牛骨湯味道，好好飲。啲牛肉煲到好軟腍，完全冇渣。4個人叫左個馬場洞套餐$838 - 啱晒鍾意食肉嘅老豆，因為除左有多種高級靚牛肉同匈牙利鵝肝呢啲高級食材外，仲有黑豚、銀鱈魚、韓式炸雞、牛脷(老豆至愛)、韓式海鮮年糕，真係海陸空都食晒。A4和牛三角肉、宮崎和牛上蓋肉眼、澳洲和牛五花。A4和牛真係搶晒鏡，大大塊，絕無欺場~油脂分佈均勻，燒完肉質都仲係嫩滑。鹿兒島橡味黑豚 - 初初睇個色澤以為係牛，原來係豚肉，肉質軟腍，果然又係靚食材。店員仲好細心幫我地剪開，方便我地SHARE之餘，燒嗰陣又可以更容易睇到係咪熟晒~韓式炸雞 - 有少少辣，阿媽怕辣都頂得順，仲話好惹味，而且雞肉嫩滑又多肉汁。不過咁啱我食嗰件近中心有少少血紅色，少少失手。匈牙利鵝肝 - 好大件，一燒就聞到鵝肝嘅羶香味。鵝肝相當肥美，睇佢搞到「油