瑞樵閣

营业中

休息中

一家瑞士餐廳，最出名係佢地嘅芝士火鍋，做法正宗，必點！餐廳裝橫全都是木材，掛住外國風格畫同埋裝修，尤其置身至阿爾卑斯山小木屋食飯，想去嘅朋友記得預早1-2月book 位。佢哋既芝士火鍋有2款 - Fondue moitie-moitie 同埋Fondue Montagnarde，第一種嘅配菜只有法包，芝士味會濃郁啲；第二種嘅配菜有法包、通粉同埋薯仔。🥖麵包籃牛油有兩種口味 - 原味同埋加入左蕃茄嘅牛油🧈，加入左蕃茄嘅牛油冇咁油膩，有啲酸酸地嘅蕃茄味，加入微暖嘅麵包好食。3款麵包各有特色，亦可以refill，French bread roll 非常香脆，內裏軟綿綿。🦀蟹肉班戟(Crab meat pancake with lobster-Armagnac cappucinno)薄薄的班戟表皮包住非常鮮甜嘅蟹肉，蟹肉嘅份量超級多，蟹肉 mix埋忌廉汁，班戟上面加左龍蝦白蘭地忌廉汁，打至起泡，龍蝦🦞汁非常濃厚，稠身，好似飲緊龍蝦湯咁。🦆香煎鴨肝（Pan-fried duck liver with flambeed grapes and Marc de Pole sauce）鴨肝兩邊煎至金黃色

好多年前黎過一次瑞樵閣，用餐體驗非常好，雖然食物方面唔會太精緻，不過味道唔差又大份，服務仲好好添。今次一於返黎慶祝紀念日。一早book都要waiting，好彩最後有位，我地係waitlist排第一。瑞樵閣其中一大賣點一定係環境，餐廳以瑞士阿爾卑斯山小木屋作爲背景，裝修主打深啡色同木材，播住瑞士音樂，牆上掛住瑞士裝飾，感覺真係置身瑞士。餐牌無中文，兩道菜收費$388加一，三道菜就係$488加一。先黎一個麵包籃，一共有3款麵包，服務員介紹係French roll， Rye，同Garden roll，可惜唔多暖。French roll好脆皮，配牛油好味。Rye外皮都脆。Garden roll就硬身少少同鹹少少，都可以嘅。麵包冇特別。牛油就印左餐廳個名。前菜5揀1，我地都揀左唔同菜式試試。仲可以兩個人同時揀芝士火鍋，不過我地見全部都係麵包就唔考慮。Goose rillettes with pickled root vegetables and waffle potatoes主角係兩pat鵝肉絲，配兩塊窩夫薯片。周圍放滿漬物，有迷你紅蘿蔔條，粉紅色嘅迷你茄子形瓜仔，白蘿蔔粒加迷你葉，青瓜包住沙律

有緣地上星期撞到十幾年無見既朋友仔，今晚相約出黎食餐好既，順道聚聚舊啦 ﹗我又好耐無黎半島，日日做到手無停，氹吓自己開心都要啦！又無卡位坐，上次又係咁，unlucky 呀 ﹗坐對家講野唔方便。望望個 menu 似乎同以前大同小異，菜色都係差不多。矣？﹗今晚有 seasonal 既 menu 喎 ﹗梗係 order 依啲啦，正呀 ﹗唔係成日都有得食。唔掙在順便睇埋個 desert menu 啦，預計今晚都會 order 架喇。麵包籃，味道依舊無變，麵包味超級香濃，聞得到既新鮮 ﹗不同既口感，有香脆、有嚥韌、有鬆軟，當然全部都一件不漏比我地消滅晒啦，加上牛油或欖油黑醋非常美味 ﹗蟹肉班戟配龍蝦汁 Crêpe au crabe, cappuccino à l’homardine et Armagnac，黎 Chesa 晚餐咁多次，重來未捨棄過依道菜，每次都會由佢做 opening 既主角 ﹗香濃味美，色香味俱全樣樣齊 ﹗鮮蟹肉香甜鮮味又多汁，用充滿蛋香而滑溜既班戟卷住，倒上幼滑濃郁既龍蝦汁，個個都話好味啦 ﹗煎鵝肝跟欖油黑醋，絕對係高水準既烹調 ﹗鵝肝外層煎得香脆鬆化，但內面依然保持半凝固狀