Amitie Kitchen

营业中

休息中

今日同好朋友一齊食dinner，有其他朋友推介呢間係厚福街嘅樓上西餐，話食物幾好食🤤 果然真係滿足好食嘅一餐🤤 有熱麵包，都幾鬆軟，配上旁邊果醬或者牛油，好食！ 想再食😆 火炙半熟三文魚伴紫蘇莎莎 $148 開胃，鍾意個紫蘇莎莎汁配上三文魚好夾🤤8oz美國頂級西冷 $318 牛扒要咗七成熟，餐廳幫我哋煎得啱啱好，牛扒嘅肉質鮮嫩而且牛味濃、油脂香，非常有驚喜！旁邊嘅side dish都好豐富，其中煙肉薯仔整得好香口惹味🤤香辣蕃茄花甲天使麵 $198天使麵嘅麵質細軟但係保持彈牙，非常掛汁，醬汁偏清爽而且有少少辣，令我哋食唔停口，係一個好開胃嘅pasta！士多啤梨朱古力窩夫伴士多啤梨雪糕 $88窩夫上枱時熱辣辣，外脆內軟，就咁咬一啖已經覺得好好味！ 配住酸酸甜甜嘅士多啤梨雪糕，味道同口感就更加豐富😋 甜品嘅擺盤都好靚好啱打卡！ 見隔離檯有朋友生日，可以寫碟！抹茶朱古力牛奶 $42 唔會好甜，有香濃嘅抹茶、朱古力粉撈勻飲好舒服☺️

相約朋友去尖沙咀食晏，佢介紹Amitie Kitchen, 喺樓上店，於厚福街尾，直上9樓！一出lift口就係餐堂！細細間；坐落都可以！我倆各選了一個set lunch!有餐湯有熱飲和甜品！我選軟殼蟹意粉，三文魚沙律；朋友選燒紐西蘭牛扒，蕃茄牛尾湯再加15蚊麵包！再加多個焗藍芝士煙肉薯仔！個三文魚沙律的三文魚有煙燻味，沙律菜都鮮甜，牛尾湯有濃濃蕃茄牛尾味，味道很好，麵包都暖暖哋！不錯！牛扒選了薯菜，有驚喜！不是一般的薯菜，而牛扒都造到五成熟，都十分淋軟！有濃濃牛味！軟殼蟹就成仔蟹放於意粉上，好吸睛！打卡必選！餐茶選了抹茶紅豆冰和熱情果芒果茶，各有特色！甜品就係細細個慕士蛋糕！剛好不太飽！

好耐之前嚟過呢度一次，今次發現餐廳裝修唔同咗，多咗幾分浪漫嘅感覺，呢度嘅嘢食種類都算幾多，同時佢亦都有套餐，不過我哋今次就散叫😛叫完嘢食好快會上麵包，今日有三款，分別係竹炭包、牛角包同埋蕃茄味嘅脆餅，個竹炭包好好食，好香好軟，配埋牛油同果醬好正～睇到呢個烤燒大啡菇、焗釀鮑魚、北海道帶子、虎蝦意大利飯伴龍蝦汁 ($238)就覺得相當吸引😆全部都係我鍾意食嘅食材，意大利飯鋪咗喺三隻大啡菇上面，大啡菇非常juicy，配埋啲飯嘅龍蝦汁，口感同埋味道都非常融合，鮑魚口感彈牙，一啲都唔韌，非常新鮮～帶子煎得啱啱好，裡面仍然十分嫩滑😛兩隻虎蝦都好彈牙😆男朋友叫咗呢個香脆鱈魚柳牛油果漢堡配他他醬、蕃茄沙律 ($168)，份量非常驚人，因為有兩塊炸魚，個漢堡超級高，好少食啲咁有口感同肉質咁好食嘅炸魚，好彩配返啲沙律中和返😆食完真係超級飽！我哋仲叫咗個小食，炸黑松露薯條 ($58)，呢個份量比得好足，炸得非常香脆，個黑松露醬亦都好濃味，好好食😙另外仲叫咗杯400次美綠波波 ($38)，上面嗰層美綠泡泡加埋下面嘅鮮奶，口感好滑，啱晒我呢啲唔飲咖啡嘅小朋友😆呢度真係坐得幾舒服而且氣氛好好，食物質素亦都唔錯，值

🧚🏻‍♀️今日朋友同吃貨嘉嘉慶祝生日，book咗呢間bookmark咗好耐嘅餐廳一試～由於餐牌太多選擇，我哋決定揀個二人餐咩都唔使諗🧏🏻‍♀️🥐🥖餐包呢度嘅餐包仲暖暖地，仲要有3款、牛油同士多啤梨果醬比你食🥹 超級有誠意！個牛角包加埋士多啤梨醬真係不得了😋好怕好快食飽嘅我都即刻食哂！🐖巴馬火腿配蜜瓜巴馬火腿正正常常～似10個月個種～個蜜瓜就出奇地甜😍🐮12安士美國安格斯肉眼扒肉眼扒煎得好香，有微微炭燒味🤤下面嘅薯蓉都好香滑，蔬菜都烤過，好好味🤤🦐虎蝦、海膽、龍蝦忌廉汁意粉虎蝦冇咩雪藏味、亦冇甩頭～海膽份量正常，龍蝦汁味道都正常⋯食到呢到已經好飽好飽🧇🍨雜莓窩夫配士多啤梨雪糕窩夫係即叫即整～所以上碟後都仲係熱嘅，窩夫筒雪糕一熱一凍，好正！唯一係士多啤梨雪糕有啲太甜，我同朋友就食唔晒🙈🧚🏻‍♀️總結，食物質素中上但又唔算太貴～可以同朋友放工聚會🫶🏻🫶🏻🫶🏻

自從晚市堂食放寬後，想約朋友食飯總是好一個好活動尖沙咀e d 中間點就岩曬大家相聚。 首先會先上麵包，熱辣辣的。 叫了杯熱情果梳打，相當開胃。沾上果醬， 大家開始傾下計，環境十分闊落。黑板上有一項燒保雲酥牛骨髓配法式西多士相當好味。牛骨髓其實燒得好香，夾多士食，牛骨髓吾會顯得油，反而係好香。仲帶有啖啖牛香。 用作配多士，完全食出當中既香口。其實係比較罕見。吾係每度都有得食咸蛋黃醬汁煙肉磨菇意大利麵。個醬個creamy 超級creamy 好濃即使食到最後，仍然保持個creamy 既濃度每口意粉都濃濃醬汁包住。好欣賞個汁。加上煙肉等 好香既意粉另外係一份香煎煙肉配大啡菇牛肉漢堡個 burger 有得揀單份 雙份， 單入都已經係超級豐富。 裡面超足料，即叫即候既burger 好味道。 而且漢堡好juicy. 加上煙肉既油份，令個包好好味。今日大家都食得好開心

自從係港島區返工，好耐無過尖沙咀搵食啦～今次朋友帶咗我嚟厚福街H8搵食~ 位於9樓一間叫 Amitie Kitchen~ 原來係一間fusion西餐廳~ 我哋8點零上到嚟、差不多full house~ 😵好在仲有張2人枱俾我哋~打開餐牌～ 食物種類都幾多😁 2人餐又好吸引🙈仲有黑板上嘅特別推介～ 最後order 咗😜👇🏻法式香草牛油焗田螺嘩～ 個擺盤真係好靚呀～ 田螺夠大隻，入面滿滿香草牛油🧈，底下嘅手打薯蓉亦都好好味～脆炸軟殼蟹🦀·牛油果🥑漢堡配蕃薯🍠條打開包面，真係成隻軟殼蟹，無偷工減料㗎！～ 食落酥脆香口～ 番薯條又係食到停唔到口，沾埋佢啲特製醬汁更加正！紐西蘭肉眼扒（8安士）雖然較薄身，但都啱啱5成熟無overcooked ~ 肉質幾腍、肉味適中~另外想讚下上菜前附送嘅麵包🥯呀！有3種類咁多，全部都好好食！雖然繁忙、侍應亦非常有禮～呢度菜式種類咁多，😸下次可以約多一、兩個fd一齊食呢！一齊撐！