炊豕店 (加路連山道) (已結業)

{銅鑼灣食堂} 炊豕店🏮專門食大大豬扒嘅台式食店😋一邊享受美食， 一邊聽住耳熟能詳嘅台灣歌，好鍾意佢地個playlist!🎶每次去門口都排着隊🚶‍♀️🚶🏻‍♂️🚶‍♀️🚶🏻‍♂️店鋪不大 座位亦有點迫🙈但美食當前，咩都不再重要🙈😂⭐ 必食推介:1️⃣葱油豬扒 $64(可配: 白飯/粗麵/幼麵)豬扒大到好震撼😲厚切，而係炸到金黃色👍🏻葱油多到成座山咁高⛰️之前都係配飯🍚今次試下撈粗😆 嘩正!! 好有驚喜!! 太耐無食加工食物🙊忍唔住加配左: 厚午餐肉🐷 +$10嘩，真係...好...好...好厚! 好有口感 好有滿足感☺️2️⃣ 麻辣炸魚蛋 $25第一次試😆 👍🏻麻辣醬做得好好好有驚喜，好麻，唔會太辣🙈太細粒，雖然有5粒但$25/碟又真係太細份了😕3️⃣秒製豬扒(咖哩汁) $64建議: 配白飯👍🏻👍🏻咖哩汁會另上，好貼心😉咖哩汁不會辣，有啲啲甜味，好有港式咖哩風格📍銅鑼灣加路連山道11號地下

一間專門烹調豬肉的小店除咗出名嘅蔥油豬扒外大阪燒豬扒、咖喱秘製豬扒亦同樣受歡迎🔖 蔥油豬扒撈幼麵大大塊豬扒 炸至金黃香脆(◍´꒳`◍)✧再灑滿蔥油係豬扒上面 撈麵食簡直世界級🏅不過份量真係超多 小編同朋友都食唔晒 太濟了建議可兩人sʜᴀʀᴇ一碗 然後再單點其他小食

一間位於銅鑼灣區的台灣食店，間中會出現人龍的情況。早在舊鋪禮頓道時，小時對它的味道已經有不錯的平價，價錢不算昂貴，可以說是平民價錢，高級享受。當時能吸引我是因為店肉沒有牛肉，我因為信仰問題，所以家人都過著沒有牛的生活習慣。今次多年後再次光顧，味道依舊👍🏽👍🏽👍🏽！麻辣炸魚蛋：熱辣辣新鮮炸起，聞到陣陣麻辣味。但放到口裹，辣味不是太勁！口感煙韌，表面金黃！不會太勁，彈牙口感。唯一的是炸蒜有點硬！咖喱汁秘制豬扒撈粗麵：大大塊厚切的豬扒，表面金黃色，外脆內軟。炸粉十分薄身，完全均衡地包住肉質，不會只食到炸粉既機會，鬆脆的聲音可以從口中傳達到對面，亦能鎖住肉汁，保持新鮮，十分香口不油膩！粗麵已有少少秘汁，加上香濃咖喱汁，少許微辣，沾少許和炸豬扒&麵一起進食，可以話每一啖都有幸福的味道表露出面上，味道豐富又可口，不會太過濃味！係平民之選！咖喱汁另上，可以睇自己個人喜好落多少，或是每個人都有自己既方式進食，亦唔會將豬扒整𣺉十分體貼😋😋😋.

與朋友一直想試這間豬排飯很久了，這次終於下定決心過來試試究竟🤤我們夜晚七點三到等了大概10分鐘左右便安排了吧台的位置，能看到裡面的員工快速地把一碗一碗熱騰騰的豬排飯弄好🤤因為坐在吧台我們的豬排飯也是直接便遞給了我們方便快捷🤣我們兩人先叫了前菜涼拌海蜇和麻辣炸魚蛋，涼拌海蜇就是平時放題前菜吃到的那種沒甚特別😛麻辣炸魚蛋配上大量炸蒜吃起來也挺過癮的，不過辣度還好不夠辣🥺主菜我們當然選了豬扒飯啦！我選的蔥油豬扒飯鋪滿滿滿蔥油，我分了一點給我朋友也足夠我撈飯吃🤤至於朋友點的咖喱汁也很搭！咖喱是偏甜那種，我拿了好多來沾豬扒吃😍兩個豬扒飯要選的話我更喜歡咖喱豬扒飯的惹味😛至於主角豬扒真的是名不虛傳！粉漿不厚，豬扒肥瘦均勻一點也不柴口🤤咬下去絕對是外脆內軟😳看照片也能看到店員把豬扒炸得剛剛好😎加點的厚切午餐肉也是邪惡之選喇😛用了跟豬扒一樣的粉漿炸好，也是外脆內軟😚基本上整餐飯的味道與性價比也是非常好😎這裏豬扒真的是非常大件，我跟朋友兩個女生吃到最後真的吃不下最後還吃剩了一兩件🙈下次還是跟男朋友來吃絕對是會讓他捧腹而回了😉

星期六約左D朋友食lunch行下街，順便試下新野食。小編好耐冇出銅鑼灣搵食，所以好多近年開嘅餐廳都唔識同未聽過。朋友就話呢間好出名又要排隊，應該幾好食，所以我地就一齊去左試下。我地成兩點幾近三點先去到，諗住避左個lunch time，點知條龍都好長。不過大家一場黎到就梗係照排，費事再諗。我地多人，所以排左差唔多大半個鐘先有位。間舖唔大，入面座位數量相對較少，不過唔會坐得好辛苦。排緊隊嘅時候我地就睇住menu同揀住野食先，慳返D時間之餘又可以快D有得食。以店舖面積黎講佢嘅選擇唔算少，仲有唔少小食揀。呢度當然係食豬肉為主，所以飯嗰D多數都係以配唔同嘅豬肉。我地想試多D唔同野食，所以淨係叫左兩個飯同埋幾個小食。當然唔小得小編最鍾意嘅叉蛋飯。呢個叉蛋飯好足料，而且D蔥油好香，叉燒切左粒連埋D蛋同飯一啖一啖咁食落口，好滿足 叉燒同蛋都唔會咸，味道好夠，啲料夠餸哂D飯。呢個炸豬扒飯算係signature dish，見好多人都食，即管試下。炸得好香，D豬扒本身好鬆軟，連埋炸漿食，好滿足。見倒師傅整野食嘅時候個樣好認真，果然整得好好食。味道啱啱好，唔會咸。個咖喱汁唔辣，佢本身分開上，可以按自己喜好咁樣

其實我聽過呢間餐廳好耐😂出名多人排隊，今日我同朋友6pm黎到，係我前面只有2個人排緊，但我入左去之後就開始多人排喇😂我叫左個炸豬排飯（肉燥），加$10滑蛋，豬排好大件，我鍾意個豬排唔太油，又juicy。滑蛋又係又厚又大份，送飯超正。D飯係珍珠米黎，好味朋友叫左個沖繩豬軟骨飯，好人性化可以少飯減1蚊減少浪費！雖然少左飯，但都係好大碗，除左有幾舊豬軟骨仲有蘿蔔同蓮藕。豬軟骨好大舊，炆到軟稔又入味，連骨都炆到淋晒有滿滿既骨膠原～醬汁甜甜地，d肉吸收晒d湯汁好濃郁，撈飯真係一流！另外叫左個小食麻辣魚蛋，唔係好炸架咋，超多蒜勁香！D醬汁夠晒麻，魚蛋又juicy, 我將淨返既炸蒜倒晒落個飯度，又幾好食！我終於明白點解呢間餐廳咁多人排隊，因為真係好抵食，大滿足！

想試呢間好耐架喇！豬扒果然係名不虛傳！我地8點到達，排咗大約20分鐘，終於有得食！餐廳佈置好有特色，好有台灣風味，感覺簡約、時尚。座位就有少少迫。價錢好合理！我呢個唔食葱的人，見到有得正葱，覺得好貼心！仲有得揀飯的分量、加配料、加汁。<柚子蜜豬扒飯> (期間限定)豬扒堆得非常滿呀！豬扒炸得好鬆脆，肉質保持到Juicy，係外脆內軟！柚子蜜減少油膩感，推介呀！！！<叉粒豆角葱花炒滑蛋撈粗麵>蛋炒得好出色！好滑好香口！撈飯一流！配叉粒同豆角好正！粗麵沾滿醬汁，好食！<麻辣炸魚蛋>魚蛋好彈牙！食落感覺到佢係用咗好多好多魚肉黎整，好足料！！配炸蒜正呀！總括黎講，豬扒超好食！呢個價錢超抵！如果唔想排隊，記得要避開peak hour。

銅鑼灣一向商場大牌子食店林立，啲偏僻小巷店都少有人理，但見依間專食豬扒丼或麵既小店幾多好評，一於試一試，就覺得真係值得讚賞門口有大大塊牌寫住必食豬扒飯係龍與鳳就真係要入去試吓啦店面裝修帶少少懷舊風，用嘅都係摺檯摺櫈點餐方式就係每人自己tick紙仔，主菜大部份都係以豬扒做主題嘅亦可以按自己喜好加配菜、多飯定少飯，同埋飲品，另外亦有多款小食，幾有彈性架女友叫左蔥油豬扒飯，見佢係期間限定，加上黎到一定要試佢既豬扒丼，所以叫佢蔥油好惹味豬扒夠爽脆嫩滑配上軟綿綿嘅飯，係好食至於我就叫左沖繩豬軟骨撈粗麵，賣相幾特別放上三塊蓮藕片同兩舊蘿蔔，豬軟骨放底，伴碟仲有類似蒜粉嘅調味料用嚟撈麵豬軟骨好軟滑令我諗起去沖繩旅行嗰時食嘅沖繩麵都有用上依隻豬軟骨個麵既麵質都爽口彈牙，撈上既醬汁都惹味我地每人加7蚊飲果汁，有蘋果汁同埋橙汁選擇，依隻唔知咩牌子嘅果汁都好好飲，但就幾細支。小食方面，依碟炸魚蛋風味有啲似日式，因為佢配上木魚同埋日式燒章魚丸用既醬汁，味道不錯另外亦叫左客滷水雞翼，依個就唔太特別，味道預期之中。整體黎講，平均每人食左83蚊，食得好飽，而且食物味道質素真係不錯，係一間用心經營既小店