山東餃子館 (已結業)

同男朋友去高登買老鼠，近近地就來這裡吃午餐。人不多，冷氣充足，坐得幾舒服。這裡的招牌作品。我們以為拌麵是冷的，但原來是熱的。麻醬有很重的花生味，大量青瓜絲好爽口，一個人吃會有點膩。羊肉水餃五隻，跟上海麵，清湯底。用羊肉包餃子，感覺怪怪的，但男朋友好似喜歡喎。淨水餃十隻，馬蹄很爽口，可是餃子皮略厚，不過男朋友說是山東的特色（！）。即叫即燒，所以最後才來到。很香，因為香料很重，用鐵絲來燒很有大陸的味道。這裡的餃子全都大大粒粒，餡料滿滿的，好味又抵食。美中不足是只有預先雪藏的豆漿，我們吃飽後就行去公和豆品廠買新鮮豆漿喝。

再臨山東餃子館，記得上次星期五晚來，坐無虛席，要坐在廚房對出的二人枱。現在換了星期一晚來，剛好有枱兩個人排排坐看電視，不用迫。很喜歡山東餃子館的人情味，以及平價又飽肚的食味。這次叫了： 麻醬拌麵 ($17)：現在才知道原來拌麵可以換做蕃薯麵 / 南瓜麵 / 上海麵 / 菠菜麵，而且不用另加收費！真係超驚喜和抵。原裝的麻醬拌麵的拌麵份量非常之多，一個人吃未必吃得哂。麻醬撈得很仔細，每條麵都有汁液。最開心係上面放有青瓜絲，不會預先撈定。 咁我唔吃青瓜絲，可以拎走佢，製作幾細心！ 京蒽羊肉餃子 ( 5 隻 ) + 三鮮餃子 ( 5 隻 ) ( $22)：吃羊肉餃子，以前會吃茴香羊肉，但自己略嫌茴香太多，朋友就認為剛剛好，很喜歡吃。今次試吃京蒽羊肉餃子，有想不到的驚喜！京蒽切得得幼細，餃子充滿肉汁，一咬落口，非常之鮮甜，又有很香的京蒽和羊肉味。三鮮餃子是由冬菇，蝦，同埋肉做，同樣很讚！肉汁較京蒽羊肉少，但賣點是非常之爽口，每隻餃子都有一隻蝦添！蒜蓉千層餅 ( $9？ )：疑似蒽油餅，非常香蒜蓉味！而且異常地脆！十個脆！必吃！ 羊肉串 + 雞肉串 ( $16)：羊肉串和雞肉串都充滿了孜然粉，燒得

主人與奴隸獸在深水埗各主要景點（北河街街市、鴨記、西九、高登、黃金）逛了一個下午，奴隸獸已將所吃的午餐消化殆盡。現在又要搵食喇！途經此食店，主人毫不猶豫，即時幫襯，點了：1. 麻醬拌麵（HK$17）：麵食落煙韌彈牙。麻醬味道濃稠，頗為黏口，如可調稀一些，口感更好。配著青瓜絲一起食，好味呀！2. 紅油抄手（HK$18）：紅油不算辣，香味不夠，菜肉雲吞的味道亦一般，不過有了質感幼細的蒜泥，才令這款小食變得出奇地好味。3. 菜肉雲吞（HK$18）：我們將這碗菜肉雲吞亦變成紅油抄手了。4. 豆漿（HK$6）：奴隸獸問店員：『有沒有無糖豆漿？』店員答道：『我們的豆漿是少甜的，試試喇！』奴隸獸姑且信之，怎知好甜呀！不過用來中和紅油抄手的辣味，亦未嘗不可。

一直都想試，早排係深水埗搵食，行過見到哩個位開咗，就即刻入去試吓。麻醬拌麵 - 本身好鍾意食麻醬，點知哩個令我好失望，完全冇麻醬味，可以話係冇咩味，不過d青瓜好多好新鮮金玉滿堂餃 & 西洋菜豬肉餃 - 個餡ok，但個皮好唔掂，灣仔碼頭仲好味過佢價錢算平，不過真係麻麻，會唔會總店好d呢？

早幾星期同班好友一齊打完波, 加上師傅想黎深水埗睇下電腦, 於是相約封筆食家"今餐食乜好"結伴同行, 但喺睇野之前都要醫飽個肚先, 於是就黎左封筆食家"今餐食乜好"經常勁讚嘅食店!一行五人, 入到食店好彩有位, 睇左一陣就開始柯門野食, 師傅主打揀左酸辣湯, 跟住仲有其他野食, 如麻醬拌麵, 白菜馬蹄鮮肉水餃, 羊肉餃, 茴香鮮肉餃, 煎同湯上各半打!先講下個酸辣湯, 酸辣湯都叫幾酸幾辣, 味道真係唔錯, 值得一試; 而麻醬拌麵味道真的不錯, 雖然師傅試左少少, 但對佢嘅水準亦不得不讚, 皆因每一條麵都沾滿麻醬, 口感又唔會覺得太黏, 配埋青瓜絲, 所以都幾清爽, 真係唔錯; 羊肉煎餃煎出黎都熱辣辣, 皮厚左少少, 煎完帶少少硬, 都可以; 湯上嘅羊肉餃就比較好, 食到羊肉嘅酥香, 加上冇咁乾身, 可以啦; 不過師傅就較為欣賞茴香鮮肉餃, 皆因茴香嘅味道出色, 不論煎同湯上, 同樣非常吸引, 唔錯; 白菜馬蹄鮮肉水餃亦算不俗, 餡料清清爽爽, 都算幾好味!總括黎講食物質素不錯, 環境就幾細, 服務都可以接受, 價錢絕對唔貴, 埋單三十幾蚊一位, 都算抵食; 師傅都係第一次試呢間食店,

一人午餐, 在滂陀大雨下堅持老遠走去深水埗,有時都不得不佩服自己的意志! 大雨和早的關係,可以lunch時間獨佔四人枱!!味道 麻醬拌麵--每一條,每一段都沾滿濃濃的麻醬暖暖的, 有別一般冷麻醬麵....適當的熱度不停揮發麻醬的香味,大量翠綠的青瓜絲除了在對顏色有刺激的幫助外,在黏稠的口感中清爽涼口的青瓜們對味覺也是不可缺少的角色!色香味齊料有時就係咁簡單!!半客羊肉煎餃--煎餃是比湯餃冇咁出色,煎餃要加2元,出來和期望有不同...可能羊肉比較適合水滾吧!羊不算多汁,餃皮又過厚,是香不過冇咗脆的感覺!上次煎茴香菜餃好味得多,證明唔係煎就一定好!!環境+服務+衛生一般小店質素, ok 抵食28元但好飽........又好味.......抵食!!!! 小貼士:可向待應拿蒜蓉,不論加在麻醬拌麵(老闆教)或加醋點餃一樣滿點!!!