鳥鑫

营业中

休息中

同舊朋友聚舊, 揀咗尖沙咀厚福街樓上舖一間串燒居酒屋, 餐廳環境不大, 座位整齊企理。入座隨即送上前菜--- 野菜條 HK$30爽脆甘味椰菜併爽脆清甜多汁嘅蘿蔔條, 配上鹹甜麵豉醬, 非常惹味。飲品方面, 供應多款日式清酒, 另有少量非酒精飲品選擇。【乳酸梳打】HK$38大大杯, 冰凍酸甜又夠汽, 啱哂邊食串燒, 邊慢慢嘆。【煙燻華味鳥芝士卷】HK$68選以日本華味鳥刺身經煙燻, 外層爽滑, 包住了軟滑cream cheese, 咀嚼時散發陣陣奶酪香味, 每件迷你細細粒, 剛好一粒一啖, 食唔停口。【雞胸紫蘇葉】HK$38紫蘇葉包住了雞胸肉, 雖然胸肉不算嫩滑, 但外層包住嘅紫蘇葉散發獨有清香, 幾特別。【香草醬燒法國鵪鶉胸】HK$78鵪鶉胸比雞胸嫩, 而且keep到肉汁, 面層加上了調味配料汁醬, 甜酸惹味, 汁醬令整體唔會太乾之餘, 又能提升味道。【雞腎】HK$32細細粒, 口感爽彈, 表面帶油光, 唔會燒得太乾, 灑上少少鹽作調味。【免治雞肉棒】HK$58雞肉棒壓得不會太實, 稍有少少力夾開就散, 含豐富肉汁, 內裡夾集了爽脆軟骨幼粒, 豐富了層次, 沾上日本蛋食, 令口感滑一點

平時好鍾意去尖沙咀厚福街食好野，無意間發掘到一間高質日式串燒店，鳥鑫主打各式鳥燒，仲有各種刁鑽部位。店內木系裝潢簡約充滿日本居酒屋風味! 地方寬敞坐得舒適，服務一流。雞全翼比想像中嫩滑多汁，雞翼外皮燒得金黃焦脆，作為整頓飯的間場是不錯的。田雞腿串肉質嫩滑，啖啖肉。七味魚翅都好食，係魔鬼魚嘅魚翅，點上有七味粉嘅沙律醬一齊食特別滋味，口感又脆又香口！雞皮咬落卜卜脆冇多餘嘅脂肪感，惹味卻不算太油膩，感覺有滿滿骨膠原。黃油雞腸油香十足，燒到脆脆地好香口，裡面軟滑得黎冇怪味。銀鱈魚肉好厚好好味,，而且皮脆充滿大量油香。京蔥雞蠔肉，肉身好厚嫩滑juicy，雞皮燒至脆口，加上京蔥帶點清新感覺，又可以去膩。燒牛柳都正，分別係香蔥牛柳和汁燒牛柳，牛柳燒得軟冧，配上不同料味後，風味截然不同。 第一次食鹿肉柳，師傅燒至中間仲係粉紅色，肉質幼滑軟嫩多汁，必試之!  燒菠羅作結，表面有層熔化了嘅焦糖，咬落外層香脆帶點焦香、內層清甜多汁，好好味。 餐廳原來下午2點到6點MAIN MENU 有7折，抵好多😊

這間位於厚福街的人氣居酒屋主打日式串燒，平日晚市已經滿座，幸好先訂座的習慣。店內裝修充滿著日式居酒屋風格，有廚師吧枱能欣賞師父席前燒烤的手藝。侍應的服務很貼心和迅速，會主動添茶、收拾空碟、上菜速度也很快。野菜條 - $30新鮮的椰菜及蘿蔔條爽脆多汁，入口冰涼開胃，可清清味蕾。雞柳柚子 - $38/1整串飽滿肥美的雞柳很嫩滑多汁，陣陣柚子的酸甜很清新。京蔥雞 - $48/1鮮嫩爽滑的雞肉夾著爽脆的大蔥充滿香氣，塗滿鹹香的日式醬油。雞腎 - $32/1一粒粒紫紅色的雞腎好脆嫩，口感很好。雞肝 - $36/1軟糯綿密的雞肝入口沒有血味，好鮮甜。雞胸紫蘇葉 - $38/1嫩滑的雞胸不乾柴，酥脆的紫蘇葉有著獨特香氣。牛舌 - $58/1軟嫩的厚切牛舌油花均勻分佈，入口有彈性又多汁，有少少胡椒香。雞蠔肉 - $58/1一隻雞只有一串的雞蠔肉，形狀有點像生蠔，肉質極具彈性和豐富油脂感，燒烤鎖著肉汁和甜度。雞皮 - $28/1逼走多餘油脂的雞皮，變得酥脆又帶點柔軟。黃油雞腸 - $38/1薄薄的雞腸好綿軟，略帶脆嫩和黃油香。西班牙豚肋肉條 - $188西班牙豬特別優質，加上豬肋條位置有著雪花般的油脂，