酒鍋 (天文臺道) (已結業)

酒鍋坐落於天文台道，本來附近已經是餐廳林立，自從天文台道8號的商廈建成後，更多不同的餐廳進場，而酒鍋亦成其中一份子。今天與柑太一同慶祝阿叔生日，四人一齊到酒鍋十十下店內裝潢古今夾雜，帶點宮廷風味之餘，亦帶有現代化一的面。餐桌很大，四人同坐仍有很多空間，四周很寬敞，燈光適中，唯一是冷氣較強，最好多添一件衣物。我們最出名的選料矜貴的「酒鍋頂級佛跳牆」一個4人佛跳牆套餐，雖然每位要收438，但事後食完真係覺得物有所值侍應送上大大個宮廷鍋，打開後有大量湯料，包括花膠、鮑魚、海蔘等，真係不惜工本。花膠係火鍋食到一半時就已經腍晒，好正好味。等待湯滾時，其他食材都已送上。頂級安格斯牛頸脊食落油脂味重，香味惹味。日本黑毛豬煮耐左都唔會韌，肉質好鮮甜。手工墨丸同蝦丸全部都非常有咬口同彈牙，極正芝士紫菜蝦蟹餃及黑松露蝦蟹餃芝士餃入口有煙韌芝士，而黑松露餃一食就強烈松露攻出來，肉質鮮甜蝦肉膠質重。黃金炸魚皮呢期食得咸蛋魚皮多，估唔到酒鍋都有自己既炸魚皮，上面亦係有咸蛋黃，食落新鮮香脆，味道濃郁。手工紫菜響鈴新鮮即炸，又厚又脆，入湯一滾即上，入口外綿內脆，食到停唔到口。什菌同蔬菜拼盤，份量多，而且用料新鮮。稻

幾個舊同學好耐冇見 終於夾得岩日子出嚟食個飯 由於大家都各散東西我哋只好搵一個中間點方便大家食完返屋企 我就提議黎天文台八號呢度食飯因為呢度嘅餐廳比較包羅萬有而且坐得舒服又可以傾到計 佢哋話想打邊爐就一於試下呢間酒窩啦酒窩嘅格局同燈光都比較有格調 我哋夜晚八點半嚟到 餐廳近乎滿座 好彩有book位啫! 我哋見到隔離枱個鍋好特別就八卦問下侍應佢哋係嗌咩喎一問之下原來係佛跳牆 我哋幾個都冇食過佛跳牆 所以就決定試試個鍋來到嘅時候真係好有宮廷嘅感覺十分之華麗，令人更加期待個湯滾起可以打開佢我哋見到個湯底比較清八卦撈一撈個湯出嚟睇下有咩啦 一到撈一度嘩 太誇張喇 原來有鮑魚啦、花膠、海參、雞、瘦肉、元貝、乾瑤柱等等 未食開始打邊爐已經有咁多嘢食，真係好興奮！鮑魚大約有手心咁大隻佢嘅味道已經滲曬出嚟個湯度 咬落去都幾有口感好有彈性 花膠都有我嘅手掌咁長，比較乾身，黏度一般 反而佢嘅元貝同乾瑤柱 就一絕啦 元貝同乾瑤柱味道鮮甜 令到個湯底昇華 而湯底仲有金華火腿 真係一絕 ！！唔好睇雞肉好似用黎淆咗好耐湯底 但係肉質都係好滑唔會鞋嘅夾下夾下仲有素翅同瘦肉淨係個湯已經100分啦 掛架安格斯牛肉 味道

酒鍋係我食過裝修最華麗的一間火鍋店, 精緻既燈色, 舒適既梳化, 特色既算盤牆身, 藝術既壁畫等等, 細至紙巾盒同精美設計既濕紙巾, 根本無法令你唔望多佢幾眼, 真係唔打得都睇得呀! 呃Like 指數爆燈!! 非常喜歡甘有格調既進食環境呀!! 呢度既食物選擇何其多, 簡直係花多眼亂呀!! 仲要有好多特色食物選擇, 有選擇困難症既人呢part最好交比朋友處理, 哈哈~~醬料             HK$22呢度既混醬都好開心喎!! 基本你想混乜醬都有齊晒, 堅呀!! 我們都是藝術家            HK$398呢個鍋底真係無改錯名呀!! 店員先比左四支唔同顏色既Cream 畫筆同五款配飾比我地發揮, 同行另外兩位朋友對畫畫興趣不大, 甘就交由我同妹妹操刀啦~~ 係亂甘黎既情況下, 我地都覺得畫得幾滿意, 哈哈~~我覺得朋友生日同什麼紀念日都可以叫呢個鍋底黎玩下, 玩完之後, 店員會幫我地將多餘既Cream攞走, 其實呢個係一個蕃茄海鮮湯底黎, 而且仲好足料, 有蝦, 青口, 蜆, 野菌同蕃茄等, 湯底鮮甜又不會太肥膩, 整體的確好有噱頭同吸晴, 不過就有d浪費~~好喜歡見到一枱都

咁我今晚就同女友食飯啦，每次唸食咩都係一樣非常頭痛嘅事情，解決頭痛有時會search 下openrice ，而有時又會問下d識食老友，咁今次老友就介紹左我e間酒鍋wor, 同我講話一定要試呀！咁緊要！咁就要試下啦！咁就係openrice 上面訂位啦！上到去啦，門口都係有排櫈俾客等位啦，跟住就望下佢個logo啦，個logo就真係幾有heart ，個人覺得佢設計得幾好，簡單得黎都帶 d新意，真係唔識字都知道佢有咩食呀！。好啦，跟住就店員安排入座啦！入到去啦！基本上餐廳個氣氛都以高檔次為主，燈光較為暗淡，但係每枱都會有個射燈射落張枱度，佢有室內同埋室外，主要都係室內為主，我入到去嘅時候都已經滿晒位啦，心唸好彩有訂位姐！好啦！等我地都睇下個餐牌先！咁首先就望下個湯底先，佢果個我原創五格鍋就真係真係非常特別呀！當我見到果個巨無霸芫荽鍋就真係口水都流埋呀！但係可惜就係女友唔係好鍾意果陣味啦！咁就最後都係無叫到啦！之後就再睇埋其他嘅配料，真心講就真係幾特別呀！見到個餐牌就真係樣樣野都想食，所以我地都叫左好多野食，希望最後都食得晒啦！咁點左菜之後，店員就附上混醬啦，我自己就最欣賞佢個xo 醬啦！我自己

今晚同舊同事gathering，見呢排天寒地凍，去打邊爐就最啱啦！我地一行六人揀左去呢度暖暖胃～打邊爐個湯底真係好重要。呢度既選擇有好多，我地叫左醉生夢鍋，有五種湯底：龍蝦芝士、花膠雞、肉骨茶、四川麻辣、沙嗲，實有一款岩心水！而個人比較鍾意肉骨茶既味道，好有食緊藥膳既感覺。食材質素都不錯架，本地手切肥牛肉質軟滑；手打芝心墨魚丸雖然外表平平無奇，但當放進口中便知道與別不同；墨魚丸口感彈牙，要小心有燙口既芝士餡！之後仲專登叫多個烏冬，可以用嚟撈芝士鍋入面嘅芝士，煙韌既烏冬同香濃既芝士都真係幾夾。另外，我地叫左期間限定既黃金炸魚皮，上菜既時候已經聞到陣蛋黃香，食落口脆卜卜，一邊等緊火鍋既野食，一邊食住佢等同fd吹水就最岩！最後，飲品都係d滋潤下火既竹蔗茅根、檸檬薏米、洛神花茶等，不過用一個燈膽型嘅杯裝住，幾別緻。整體來講，質素環境服務都好好，但係價錢當然有番咁上下，不過一分錢一分貨，所以推薦俾大家！